Grŵp Ymchwil Athroniaeth (PRG)

Mae'n bleser gan Grŵp Ymchwil Athroniaeth Prifysgol Abertawe gyhoeddi digwyddiad bach â'r nod o ddod ag athronwyr de Cymru a de-orllewin Lloegr ynghyd er mwyn dathlu amrywiaeth ac ansawdd yr ymchwil athroniaeth sy'n cael ei gwneud yn y rhanbarth hon. Gweler y manylion isod. Mae croeso i bawb.

Dyddiad: 11 Ebrill 2025
Lleoliad: Tŷ'r Undeb 301, Campws Singleton, Abertawe SA2 8PP

Siaradwyr:
Dr Daisy Dixon (Prifysgol Caerdydd)
Dr Dan Degerman (Prifysgol Bryste)
Dr Anna Bortolan (Prifysgol Abertawe)
Dr Rob Fraser (Prifysgol Abertawe)

Trefnydd: Rob Fraser (Prifysgol Abertawe)
Cysylltu: r.k.fraser@abertawe.ac.uk
Cofrestru: https://philevents.org/event/show/134074

Rhaglen:
1.00pm-1.15pm Cyrraedd a lluniaeth

1.15pm—2.15pm: Rob Fraser – “Conceptual and Logical Explanation: A Defence of Backing Realism”
Yn y sgwrs hon, byddaf yn amlinellu'r ddamcaniaeth eglurhad rwy'n ei ffafrio. Yn ôl hon, mae egluro yn gyfystyr â darparu gwybodaeth am berthnasoedd dibyniaeth gwrthrychol a byddaf yn ei hamddiffyn yn erbyn y cyhuddiad na all gwmpasu achosion o eglurhad cysyniadol a rhesymegol. Rwy'n cytuno bod perthnasoedd cysyniadol a rhesymegol yn rhwymo partïon y perthnasoedd hynny'n rhy dynn i wneud gwaith dibyniaeth. Serch hynny, mae perthnasoedd o'r fath yn hwyluso darparu math cyffredinol iawn o wybodaeth am ddibyniaeth. Drwy ddangos bod dwy ffenomen yn rhan o fath penodol o berthynas gysyniadol neu resymegol agos, gallwn ddangos eu bod yn dibynnu ar yr union un pethau. Mae hyn yn ddefnyddiol at ddibenion egluro, pan fo'n haws gweld yr hyn y mae un o'r ffenomenau cysylltiedig yn dibynnu. I gloi, rwy'n archwilio gwaith y gall fy nadansoddiad ei wneud yn athroniaeth teithio mewn amser a metaffiseg gwirionedd.

2.15pm—3.15pm: Dan Degerman – “The medicalisation of silence”
Mae'r sgwrs hon yn archwilio meddygoli tawelwch ac yn ei drin fel problem. Mae ysgolheigion sy'n gweithio ym maes rhyngddisgyblaethol cynyddol astudiaethau tawelwch yn rhybuddio bod tawelwch wedi cael ei batholegeiddio yn niwylliant y Gorllewin. Drwy hyn, maent yn golygu bod tawelwch yn cael ei gyfyngu i gamweithrediad cymdeithasol, gwleidyddol a moesegol sy'n deillio o anghyfiawnder, yn hytrach na'i fod yn cael ei ddeall yn llythrennol fel salwch. Yn y sgwrs hon, hoffwn awgrymu bod yr ail ddehongliad yn gyffredin hefyd: mae tawelwch yn aml yn cael ei ddeall fel salwch sy'n galw am arbenigedd ac ymyriad meddygol. Gan ddefnyddio iselder fel astudiaeth achos, byddaf yn dechrau drwy ddangos bod tawelwch yn cael ei drin fel symptom ac fel achos iselder mewn gofal iechyd meddwl. Yna byddaf yn dangos nad gofal iechyd yw'r unig faes sy'n meddygoli tawelwch ond bod hyn yn digwydd ym maes rheoli busnes hefyd. Mae nifer cynyddol o ymchwilwyr rheoli yn dadlau y gall tawelwch cyflogeion fod yn ffactor risg ar gyfer iselder ac yn ganlyniad y cyflwr. Yn olaf, byddaf yn ystyried goblygiadau posib hyn. Mae'n hanfodol cydnabod nad yw meddygoli tawelwch ynddo ei hun yn broblematig. Fodd bynnag, mae hyn yn dueddol o ddigwydd ar ffurfiau anghynnil a byddaf yn dadlau ei fod yn bygwth cuddio rôl amrywiol ac weithiau gadarnhaol tawelwch mewn bywyd dynol.

3.15pm—3.30pm: Egwyl

3.30pm—4.30pm: Anna Bortolan – “Pretending to Be Myself: On Concealing and Selfhood in the Experience of Anxiety”
Gan dynnu ar gysyniad "cuddliwio" a'r ffordd mae’n cael ei ddisgrifio mewn ymchwil i awtistiaeth (e.e. Petrolini et al. 2023), mae'r papur hwn yn archwilio'r rôl y gall ymgais rhywun i guddio ei brofiadau ei chwarae yn ffenomenoleg gorbryder. Byddaf yn dechrau drwy awgrymu y gall gweithredoedd sy'n gysylltiedig â’r agweddau "masgio" a "gwneud iawn" ar guddliwio fod yn bresennol mewn ffurfiau gwahanol ar orbryder. Yna byddaf yn dadlau y gall y gweithredoedd hyn feithrin gallu canfyddedig y person i gynnal ei hunaniaeth pan ystyrir bod rhai o'i hagweddau craidd yn cael eu bygwth gan deimladau, meddyliau ac ymddygiadau pryderus. Byddaf yn gwneud hyn drwy gyfeirio at ddehongliad o hunaniaeth y mae prosesau affeithiol a naratif yn rhan ganolog ohoni, gan awgrymu y gall gweithredoedd sy'n gysylltiedig â chuddliwio, mewn rhai achosion, hwyluso profiad affeithiau a chynnal naratifau sy'n hunan-gyfansoddol.

4.30pm—5.30pm Daisy Dixon – “Aesthetic Slurs”
Byddaf yn cyflwyno safbwynt newydd ar yr hyn rwy'n ei alw'n 'sarhad esthetig'. Wedi fy ysbrydoli gan syniad Patricia Hill o 'ddelweddau rheoli', byddaf yn amlinellu delweddau sy'n ymddwyn yn yr un ffordd, i raddau helaeth, â sarhad, yn enwedig eu nodwedd 'elifiant'; sut gall eu cynnwys niweidiol orlifo, heb ei ynysu gan fwriad neu gyd-destun. Yna byddaf yn defnyddio'r dadansoddiad hwn i esbonio beth aeth o'i le gyda gwaith celf dadleuol Makode Linde, Painful Cake (2012). Rhybuddion am gynnwys: dangosir delweddau hiliol a gwrthsemitig.

1 Ebrill 2025, 6.00pm - 7.30pm; Digwyddiad ar-lein

Mae'r cyfryngau cymdeithasol yn chwarae rôl sylweddol ym mywydau nifer o bobl. Er enghraifft, drwy'r platfformau hyn, gallwn gysylltu a chadw mewn cysylltiad â'n gilydd, ond gallwn hefyd gyrchu gwybodaeth a dysgu pethau newydd, creu cymunedau, a threfnu digwyddiadau i gefnogi'r achosion rydyn ni'n angerddol amdanynt. Fodd bynnag, mae defnyddio'r cyfryngau cymdeithasol hefyd yn cyflwyno heriau sylweddol yn ymwneud â, ymysg eraill, ddatgelu gwybodaeth bersonol, newyddion ffug, dod i gysylltiad â gelyniaeth a cham-drin, a phwysau ar iechyd meddwl.

Mae'r digwyddiad ar-lein hwn yn archwilio sut gall syniadau athronyddol ein helpu ni i ddeall defnydd cyfryngau cymdeithasol yn well ac ail-ddychmygu eu defnydd. Yn benodol, drwy gyfrwng sgwrs gydag athronwyr sydd ag arbenigedd mewn moeseg, epistemoleg a phrofiad personol o dechnoleg ddigidol, byddwn yn trafod y manteision a'r anfanteision posib o ymgysylltu â’r platfformau hyn, gan ystyried hefyd sut gellir trawsnewid hyn yn y dyfodol.

Aelodau'r Panel:

Dr Gen Eickers (University of Osnabrück)
Dr Joe Saunders (Prifysgol Durham)
Dr Natalie Ashton (Vrije University Amsterdam)

Cymedrolwr:
Dr Anna Bortolan (Prifysgol Abertawe)

Trefnir y digwyddiad hwn gan y Grŵp Ymchwil Athroniaeth ym Mhrifysgol Abertawe fel Partner Lleol y Sefydliad Athroniaeth Brenhinol, ac mae ar agor i'r cyhoedd.

Cofrestru

Cynhelir y digwyddiad hwn ar-lein fel gweminar Zoom. Mae'r digwyddiad hwn am ddim i'w fynychu, ond mae'n rhaid cofrestru. I gofrestru, cliciwch ar y ddolen ganlynol:

https://swanseauniversity.zoom.us/webinar/register/WN_B9UOKmwhR--um4WBpnicbA

Gwybodaeth

Os oes gennych gwestiynau am y digwyddiad hwn, cysylltwch â’r trefnydd, Anna Bortolan [anna.bortolan@abertawe.ac.uk]

Dr Anna Bortolan

Dr Gideon Calder

Dr Patrick Cockburn

Dr Leighton Evans

Dr Jane Gately

Yr Athro Janet Goodall

Dr Fritz-Gregor Herrmann

Dr William Merrin

Dr Paddy McQueen

Mrs Chantel Patel

Dr Jamie Stacey

Dr Hugh Upton

Dr Joe Whittaker

Lucia Morgans  

Kamila Kulik  

Charles Clement  

• Calder, G. 2024. Social exclusion and poverty. In G. Schweiger and C. Semak (eds.) The Routledge Handbook of Philosophy and Poverty. (Routledge)
• Sanghera, B. and Calder, G. (eds.) 2022. Ethics, Economy and Social Science: Dialogues with Andrew Sayer. Routledge.
• Cheshire-Allen, M. and Calder, G. 2022. No-one was clapping for us: Care, social justice and wellbeing during the Covid-19 pandemic in Wales. International Journal of Care and Caring, 6 (1-2): 49-66.
• Gheaus, A., Calder, G. and De Wispelaere, J. (eds.) 2018. The Routledge Handbook of the Philosophy of Childhood and Children. Routledge.

• Cockburn , P. J. L. (under contract for 2026) Two Stories about  Economic Life: An introduction to Normative Political Economy. Cambridge: Polity Press.
• Cockburn, P. J. L. & Preminger, J. 2023. Migration and Demos in the Democratic Firm: An Extension of the State-Firm Analogy. Political Theory, 51(3), 557-580.
• Cockburn, P.J.L. 2023. Varieties of Economic Dependence. European Journal of Political Theory 22(2),195-216.

• Evans, L., Frith, J. and Saker, M. 2022. From Microverse to Metaverse: Modelling the Future through Today's Virtual Worlds. Emerald.
• Saker, M. and Evans, L. 2021. Intergenerational Locative Play: Augmenting Family. Emerald.
• Evans, L. 2018. The Re-Emergence of Virtual Reality. Routledge.
• Evans, L. and Saker, M. 2017. Location-based Social Media: Spatiality, Temporality and Identity. Palgrave Macmillan.
• Evans, L. 2015. Locative Social Media: Place in the Digital Age. Palgrave Macmillan.

• McQueen, P. 2024. Regret. Oxford University Press
• Magri, E. and McQueen, P. 2023. Critical Phenomenology: An Introduction. Polity Press
• McQueen, P. 2021. ‘Sexual Interactions and Sexual Infidelity’. Journal of Ethics, 25: 449-466

Ar 2024 gwnaethom ddathlu lansiad y Grŵp Ymchwil Athroniaeth drwy gynnal cynhadledd. Roedd y gynhadledd yn arddangos amrywiaeth yr ymchwil athronyddol a gynhelir yn Abertawe a'n cysylltiadau â'r gymuned athronyddol ehangach. Roedd y siaradwyr yn cynnwys: 

• Dr. Ian Kidd (Prifysgol Nottingham) 
• Yr Athro Fiona Woollard (Prifysgol Southampton) 
• Dr. Jane Gatley (Prifysgol Abertawe)
• Dr. Rob Knowles (Prifysgol Abertawe)

Ers ei sefydlu, mae'r Gymdeithas wedi trefnu cynhadledd flynyddol. Trefnir y gynhadledd gan aelodau'r Grŵp Ymchwil Athroniaeth Dr Paddy McQueen a Dr Patrick Cockburn ym Mhrifysgol Abertawe. Roedd y siaradwyr yn cynnwys: 

• Tommy J. Curry (Caeredin)
• Emily McTernan (UCL)
• David Owen (Southampton)

http://www.associationforsocialandpoliticalphilosophy.org/annual-conference.html

• Dr Gideon Calder: 2021 Ymchwil Iechyd a Gofal Cymru: £388,200, COVID-19 impact on the support and management of older people in Wales: The COSMO study.
• 2018 Llywodraeth Cymru: £487,874, Gwerthusiad o Ddeddf Gwasanaethau Cymdeithasol a Llesiant (Cymru) 2014

• Dr Leighton Evans: 2023 Derbynnydd Medal Dillwyn yn y Gwyddorau Cymdeithasol, Busnes ac Addysg gan Gymdeithas Ddysgedig Cymru i gydnabod ymchwil.
• 2023 Derbynnydd Gwobr Rhagoriaeth mewn Addysgu Academi Dysgu ac Addysgu Prifysgol Abertawe.
• 2023 - RIR1048 - 2022/23 - Cyngor Ymchwil y Celfyddydau a'r Dyniaethau - CYFRIFON CYFLYMU EFFAITH UKRI. Game Changing Project. £40,502.99
• Rzsezewski, M. ac Evans, L. (2019). Dyfarniad gwerth 586086 PLN (£116,000) ar gyfer y prosiect 'Space-software-human: Augmented Reality of the Smart City' gan y Ganolfan Wyddoniaeth Genedlaethol, Gwlad Pwyl. 36 mis o Ionawr 2020.