Cymorth Profedigaeth

Gwrando a Chysylltu

CEFNOGI MYFYWYR MEWN PROFEDIGAETH

Mae'r grŵp hwn yn cwrdd i gefnogi myfyrwyr sy'n mynd drwy brofedigaeth o unrhyw fath. Efallai eich bod wedi colli ffrind neu aelod o'r teulu yn ddiweddar, neu beth amser yn ôl hyd yn oed. Beth bynnag yw amgylchiadau eich colled, mae’n bosib y gall y grŵp eich helpu.

Mae cyfarfodydd y grŵp yn para awr ac maent yn gyfle i rannu ag eraill a allai fod â theimladau a phrofiadau tebyg i'ch rhai chi. Rydym yn cydnabod bod galaru'n wahanol i bawb, ond mae'n dda gwybod nad ydych ar eich pen eich hun.

Caiff y grŵp ei hwyluso gan aelod o Dîm Ffydd@BywydCampws ac un o'r cwnselwyr Lles.

Peidiwch â theimlo bod rhaid i chi ymdopi â'ch galar ar eich pen eich hun. Mae help ar gael i chi.

Pryd mae'r grŵp yn cwrdd?

Bydd y grŵp yn rhedeg pob dydd Mercher am 3pm-4pm yn y Goleudy, Campws Singleton. Os nad yw'r amser hyn yn gweithio i chi, neu os oes angen help arnoch i canfod y Goleudy, danfonwch ebost i faith.campuslife@swansea.ac.uk

I gadw lle, ewch i'n wefan digwyddiadau trwy ddilyn y dolen YMA er mwyn canfod y sesiwn nesaf.

Taliad Cymorth Profedigaeth

Dyfarniad untro o £300 i helpu gyda chostau annisgwyl sy'n gysylltiedig â phrofedigaeth.

Gall myfyrwyr gyflwyno cais i Gronfa Cyfle Prifysgol Abertawe (y rhai sy’n talu ffïoedd myfyrwyr o’r DU) neu’r Gronfa Cymorth i Fyfyrwyr Rhyngwladol (y rhai sy'n talu ffïoedd myfyrwyr o dramor).

Nodwch yn adran 'Tystiolaeth' eich ffurflen gais eich bod wedi cael profedigaeth yn ddiweddar, ar ôl profi marwolaeth aelod agos o'r teulu (er enghraifft rhiant/gwarcheidwad, brawd neu chwaer, partner, plentyn, priod) neu ffrind agos ers dechrau eich blwyddyn academaidd bresennol (er enghraifft 01/09/23 ar gyfer myfyrwyr a ddechreuodd ym mis Medi 2023), sydd wedi cael effaith annisgwyl arnoch chi a'ch cyllid.

Rhaid i fyfyrwyr cymwys fod wedi 'cofrestru' neu fod wedi 'gohirio' ac o fewn 5 wythnos i ddyddiad gorffen eu cwrs (fel y'i cofnodwyd ar eu cofnod ar y fewnrwyd).

Mae'r taliad ar gyfer costau annisgwyl, er enghraifft teithio, costau byw a biliau, ac ni all dalu am gost y gwasanaethau y mae'r brifysgol eisoes yn eu cynnig (er enghraifft cwnsela) na therapi preifat.

Bydd eich cais yn cael ei asesu fel blaenoriaeth ac o fewn ein hamserlenni asesu safonol.

Rydym yn gofyn am gyfriflen banc gyfredol am gyfnod o fis os ydych chi'n cyflwyno cais am y taliad cymorth profedigaeth yn unig.

E-bostiwch ni yn uniongyrchol yn hardshipfunds@abertawe.ac.uk gan nodi eich bod am gyflwyno cais am y Taliad Cymorth Profedigaeth.

Mae ymgeisiadau ar gyfer y Taliad Cymorth Profedigaeth ar gau am y flwyddyn academaidd. Byddent yn ail-agor ym mis Awst 2024. Ebostiwch hardshipfunds@swansea.ac.uk am wybodaeth a chymorth os ydych yn cael trafferth ariannol yn y cyfamser