Yasmin Zaher yng Ngŵyl y Gelli 2025

Dychwelodd gŵyl fyd-enwog y Gelli am ei 38ain flwyddyn gyda dros 600 o ddigwyddiadau yn cael eu cynnal rhwng 22 Mai  ac 1 Mehefin gan gynnwys awduron arobryn, llunwyr polisi byd-eang, arloeswyr yn cynnal sgyrsiau, perfformiadau a dadleuon, tra bod digwyddiadau HAYDAYS i deuluoedd yn rhoi cyfle i ddarllenwyr ifanc gwrdd â'u harwyr a bod yn greadigol.

Roedd enillydd Gwobr Dylan Thomas Prifysgol Abertawe eleni, Yasmin Zaher, ar Lwyfan y Ddôl  yr ŵyl yn siarad am ei nofel gyntaf anhygoel The Coin mewn sgwrs ddiddorol gyda chyfarwyddwr ac awdur y Wobr, Elaine Canning.

Clywodd cynulleidfa brynhawn Iau y newyddiadurwraig a’r awdures o Balesteina yn siarad am ei magwraeth, ei thaith i ysgrifennu, yr ysbrydoliaethau sy’n sail i The Coin, beth mae’n ei olygu i ennill gwobr lenyddol Gwobr Dylan Thomas 2025, a mwy.

Yn gynharach yn y dydd, cymerodd Zaher a Canning ran yn rhaglen datblygu creadigol yr ŵyl ‘Awduron wrth eu Gwaith’ ar gyfer talent newydd o Gymru.

Gan gynnig deg niwrnod llawn o gyfleoedd datblygu creadigol, mae ‘Awduron wrth eu Gwaith’ Gŵyl y Gelli yn caniatáu i’r awduron a ddewiswyd gymryd rhan yn nigwyddiadau’r Ŵyl, mynychu gweithdai gyda chyhoeddwyr, asiantau ac, yn hollbwysig, gydag artistiaid rhyngwladol sefydledig.