Dim angen cadw lle – dewch i mewn a mwynhewch! Trowch eich hun i fyd llawn rhyfeddod wrth i Brifysgol Abertawe ddod â’i hymchwil flaengar yn fyw. Ewch i’r afael ag ynni hydrogen, cwrdd â chŵn a chathod robotiaid, darganfyddwch sut roedd yr hen Eifftwyr yn mymïo’r meirw, a hyd yn oed ddysgu sut i garu cynrhon, a chymaint mwy… Byddwch yn rhyfeddu at yr ymchwil anhygoel a’r darganfyddiadau sy’n digwydd o’ch cwmpas!
Blwch offer byd natur: Dysgwch ragor am sut gall cynnyrch naturiol helpu i greu dyfodol gwyrddach. Byddwn yn archwilio potensial cynnyrch naturiol o ficrobau, o beiriannau algaidd i ffyngau sy'n lladd trychfilod!
Cyfle i yrru trenau ar ein rheilffordd fodel a dysgu sut mae ein system reilffordd glyfar yn gweithio.
Ydych chi'n meddwl y gallwch chi ddatrys Ciwb Rubik yn gynt na robot? Beth am sgorio gôl yn ein gêm pêl-droed robotiaid? Beth am raglennu twll mewn un gyda'n cwrs golff byr roboteg? Dewch i gymryd rhan ar ein stondin arddangosfa Technocamps!
Mae ein harddangosiadau a’n hadnoddau mathemategol llawn hwyl, swnllyd a rhyngweithiol yn diddanu ymwelwyr ac yn ennyn diddordeb mewn mathemateg gymhwysol. Gwneud mathemateg yn bleserus ac yn hygyrch i bawb.
Rydym yn cynnal cystadleuaeth godio ar gyfer pob grŵp oedran rhwng 7 ac 16 oed dros y penwythnos gyda gwobrau TG gwych i'w hennill, ac wrth gwrs bydd digon o weithgareddau ymarferol i chi gymryd rhan ynddynt, os nad ydych am fod yn rhan o'r gystadleuaeth. Peidiwch â cholli'r cyfle hwn!
Byddwn yn arddangos sut rydym yn bwriadu dal gwres o ddiwydiant a'i ddefnyddio i wresogi gofod. I ddangos hyn, byddwn yn cynnal digwyddiad rhyngweithiol lle gall cyfranogwyr gynhyrchu gwres o'n deunyddiau gan ddefnyddio eu hanadl.
Dewch i ddarganfod sut gall hydrogen ein hatal rhag llygru pethau a darparu dyfodol gwyrdd ffyniannus!
Trowch eich ofn, eich anniddigrwydd neu'ch dirmyg tuag at gynrhon ar ei ben yn ein harddangosfa Caru Cynrhon sydd wedi'i threfnu gan Grŵp Ymchwil Cynrhon Prifysgol Abertawe
Taflwch y bagiau ffa at y targedau gwahanol i ddangos eich gwybodaeth am yr hyn sy'n effeithio ar blant iach a bywyd teuluol iach.
Dewch i'n gweithdy robotiaid i gyfarfod â'n cŵn robot a'n cath robot 8 troedfedd
Darganfyddwch sut y bu i'r Eifftiaid hynafol fymiio eu meirw gyda'n mami ffug maint llawn
Ymunwch â ni i ddysgu mwy am y ffordd mae Peirianwyr a Gwyddonwyr Deunyddiau yn datblygu atebion ar gyfer dyfodol cynaliadwy. Ewch ati i ddefnyddio microsgopeg ac adeiladu eich teganau eich hun sydd wedi'u pweru gan fatris a'r haul
Bwth carnifal ar gyfer plant cyn oed ysgol a phlant hŷn lle mae ymgeiswyr yn pysgota am hwyaid ac yna'n ateb cwestiwn ar y nwy cudd a restrir ar y gwaelod. Ceir gwobrau am yr atebion cywir.
Dychmygwch fod yn wyddonydd biofeddygol a darganfyddwch yr wyddoniaeth ddiddorol y tu ôl i iechyd a meddygaeth. Gallwch chi gynnal arbrofion ymarferol a darganfod sut mae gwyddonwyr yn gweithio i ddatrys problemau meddygol!
Bydd stondin ryngweithiol Parc Geneteg Cymru'n canolbwyntio ar ddarganfod DNA - sef y deunydd genetig sy'n cynnwys y cyfarwyddiadau, neu’r côd, ar gyfer creu’r holl organeddau byw. Mae gweithgareddau ymarferol yn cynnwys dehongli dilyniant o genom organedd i greu breichled DNA y gallwch chi fynd â hi adref, gwneud helics DNA gan ddefnyddio origami, paru cromosomau dynol yn erbyn y cloc yn ein gêm gromosomau...a mwy!
Efallai bydd y stondinau arddangos a nodir yn ddarostyngedig i newid. Os oes gennych sylwadau ar y tudalennau gwe hyn neu’r cynnwys, e-bostiwch swanseasciencefestival@abertawe.ac.uk
