Mae Gŵyl Wyddoniaeth Abertawe, yr ŵyl fwyaf o’i math yng Nghymru, yn ôl!
Ac eleni mae’n addo bod yn fwy a gwell nag erioed! Cynhelir y digwyddiad ar ddydd Sadwrn 25 a dydd Sul 26 Hydref 2025, gyda phenwythnos llawn dop o hwyl, darganfod ac ysbrydoliaeth i bob oedran.
Rydym ni wrth ein boddau i groesawu Hamza Yassin, dyn camera bywyd gwyllt ac enillydd Strictly Come Dancing, fel un o brif westai’r ŵyl eleni. Peidiwch â cholli ei sgyrsiau ysbrydoledig wrth iddo rannu straeon o’r tu ôl i’r lens a’i angerdd dros y byd naturiol.
Drwy gydol y penwythnos fe gewch chi rhaglen lawn o sioeau a gweithgareddau – o hwyl ffrwydrol Swigod a Balwns!, i Arwyr Gwyddoniaeth, a’r arddangosfa wefreiddiol Glow with the Flow!
A’r rhan orau? Mae’n ffordd berffaith, rhad neu hyd yn oed am ddim, i dreulio penwythnos hanner tymor gyda’r teulu cyfan. Gyda dwsinau o weithgareddau am ddim ochr yn ochr â sioeau tocynnau, mae rhywbeth at ddant pawb, pa un a ydych chi’n creu, yn archwilio neu’n darganfod.
Y tu hwnt i’r llwyfan, bydd amrywiaeth fywiog o stondinau’n arddangos ymchwil arloesol Prifysgol Abertawe, gan roi’r cyfle i chi archwilio, arbrofi a darganfod rhywbeth newydd.
Gyda dros 6,000 o bobl wedi ymuno â ni y llynedd, dyma ŵyl na fyddwch am ei cholli.
Archebwch eich tocynnau nawr a dewch yn rhan o’r darganfod!
Oriel lluniau llawn
