Yn y Swyddfa Ymchwil i Heriau Lleol (LCRO), rydym yn meithrin cysylltiadau ystyrlon rhwng cymunedau lleol ac ymchwilwyr ar draws de a gorllewin Cymru. Rydym yn dod â mathau amrywiol o arbenigedd ynghyd i ddeall a mynd i’r afael â’r heriau a’r cyfleoedd a wynebir bob dydd gan bobl a lleoedd lleol.
Yn greiddiol i ni, rydym yn ymrwymedig i feithrin perthnasoedd a chydnabod y gwaith gwerthfawr sydd eisoes yn digwydd yn lleol. Ond rydym hefyd yn credu yng ngrym ymchwil er mwyn galluogi pobl i gyflawni mwy.
Mae ein tîm yn dilyn ymagwedd hyblyg sy'n ein galluogi i gysylltu pobl a chefnogi cydweithrediadau a allai fel arall fod heb yr adnoddau neu’r rhwydweithiau i ddatblygu. Credwn fod cydweithio hirdymor, cynaliadwy ac ystyrlon yn ein galluogi i gyflawni mwy gyda'n gilydd.
Ydych chi'n wynebu her lle efallai gall safbwynt gwahanol helpu? Syniad a allai fanteisio ar gysylltu mewnwelediadau'r gymuned ag ymchwil? Cysylltwch â ni - Rydym yma i helpu i feithrin partneriaethau sy'n gwneud gwahaniaeth.
Adran Newydd: Ymrwymiad i Le
Mae'r lleoedd lle rydym yn byw ac yn gweithio yn llunio ein bywydau. Yn ne a gorllewin Cymru, mae ein tirlun, ein hanes a'n diwylliant arbennig yn rhoi gobaith a chyfleoedd i rai pobl, ond gallant fod yn heriau i bobl eraill.
Mae hanes yn dangos bod anghydraddoldebau cymdeithasol yn parhau mewn lleoedd penodol, gan effeithio ar deuluoedd a chymunedau am genedlaethau. Ond y tu hwnt i'r ystadegau a'r penawdau, mae pobl yn deall eu lleoedd mewn ffyrdd cymhleth a pherthynol. Mewn achos lle bydd un person yn credu bod ei gymdogaeth yn wych, efallai y bydd rhywun arall yn anghytuno.
Mae'r hanesion a'r profiadau lleol hyn yn golygu bod angen gwahanol fathau o gymorth ar wahanol leoedd. Mae polisïau yng Nghymru a'r DU nawr yn adnabod yr angen i feddwl yn ofalus am leoedd a chynnwys y bobl sy'n byw yno.
Rydym yn cefnogi ymchwilwyr i chwarae rôl ehangach mewn cymunedau a datrysiadau lleol. Oherwydd pan fydd cymunedau'n dod ynghyd i ddatrys problemau lleol, dyma pryd y gallwn ni wneud newidiadau go iawn - ar ein cyfer ni ein hunain ac ar gyfer pobl eraill sy'n wynebu heriau tebyg ledled y byd.
Byddem wrth ein boddau'n clywed gennych chi os hoffech chi gael sgwrs am syniad ar gyfer prosiect.
I arwain a chefnogi ein gwaith yn y rhanbarth, rydym wedi datblygu set o egwyddorion cyd-greu. Gwnaethom deilwra'r rhain i'n cyd-destun ein hunain wrth gael ein tywys gan ystod eang o arbenigedd sydd eisoes yn bodoli. Ein gobaith yw y bydd ein hegwyddorion cyd-greu'n cefnogi ac yn annog ymchwil gymunedol a chynaliadwy sy'n gwneud gwahaniaeth cadarnhaol yn lleol.
“Darparodd y Swyddfa Ymchwil i Heriau Lleol (LCRO) gymorth amhrisiadwy ar gyfer cais diweddar am wobr effaith, gan ddatblygu syniadau allweddol o’m hymchwil fy hun yn gynnig llawn. Fe wnaeth hyn helpu i fynd i’r afael â materion cymunedol sy’n ymwneud ag ôl-osod ynni yn ardal ehangach Abertawe.Yn ogystal, roeddent yn gallu nodi'n gyflym, o berthnasoedd yr oeddent eisoes wedi'u sefydlu, gymdeithas dai leol i weithio gyda ni fel partner allanol i gynyddu effaith a chadarnhau'r cynnig. - Chris Groves ynglŷn â Chyfrif Cyflymu Effaith Tai Tarian
"Aeth popeth yn dda ac roedd y trefnwyr yn canmol parodrwydd y Swyddfa Ymchwil i Heriau Lleol (LCRO) i ymgysylltu’n llawn.Roedd y gynulleidfa’n dda ac yn frwdfrydig iawn hefyd ac roeddwn i’n teimlo bod yr ymarfer yn ddefnyddiol o ran datblygu fy agenda ymchwil fy hun.Diolch am hyn. Rwy'n hapus i hyrwyddo'r gyfres hon i eraill yn y dyfodol – rhowch wybod i mi beth galla i ei wneud a fyddai'n ddefnyddiol." - Kirsti Bohata ynglŷn ag Ymchwil yn y Gymuned
“Rwy'n ymchwilydd, sy'n ymwneud yn helaeth ag ansawdd ymchwil, goruchwylio myfyrwyr PhD, ac wedi teilwra paradigm ymchwil unigryw o'r enw Datblygu yn Seiliedig ar Ddiwylliant.Mae hwn yn waith ymchwil sydd â photensial i greu effaith fawr, ond i gyflawni'r effaith mae angen mwy o egni. Rhaid i mi wisgo het wahanol i drawsnewid fy ymchwil a'i thrin o safbwynt gweithredu polisïau a chyfathrebu ag awdurdodau lleol er mwyn trosglwyddo'r neges academaidd a'i drosi'n llwyddiannus ac yn gydweithredol, trwy gyd-greu, sy'n sicrhau mabwysiadu a lledaenu fy nghyfraniad ymchwil yn ymarferol.
Mae'r Swyddfa Ymchwil i Heriau Lleol wedi bod yn gwbl allweddol ac yn hynod ddefnyddiol i ddarparu'r rôl alluogi hon.Mae fy nghydweithwyr ymroddedig, gweithgar a brwdfrydig, wedi gwneud y gwaith o drawsnewid fy ymchwil yn effaith wirioneddol yn bleser. Mae gweithio gyda nhw wedi bod yn hawdd wrth i ni i ganolbwyntio ar ganlyniadau yn ein harddull weithio.Dydw i ddim ar fy mhen fy hun – rwy'n teimlo bod gen i dîm ffyddlon a galluog i wneud y rhan bwysig honno o fy ngwaith.Dyna pam rwy'n fwy na pharod i gynnwys lle arbennig yn fy holl brosiectau ymchwil i gydweithwyr o’r Swyddfa Ymchwil i Heriau Lleol a fydd yn sicrhau'r lledaeniad – nid oes buddsoddiad gwell o unrhyw gronfa ymchwil.Yn fwy cyffredinol, mae gen i hefyd rôl arweinyddiaeth fel cynrychiolydd Prifysgol Abertawe yn Arsyllfa Ryngwladol PASCAL sy'n darparu ar gyfer gweithredu Nodau Datblygu Cynaliadwy'r Cenhedloedd Unedig trwy gydweithrediad rhwng awdurdodau lleol a phrifysgolion.
Mae presenoldeb y Swyddfa Ymchwil i Heriau Lleol a'i rôl glir wrth weithredu trydedd colofn y brifysgol – ei chenhadaeth ddinesig – wedi bod yn llwyddiant sydd wedi cael ei ddathlu a'i ganmol yn eang.Rydw i mor falch eich bod chi yma!Diolch am eich gwaith amhrisiadwy a'ch partneriaeth wych!Chi yw ein balchder, yn fewnol ac yn allanol.Diolch yn fawr!” - Annie Tubadji ar Gymrodoriaeth Plismona wedi'i Dargedu(TPI)
‘Aeth popeth yn dda ddoe yn Wyeside a chawsom gyfranogiad da iawn gan y gynulleidfa, sydd bob amser yn fonws.Fel y dywedodd Frank, roedd yn dda gweld bod pawb a oedd yn bresennol wedi siarad a bod ganddyn nhw rywbeth i'w gyfrannu.Rwy’n falch bod gennym gyfleoedd fel hyn i ymgysylltu â'r gymuned ehangach a chael mewnbwn ganddyntynghylch yr ymchwil rydym yn ei chynnal ym Mhrifysgol Abertawe. Cadwch fi mewn cof am gyfleoedd fel hyn yn y dyfodol.’ - Helen Yu ar Ymchwil yn y Gymuned yn Wyeside
"Mae cymorth Tom wedi bod yn hynod ddefnyddiol wrth gysylltu ag ymarferwyr a'r rhai hynny sy'n gweithio yn y llywodraeth o ran fy Nghymrodoriaeth Effaith a ariannwyd yn ddiweddarach, a oedd yn archwilio canlyniadau addysgol plant sydd wedi bod mewn gofal.Drwy'r cysylltiad hwn, rwyf wedi siarad ag amrywiaeth o gysylltiadau yn ALl Abertawe, ac mae diddordeb mawr ganddynt mewn cyd-greu animeiddiadau a hyfforddiant i athrawon i gefnogi profiadau a chanlyniadau addysg plant sydd wedi derbyn gofal.Er ei bod yn y dyddiau cynnar, mae'r gymrodoriaeth wedi dechrau'n dda a chafwyd diddordeb sylweddol gan Awdurdodau Lleol, penaethiaid rhithwir a phobl sy'n gweithio yn y sector hwn.Gwnaed y gwaith hwn gan y Grŵp Cyflawni Cenedlaethol a bellach mae'n llywio gwaith cynllunio a datblygu Estyn.Ym mis Mehefin, byddaf yn cwrdd ag amrywiaeth o benaethiaid yn Abertawe gyda grŵp y mae Jayne wedi'i sefydlu ac mae hyn yn hollbwysig ar gyfer cychwyn y Gymrodoriaeth Effaith ac arddangos arfer gorau.Rwyf wedi cael gwahoddiad i fynd i'r Senedd ym mis Medi i roi sgwrs 30 munud o hyd ar hyn i lunwyr polisi ac ni fyddai datblygu hyn wedi bod mor gyflym nac effeithiol heb y cyswllt allweddol hwn". -Emily Lowthian ar greu gysylltiadau (Mai 2025)
"Mae'r Swyddfa Ymchwil Heriau Lleol (LCRO) ac enwedig gwaith Tom Avery, wedi bod yn hollbwysig wrth ddatblygu fy agenda ymchwil mewn ffordd drwyadl a llawn effaith.Roeddwn yn cael ychydig o drafferth gyda'm gwaith ymchwil o ran canfod cymwysiadau byd go iawn ar gyfer y prosesau blockchain roeddwn yn eu hasesu, a chefais fy nghyflwyno gan Tom i Scott Griffiths yn Llanelli Township, ac rydym bellach yn gweithio'n agos gyda nhw i ddatblygu atebion llywodraethu blockchain sy'n gallu cael effaith gymunedol ystyrlon yn Llanelli. Nid oedd gennyf y cysylltiadau ar lefel leol a chymunedol, ac roedd yr LCRO yn gallu cynnig yr arbenigedd pwysig hwnnw wrth fy nghysylltu â'u rhwydweithiau nhw. Ers hynny, mae Tom a'r LCRO wedi treulio llawer o amser defnyddiol yn meithrin y berthynas hon, gan gynnig syniadau a chymorth ymchwil i helpu i ddatblygu'r prosiect.Yn benodol, mae hyn wedi cynnwys cymorth grant, datblygu rhwydwaith, cynnal ymchwil gefndir, cyfrannu syniadau ac arbenigedd ymchwil a datblygu papurau ymchwil ac allbynnau effaith.Mae wedi arwain yn uniongyrchol at gais llwyddiannus am Gyfrif Cyflymu Effaith yr ESRC (~£15,000), sy'n cael ei gynnwys mewn ceisiadau am grantiau mwy yn benodol ar gyfer cyllid UKRI ac EU Horizon.Mae gwaith yr LCRO hefyd yn ategu ac yn gwella gwaith rydym yn ei wneud gyda WISERD (Sefydliad Ymchwil Cymdeithasol ac Economaidd a Data Cymru) ac mae wedi fy helpu i ddatblygu cysylltiadau Ewropeaidd drwy Cost Action CA23114 - Regaining linkage? Digital technologies improving civic engagement, political organisations and democracy (RELINK²). Nod y Cost Action hwn yw datblygu ceisiadau a chyfleoedd cyllido Ewropeaidd ar raddfa fwy.Yr LCRO yw'r arwydd cliriaf i mi bod y brifysgol yn buddsoddi mewn mentrau gwerth chweil, ystyrlon a llawn effaith sydd o fudd i mi fel ymchwilydd a'r gymuned yn fwy cyffredinol.Mae'r gefnogaeth wedi cryfhau fy ngwaith yn sylweddol.” - Dion Curry ar Lywodraethu Blockchain (Mai 2025)
Nodyn i'r Swyddfa Ymchwil i Heriau Lleol i ddweud diolch am fy ngwahodd i ymuno â digwyddiad SHAPE ddydd Llun.Roedd yn ddiwrnod gwerthfawr ac ysbrydoledig.Roedd y cynnwys a'r fformat wedi creu ymdeimlad gwirioneddol o gynhesrwydd a chroeso a oedd mor bwysig i feithrin hyder wrth gyd-gynhyrchu ac ymgysylltu ag ymchwil, myfyrdodau a syniadau.’ - Jessie Buchanan (TfC) yn dilyn Digwyddiad y Llosgfynydd ym mis Mehefin
‘Rwyf wedi adnabod Emily ers tua blwyddyn ac mae hi wedi bod yn wych yn dod i siarad â’r grwpiau treftadaeth yng Nghastell-nedd Port Talbot am brosiect y Swyddfa Ymchwil i Heriau Lleol.Byddwn i’n hapus i weithio gydag Emily yn y dyfodol a’i chynorthwyo mewn unrhyw ffordd y gallaf yn ôl fy rôl.’- Sarahjayne Clements (Swyddog Treftadaeth Gymunedol Cyngor Castell-nedd Port Talbot)
‘Annwyl dîm LCRO, nodyn byr yn unig i ddweud diolch yn fawr iawn am ddigwyddiad heddiw.Roedd yn ddiddorol ac yn ddefnyddiol.Fe wnaethon ni gwrdd â hen ffrindiau, gwneud cysylltiadau newydd ac elwa'n fawr o nifer o syniadau. Diolch. Diolch yn fawr.’ - Sandra Morton (Cymorth i Geiswyr Lloches Abertawe) yn dilyn Digwyddiad y Llosgfynydd ym mis Mehefin
‘Fel un o’r Cymdeithasau Tai mwyaf yng Nghymru, mae Tai Tarian yn gweld yn uniongyrchol faterion “drwg” anghydraddoldeb cymdeithasol ac economaidd.Mae ein gwaith yn ein galluogi i ddylanwadu'n uniongyrchol ar lesiant ein cymunedau er gwell.Rydym yn ymwybodol iawn bod angen i ni weithredu ymyriadau gyda'n cymunedau yn hytrach nag i'n cymunedau.Yn aml mae diffyg cyd-greu polisi cymdeithasol gyda chymunedau yng Nghymru wedi arwain at fwlch wrth geisio ei roi ar waith.
Mae’r Swyddfa Ymchwil i Heriau Lleol Prifysgol Abertawe wedi bod yn amhrisiadwy wrth ein helpu i fynegi'r materion yr ydym yn eu hwynebu, gan lunio'r ymyrraeth polisi ac awgrymu, mewn partneriaeth â Phrifysgol Abertawe, ffordd ymlaen sy'n ymarferol ac yn gadarn.Mae Jo ac Emily yn wych.Maent yn deall y pwyntiau dan sylw yn gyflym, yn empathig i'r cyfyngiadau yr ydym yn eu hwynebu fel sefydliad ac yn dangos gwybodaeth anhygoel er mwyn ein tywys at y rhai hynny o fewn y Brifysgol sydd orau i roi cyngor academaidd cynhwysfawr.Maent wedi dangos sgiliau arbennig yn eu gallu i fframio'r heriau sy'n ein hwynebu mewn ffordd y gall cydweithwyr o fewn y Brifysgol eu hateb.
Byddwn yn argymell y Swyddfa Ymchwil i Heriau Lleol ym Mhrifysgol Abertawe yn fawr iawn i unrhyw gorff cyhoeddus neu unrhyw gymuned sy'n ceisio arwain ei ffordd trwy ddyfroedd polisi ansefydlog' - Jonathan Morris, Rheolwr Datblygu Strategol, Tai Tarian
Mae'r prosiect hwn wedi cael ei ariannu gan Gyfrif Cyflymu Effaith yr AHRC ac mae'n archwilio, mewn modd creadigol, sut mae hanesion lleoedd a gofod yn effeithio ar lesiant presennol a dyheadau ar gyfer y dyfodol. Mae Dr Michaela James (Prif Ymchwilydd), Emily Adams (Cyd-Ymchwilydd) a Jack Palmer yn cynnal y prosiect rhyngddisgyblaethol hwn mewn partneriaeth ag ysgolion cynradd Port Talbot, Raspberry Creatives, Teuluoedd yn Gyntaf, a llawer o dimau cefnogol yng Nghyngor Bwrdeistref Sirol Castell-nedd Port Talbot.
Mae hwn yn brosiect a ariennir gan Gyfrif Cyflymu Effaith yr ERSC dan arweiniad Chris Groves (Prif Ymchwilydd) ac Erin Roberts (Cyd-ymchwilydd) mewn partneriaeth â Tai Tarian. Mae'n annog pobl leol i archwilio eu hamodau presennol a'u dyheadau ar gyfer eu cartrefi yn y dyfodol - gan gynnwys gwybodaeth am dechnoleg wresogi newydd ac opsiynau sydd ar gael. Mae'r prosiect hefyd yn archwilio ffyrdd y gall y gymdeithas dai a thenantiaid gyfuno eu lleisiau er mwyn amlygu pryderon ynghylch polisi gorfodol Llywodraeth Cymru a'r bwlch gweithredu.
Rydym wedi cynnal y rhaglen hon ers 2022 er mwyn creu cyfleoedd ymgysylltu â’r cyhoedd a meithrin sgyrsiau rhwng ymchwilwyr o Brifysgol Abertawe a phreswylwyr yn Llanfair-ym-Muallt (cynhelir y rhaglen hon yng Nghanolfan Gelfyddydau Wyeside, ond cynhelir sgyrsiau dros dro mewn lleoliadau eraill ar draws y rhanbarth hefyd).
Dyma bartneriaeth wedi'i hariannu gan Medr sy'n dod â sefydliadau addysg drydyddol ynghyd mewn cydweithrediad ffurfiol sy'n canolbwyntio ar gyflwyno portffolio o weithgareddau cenhadaeth ddinesig. Mae parchu'r cymunedau rydym yn ymgysylltu â nhw yn ffurfio sail ein cytundeb – gan greu platfform cyffredin er gwell. Hyd yn hyn, rydym wedi cynnal 4 gweithdy gyda chyfanswm o 54 o randdeiliaid o'r gymuned er mwyn nodi blaenoriaethau gweithredu ar gyfer cyfnodau tymor byr, tymor canolig a'r hirdymor. Bydd canfyddiadau'r gweithdai yn arwain proses gwneud penderfyniadau grŵp y Bartneriaeth ynghylch ei strategaeth yn y dyfodol.
Mae'r prosiect hwn - a arweinir gan Annie Tubadji (Prif Ymchwilydd) - yn cynnwys mapio gweithgarwch llesiant Byrddau Gwasanaethau Cyhoeddus i fesurau cynhyrchiant, a datblygu model ystadegol er mwyn dangos effaith a gwerth gweithgareddau lles. Pwrpas mapio gweithgareddau lles i fesurau cynhyrchiant ac alinio Deddf Llesiant Cenedlaethau'r Dyfodol ac agendâu Ffyniant Bro yw galluogi Byrddau Gwasanaethau Cyhoeddus i lunio adroddiadau sy'n seiliedig ar dystiolaeth ac sy'n bodloni disgwyliadau llunwyr polisi ar lefel uwch. Drwy drosi gwaith Byrddau Gwasanaethau Cyhoeddus i fformat a adnabyddir gan lunwyr polisi, gallan nhw gryfhau eu dadleuon a'u rhesymau dros gyfiawnhau adnoddau ychwanegol yn seiliedig ar yr effaith leol y mae eu mentrau ar lawr gwlad yn ei chael.
Mae'r prosiect hwn wedi cael ei ariannu gan Gyfrif Cyflymu Effaith yr AHRC ac mae'n archwilio, mewn modd creadigol, sut mae hanesion lleoedd a gofod yn effeithio ar lesiant presennol a dyheadau ar gyfer y dyfodol. Mae Dr Michaela James (Prif Ymchwilydd), Emily Adams (Cyd-Ymchwilydd) a Jack Palmer yn cynnal y prosiect rhyngddisgyblaethol hwn mewn partneriaeth ag ysgolion cynradd Port Talbot, Raspberry Creatives, Teuluoedd yn Gyntaf, a llawer o dimau cefnogol yng Nghyngor Bwrdeistref Sirol Castell-nedd Port Talbot.
Mae hwn yn brosiect a ariennir gan Gyfrif Cyflymu Effaith yr ERSC dan arweiniad Chris Groves (Prif Ymchwilydd) ac Erin Roberts (Cyd-ymchwilydd) mewn partneriaeth â Tai Tarian. Mae'n annog pobl leol i archwilio eu hamodau presennol a'u dyheadau ar gyfer eu cartrefi yn y dyfodol - gan gynnwys gwybodaeth am dechnoleg wresogi newydd ac opsiynau sydd ar gael. Mae'r prosiect hefyd yn archwilio ffyrdd y gall y gymdeithas dai a thenantiaid gyfuno eu lleisiau er mwyn amlygu pryderon ynghylch polisi gorfodol Llywodraeth Cymru a'r bwlch gweithredu.
Rydym wedi cynnal y rhaglen hon ers 2022 er mwyn creu cyfleoedd ymgysylltu â’r cyhoedd a meithrin sgyrsiau rhwng ymchwilwyr o Brifysgol Abertawe a phreswylwyr yn Llanfair-ym-Muallt (cynhelir y rhaglen hon yng Nghanolfan Gelfyddydau Wyeside, ond cynhelir sgyrsiau dros dro mewn lleoliadau eraill ar draws y rhanbarth hefyd).
Dyma bartneriaeth wedi'i hariannu gan Medr sy'n dod â sefydliadau addysg drydyddol ynghyd mewn cydweithrediad ffurfiol sy'n canolbwyntio ar gyflwyno portffolio o weithgareddau cenhadaeth ddinesig. Mae parchu'r cymunedau rydym yn ymgysylltu â nhw yn ffurfio sail ein cytundeb – gan greu platfform cyffredin er gwell. Hyd yn hyn, rydym wedi cynnal 4 gweithdy gyda chyfanswm o 54 o randdeiliaid o'r gymuned er mwyn nodi blaenoriaethau gweithredu ar gyfer cyfnodau tymor byr, tymor canolig a'r hirdymor. Bydd canfyddiadau'r gweithdai yn arwain proses gwneud penderfyniadau grŵp y Bartneriaeth ynghylch ei strategaeth yn y dyfodol.
Mae'r prosiect hwn - a arweinir gan Annie Tubadji (Prif Ymchwilydd) - yn cynnwys mapio gweithgarwch llesiant Byrddau Gwasanaethau Cyhoeddus i fesurau cynhyrchiant, a datblygu model ystadegol er mwyn dangos effaith a gwerth gweithgareddau lles. Pwrpas mapio gweithgareddau lles i fesurau cynhyrchiant ac alinio Deddf Llesiant Cenedlaethau'r Dyfodol ac agendâu Ffyniant Bro yw galluogi Byrddau Gwasanaethau Cyhoeddus i lunio adroddiadau sy'n seiliedig ar dystiolaeth ac sy'n bodloni disgwyliadau llunwyr polisi ar lefel uwch. Drwy drosi gwaith Byrddau Gwasanaethau Cyhoeddus i fformat a adnabyddir gan lunwyr polisi, gallan nhw gryfhau eu dadleuon a'u rhesymau dros gyfiawnhau adnoddau ychwanegol yn seiliedig ar yr effaith leol y mae eu mentrau ar lawr gwlad yn ei chael.
Cyn Swyddfa Ymchwil Heriau Lleol , ymgymerwyd â phrosiect 12 mis a ariannwyd gan Gronfa Arloesi Ymchwil Cymru i greu Fframwaith Ymgysylltu De-orllewin Cymru. Gwnaeth y prosiect hwn ganiatáu i ni olrhain ein cydweithrediadau ar draws y rhanbarth, dylunio rhaglen hyfforddi i'n hacademyddion a meithrin cydweithrediadau newydd trwy gyfres o ddigwyddiadau allanol gan gynnwys ein Digwyddiad Rhwydweithio yn Arena Abertawe a menter ymchwil yn y gymuned gyda Chanolfan Gelfyddydau Wyeside.
Emily Adams
Mae Emily Adams yn Swyddog Prosiect sy'n arwain ar agenda Prifysgol Abertawe sy'n seiliedig ar leoedd, a hynny drwy'r Swyddfa Ymchwil i Heriau Lleol (LCRO). Mae'n canolbwyntio ar brosiectau ymchwil, meithrin partneriaethau, a gweithgareddau cenhadaeth ddinesig yn ne a gorllewin Cymru.
Ochr yn ochr â Jo Hutchings, Emily yw'r cyswllt allweddol ar gyfer y rhai hynny sy'n gweithio gyda chymunedau ar draws y rhanbarth ac sy'n gweithio yn y cymunedau hynny, gan adeiladu ar brofiad helaeth o gyflwyno gwasanaethau yn y trydydd sector. Mae Emily'n angerddol am roi llwyfan i leisiau'r gymuned ac ehangu mynediad drwy ei phrosiectau a'i hymchwil.
Mae Emily hefyd yn ymchwilydd ôl-raddedig. Mae ei phrosiect presennol yn archwilio hanes symudedd cymdeithasol yng Nghymru ar ôl y rhyfel - gan werthuso a wnaeth y cyfleoedd newydd a grëwyd gan newidiadau mewn addysg a chyflogaeth drechu dylanwad hanesyddol lleoliad a chefndir teuluol ar lwybrau bywyd.
Tom Avery
Fy rôl yw galluogi ymchwil sy'n gwneud gwahaniaeth yn lleol. Mae gennyf ddiddordeb mewn unrhyw beth sy'n seiliedig ar leoedd, wedi’i gyd-greu, neu sy'n cael ei arwain gan gymuned, lle mai rôl yr ymchwilydd yw hwyluso'r prosiect yn hytrach na'i arwain. Rydw i'n mwynhau creu cyswllt rhwng disgyblaethau ac asiantaethau ac ymagweddau i gydweithio er mwyn gwella ei gilydd, felly efallai bod gen i fwy o ddiddordeb mewn methodolegau.
Wedi dweud hynny, cefais fy hyfforddi fel ieithydd addysgol ac ethnograffwr beirniadol a oedd yn cydweithio â chymunedau ffoaduriaid, felly bydd bob tro gennyf ddiddordeb mewn materion sy’n ymwneud â chynhwysiant, cynrychiolaeth a chodi llais er mwyn gwneud gwahaniaeth.
Mae lles yn fater pwysig ar agenda Cymru, ac mae'n ofynnol i gyrff cyhoeddus ar draws Cymru asesu a gwella lles lleol. Rydw i'n gweithio gyda Dr Annie Tubadji i helpu Byrddau Gwasanaethau Cyhoeddus i feddwl am sut mae eu gwaith sy’n ymwneud â llesiant yn arwain at ganlyniadau o ran cynhyrchiant. Mae hyn yn adeiladu ar waith Annie ar economeg ddiwylliannol, sy'n archwilio rolau mesur a datblygu cyfalaf diwylliannol a chymdeithasol mewn datblygu rhanbarthol yn effeithiol.
Jo
Rwy'n Swyddog Prosiect sy'n arwain agenda sy'n seiliedig ar leoedd Prifysgol Abertawe drwy'r Swyddfa Ymchwil i Heriau Lleol (LCRO). Rwy'n canolbwyntio ar brosiectau ymchwil, meithrin partneriaethau, a gweithgareddau cenhadaeth ddinesig de a gorllewin Cymru. Ochr yn ochr ag Emily Adams, rwy'n un o'r cysylltiadau allweddol i'r rhai hynny sy'n gweithio gyda chymunedau ar draws y rhanbarth, gan adeiladu ar fy mhrofiad helaeth o gyflwyno gwasanaethau trydydd sector. Rwy'n angerddol am roi platfform i leisiau cymunedol ac ehangu mynediad drwy fy mhrosiectau. Rydw i wedi gweithio ar nifer o brosiectau cydweithredol, gan gynnwys sawl Partneriaeth Hyfforddiant Doethurol, yn Swydd Efrog ac yn Abertawe.
Sarah
Rwy'n gyd-gyfarwyddwr y Swyddfa Ymchwil i Heriau Lleol ac yn Athro ym maes niwed rhyweddol yn yr Adran Troseddeg, Cymdeithaseg a Pholisi Cymdeithasol ym Mhrifysgol Abertawe.
Cyn gweithio yn y byd academaidd, roeddwn yn gweithio i Iechyd Cyhoeddus mewn lleoliadau cymunedol, yn cefnogi mamau ifanc ac yn hwyrach dadau ifanc gydag ystod o weithgareddau a phrosiectau ar y cyd am leoedd mwy diogel, iechyd rhywiol, tai a mwy. Roedd gweithio gyda'r grwpiau hyn a phartneriaid lleol wedi ein helpu ni i wneud y rhwystrau at addysg, cyflogaeth, a chyfleoedd hamdden yn weledol, yn aml drwy ffilmiau, perfformiad, a chyfryngau creadigol eraill.
Rwy'n angerddol am ddarganfod ffyrdd i gefnogi gweithredu cymunedol a chydweithio. Mae'r rôl hon yn fy ngalluogi i weithio ochr yn ochr â Dr Christala Sophocleuous a'r tîm, gan roi ein sgiliau a'n profiad i helpu pobl i gyflawni newid parhaol - yn unigol ac ar y cyd - wrth hyrwyddo dealltwriaeth well o brofiadau bywyd ar sawl lefel polisi ac ymarfer.
Emmanuela
Rwy'n Swyddog Prosiect yn Swyddfa Ymchwil i Heriau Lleol Prifysgol Abertawe, lle rwy'n darparu cymorth gweinyddol a gweithredol cynhwysfawr ar draws holl gyfnodau cyflwyno prosiect ymchwil - o gynllunio a gweithredu hyd at adrodd a chau'r prosiect.
Mae gennyf gefndir cryf mewn cydlynu prosiectau, ymgysylltu â rhanddeiliaid, a chydymffurfio ac rwy'n chwarae rôl allweddol mewn cynnal amserlenni prosiectau, paratoi dogfennaeth, cefnogi'r gwaith o fonitro'r gyllideb a hwyluso cyfathrebu mewnol ac allanol. Mae fy ngwaith yn cyfrannu at symudiad strategol mentrau ymchwil sy'n mynd i’r afael â heriau lleol a rhanbarthol, gyda ffocws ar bartneriaethau gwneud penderfyniadau ar sail data a chydweithredol effeithiol.
Christala
Rwy'n Gyd-gyfarwyddwr LCRO ac yn Uwch-ddarlithydd mewn Polisi Cymdeithasol yn Adran Troseddeg, Cymdeithaseg a Pholisi Cymdeithasol ym Mhrifysgol Abertawe. Gyda Sarah, rwy'n darparu arweinyddiaeth strategol i'n canolfan.
Mae gen i ddiddordeb tymor hir yn y sector gwirfoddol, ei berthynas â gwasanaethau cyhoeddus, a phŵer cymunedau i gyfoethogi ein bywydau. Dros y 40 mlynedd diwethaf, rydw i wedi gwirfoddoli, ymchwilio a gweithio yn y sector gwirfoddol a chyda sefydliadau cymunedol. Rwy'n ymrwymedig i gefnogi cymunedau i ddefnyddio polisi cyhoeddus er budd lleol gan sicrhau bod lleisiau ar yr ymylon yn cael eu clywed mewn prosesau gwneud penderfyniadau.
Gan sefyll ar y croestoriad rhwng y brifysgol, cymunedau a pholisi cyhoeddus, mae LCRO yn rhoi cyfle unigryw i mi ddod â'r diddordebau hyn ynghyd a meithrin gwaith cydweithredol ar draws asiantaethau a sectorau yn rhanbarth de-orllewin Cymru.
