Y Cwricwlwm Gan Gynnwys Technolegau Digidol

Trosolwg

Mae Prifysgol Abertawe wedi bod yn rhan o’r newidiadau diweddar i'r cwricwlwm yng Nghymru. Fel rhan o ymrwymiad parhaus i genhadaeth ddinesig y Brifysgol, rydym yn creu grŵp o ymchwilwyr sydd â diddordeb mewn astudio’r cwricwlwm newydd, yn ogystal ag astudiaethau cwricwlwm yn fwy cyffredinol.

Mae hwn yn gyfnod cyffrous i fod yn astudio’r cwricwlwm yng Nghymru. Nid yn unig mae’r Cwricwlwm newydd i Gymru wrthi’n cael ei gyflwyno, ond mae’r cwricwlwm newydd hwn yn rhoi llawer o ryddid i ysgolion ac athrawon.

Mae hyn yn golygu, am y tro cyntaf ers amser maith, bydd athrawon yn dechrau meddwl am rai cwestiynau mawr am addysg. Beth yw addysg? Beth mae ysgolion yn bwriadu ei wneud? Ble ddylai a ble na ddylai ysgolion ymyrryd? Sut gall y cwricwlwm newydd uchelgeisiol barhau i adeiladu ar sylfeini’r hen gwricwlwm?

Yn y pen draw, mae'r cwricwlwm yn pennu sut mae plant ysgol yn treulio rhan fawr o'u bywydau. Gall cwricwlwm gwael wastraffu amser plant, a gall cwricwlwm da wella eu bywydau a'r gymdeithas o'u cwmpas.

Gweithgareddau Diweddar

Mae Dr Helen Lewis a'r Athro Tom Crick yn gweithio â Rhwydwaith Ymchwil Cydweithredol gyda chydweithwyr o brifysgolion eraill ledled Cymru. Ffocws y rhwydwaith yw archwilio’r cwricwlwm ac addysgeg, ac mae’r grŵp yn gweithio ar ddau brosiect ymchwil ar hyn o bryd. Mae un yn archwilio dealltwriaeth plant ifanc o 'Cynefin', ac mae'r llall yn ystyried profiadau athrawon o'r cwricwlwm trwy ddull Currere.

Bu’r Athro Tom Crick yn rhan o ymgynghoriadau i sicrhau bod cymhwysedd digidol yn sgil trawsgwricwlaidd yn y Cwricwlwm newydd i Gymru, ochr yn ochr â llythrennedd a rhifedd.

Mae Dr Jane Gatley yn gweithio ar brosiect i ddatblygu pecyn cymorth athronyddol i athrawon ymdrin â thensiynau rhwng gwahanol werthoedd wrth iddynt roi’r cwricwlwm newydd ar waith.

Mae Dr Zoe Clegg yn gweithio ar brosiect sy’n edrych ar ddinasyddiaeth ddigidol a’r cwricwlwm newydd. Yn benodol, mae ganddi ddiddordeb yn rôl addysg wrth gefnogi pobl ifanc i fod yn ddinasyddion gweithgar ac ymgysylltiol mewn perthynas â’u rolau dinesig presennol, yn ogystal â’u dyheadau a’u trywyddau ar gyfer y dyfodol ar ôl iddynt orffen eu haddysg.

Ar yr un pryd, mae aelodau’r tîm Addysg Gychwynnol Athrawon yn cefnogi eu myfyrwyr i weithio mewn ysgolion sy'n gweithredu'r cwricwlwm newydd ar hyn o bryd.

Mae gan Dr Jane Gatley hefyd ddiddordeb mwy cyffredinol mewn astudiaethau cwricwlwm. Mae ei llyfr, The Case for Teaching Philosophy in Schools yn holi am le athroniaeth ar y cwricwlwm, gan gymryd fel ei fan cychwyn y syniad y dylai’r cwricwlwm fod yn ymatebol i nodau addysg.

Cyhoeddiadau Perthnasol

Chapman, S., Ellis, R., Beauchamp, G., Sheriff, L., Stacey, D., Waters-Davies , J., Lewis, A., Jones, C., Griffiths, M., Chapman, S.J., Wallis, R., Sheen, E., Crick, T., Lewis , H., French, G. and Atherton, S. (2023) “My picture is not in Wales”: Pupils’ Perceptions of Cynefin (Belonging) in Primary School Curriculum Development in Wales, Education 3-13.

Gatley, J. (2023). Why Teach Philosophy in Schools? London: Bloomsbury.

Gatley, J. (2023). ‘Cultural Capital, Curriculum Policy and Teaching Latin’, British Educational Research Journal, 49(1), pp.174-17.

Lewis, H., Crick T. (2022) Secondary schools in Wales: governance, policy and curriculum in Capel et al Learning To Teach in the Secondary School, 9th edition.

Gatley, J. (2021). ‘Intrinsic Value and Educational value’, Journal of Philosophy of Education, 55(4-5), pp. 675-687.

Gatley, J. (2020). ‘Can the New Welsh Curriculum Meet its Purposes’, Curriculum Journal, 31(2), pp.201-21.

Clegg, Z. (2020). Young People and Citizenship, available at: https://orca.cardiff.ac.uk/id/eprint/140307/2/1128029%20Zoe%20Clegg%20-%20thesis,%20final.pdf.

Crick, T., Golding, T. (2020). ‘Building a New Curriculum for Wales: Practitioners as Curriculum Policy Makers’, 33rd International Congress for School Effectiveness and Improvement.

Y Cwricwlwm Gan Gynnwys Technolegau Digidol

Trosolwg

Gweithgareddau Diweddar

Cyhoeddiadau Perthnasol

Cyswllt