Mae hyd yn oed mwy i’w archwilio o gwmpas Gŵyl Wyddoniaeth Abertawe, gyda'n Rhaglen Mwy. Mae’r digwyddiadau hyn sydd â thema wyddoniaeth yn digwydd cyn ac ochr yn ochr â’r ŵyl, gan gynnig popeth o straeon dilyn stormydd ar y llwyfan, i fyfyrdodau athronyddol wedi’u hysbrydoli gan Wittgenstein, i anturiaethau sinematig sy’n dathlu ein cefnforoedd.
Mwy o Ŵyl Wyddoniaeth Abertawe
Taith Ryngwladol Gŵyl Ffilm Cefnforoedd
Dydd Mawrth 21 Hydref, 7.30pm, £16.50 - £18.50, Canolfan y Celfyddydau Taliesin
Dewch gyda ni am noson o antur gefnforol! Mae Taith Fyd-eang Gŵyl Ffilmiau Ocean yn cynnwys casgliad newydd o ffilmiau cefnforol mwyaf anhygoel y byd!
Fe'i cyflwynir i chi gan y tîm y tu ôl i daith Gŵyl Ffilmiau Mynydd Banff o’r DU ac Iwerddon, ac mae'r detholiad hwn o ffilmiau byr yn cyfuno bywyd morol syfrdanol a mordeithiau gwyllt mewn dathliad sinematig o'n cefnforoedd.
Gan fentro i ddyfnderoedd y blaned sy’n cael eu harchwilio’n anaml iawn, gallwch chi gwrdd â syrffwyr, padlwyr, deifwyr a gwyddonwyr sydd wedi ymroi i ateb galwad y cefnforoedd. Dyma gyfle i archwilio rhyfeddodau'r cefnforoedd – heb gael eich traed yn wlyb!
From Linz to Langland: Ludwig Wittgenstein
Dydd Gwener 24 Hydref, 7.30pm, £10 - £15, Canolfan y Celfyddydau Taliesin
Roedd Ludwig Wittgenstein yn un o'r athronwyr mwyaf erioed. Rhwng 1942-1947 ymwelodd yn rheolaidd ag Abertawe, yn bennaf i weld ei ffrind a'i gyn-fyfyriwr Rush Rhees, a oedd yn darlithio ym Mhrifysgol Abertawe. Gyda'i gilydd byddent yn gweithio ar faterion athronyddol a ddaeth yn y pen draw yn Philosophical Investigations a gyhoeddwyd ar ôl marwolaeth. Mwynhaodd Wittgenstein ei amser yn Abertawe yn fawr, a threuliodd lawer o amser yn cerdded o amgylch y ddinas ac ar hyd ei thraethau. Cyfarfu ag amrywiaeth o gymeriadau hynod ddiddorol, rhai academaidd, rhai proletariat. Mae'r ddrama hon yn dychmygu rhai o'r sgyrsiau hynny, sy'n ymdrin ag amrywiaeth o faterion.
Cyflwynir gan The Cwmdonkin Players gyda Cherddoriaeth gan Delyth Jenkins. Ysgrifennwyd, cyfarwyddwyd a chynhyrchwyd gan Dr Alan Sandry.
Eye of the Storm – Theatr na nÓg
Dydd Sadwrn 25ain o Hydref, 12pm, £12.50 - £30, Theatr Dylan Thomas, Abertawe
Sioe gerdd arobryn am ddilyn stormydd a newid y byd. Ysgrifennwyd gan Geinor Styles gyda cherddoriaeth a geiriau gan Amy Wadge.
Lleolir y ddrama yng Nghymoedd Cymru gyda cherddoriaeth fywiog sy’n tynnu ar elfennau Americana gan yr enillydd Gwobrau Grammy, Amy Wadge (Thinkin' Out Loud gydag Ed Sheeran, Un Bore Mercher) ac sydd yn cael ei pherfformio’n fyw, ar lwyfan gan gast o 7 o actorion a cherddorion dawnus.
Y Gornel Wyddoniaeth: Ysbrydolwyd gan Natur
Dydd Sadwrn, 25 Hydref, a dydd Sul, 26 Hydref, 10am - 4pm, MYNEDIAD AM DDIM - Dim angen archebu, Oriel Science
Cornel Wyddoniaeth yn llawn creadigrwydd. Rhowch gynnig ar: gwneud trên bwled glas y dorlan, adeiladu melin wynt morfilod, arbrofi gyda sut wnaeth blodau lotws ysbrydoli cotiau glaw.
Ond rhowch wybod os ydych chi’n dod mewn grŵp o 8+. Cysylltwch â ni: 01792 919539 info@orielscience.co.uk
Comic Con Abertawe - Hydref 2025
Dydd Sul, 26 Hydref, 10am - 5pm, £7.21 - £33.22, LC Abertawe
Mae Comic-Con yn dychwelyd i LC Abertawe y mis Hydref hwn ar gyfer diwrnod llawn 'cosplay', comics, arddangosfeydd ffilmiau a nwyddau...gyda thema frawychus!