Eifftoleg a Hanes yr Henfyd, BA (Anrh)

Mae clirio ar agor!

Gwnewch gais nawr
Myfyrwyr yn gweithio gyda'i gilydd

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Mae'r Hen Aifft, gyda'i pharoaid, ei henebion crand a'i hieroglyffau, wedi ysgogi diddordeb ers miloedd o flynyddoedd. Yma yn Abertawe gallwch astudio ei chyfnod mawr mewn hanes a'i harferion diwylliannol ysgogol yn eu cyd-destun yn Affrica, y Lefant, a'r Môr Canoldir Groeg-rufeinig. Mae ein gradd tair blynedd wedi'i seilio ar ddysgu ar sail gwrthrychau, gan gynnig profiad ymarferol i chi gyda'r arteffactau yn ein hamgueddfa fewnol, sef y Ganolfan Eifftaidd. Hefyd, mae gennych yr opsiwn i ddysgu system iaith ac ysgrifennu hynafol yr Aifft, fel porth i archwilio i chi'ch hun eu testunau sydd wedi goroesi. Byddwch yn cael eich arfogi i ddeall sut y datblygodd cymdeithas yr Aifft dros filenia, o'r cyfnod neolithig tan y cyfnod pan goncrwyd dyffryn y Nîl gan Bersiaid, Groegiaid a Rhufeiniaid.

Pam Eifftoleg a Hanes yr Henfyd yn Abertawe?

Rydym ni ar Gampws Parc Singleton, mewn parcdir sy'n edrych dros Fae Abertawe ar ymyl Penrhyn Gŵyr.

Mae’r Clasuron a Hanes yr Henfyd yn Abertawe wedi'i restru fel a ganlyn:

  • 2il yn y DU am Brofiad Myfyrwyr (Times Good University Guide 2025)
  • 2il yn y DU ar gyfer Boddhad Addysgu (Guardian University Guide 2025)
  • 3ydd yn y DU am Ansawdd y Dysgu (Times Good University Guide 2025)
  • Ymhlith yr 20 uchaf yn y DU am Hynt Graddedigion (Complete University Guide 2025)
  • Yn y 51-150 Gorau yn y Byd (QS World University Rankings by Subject 2025)

Mae gennych opsiynau i astudio Eifftoleg a Hanes yr Henfyd gyda semester dramor yn ystod eich ail flwyddyn, neu i dreulio blwyddyn lawn dramor ar ôl eich ail flwyddyn. Mae gennym gysylltiadau â phrifysgolion yn Awstralia, Gogledd America, Asia ac Ewrop.

Rydym wedi ymrwymo i'ch dysgu sut i ddeall tirweddau hanesyddol. Mae ein modiwl treftadaeth dewisol yn y flwyddyn gyntaf yn eich galluogi i ddeall y gorffennol yn ei le ar safleoedd o amgylch Abertawe a de Cymru. Mae gennym hefyd fodiwl taith astudio sy'n rhoi'r cyfle i chi (pryd bynnag y bydd amgylchiadau'n caniatáu) i ymweld â safleoedd hynafol dramor, er enghraifft yng Ngwlad Groeg neu'r Eidal.

Byddwch yn gallu ennill profiad gwerthfawr a dealltwriaeth o'r diwydiant amgueddfeydd ac arferion treftadaeth, drwy amrywiaeth o leoliadau gwaith, neu drwy dreulio blwyddyn gyfan ym myd diwydiant, gan eich galluogi i gael profiad amhrisiadwy yn y gweithle i'ch paratoi ar gyfer eich gyrfa. Yn ogystal â modiwlau lle rydych chi'n gweithio gyda gwrthrychau o'r Ganolfan Eifftaidd, mae gennym fodiwl Ymarfer Casgliad yr Aifft, sef modiwl yn y drydedd flwyddyn sy'n cynnig pythefnos o brofiad gwaith dwys yn yr amgueddfa. Gallwch hefyd gymryd rhan drwy gyfranogi mewn mentrau fel Prosiect Crochenwaith Prifysgol Abertawe, sy'n ceisio catalogio'r holl ddarnau cerameg yn y casgliad. Hefyd, mae cyfle i wirfoddoli yn y Ganolfan Eifftaidd, sy'n falch iawn o'i rhwydwaith ysgolheigaidd rhyngwladol sy'n cynnwys seminarau cyson, cyrsiau byr a rhaglen i ysgolion.

Os ydych chi'n ystyried addysgu fel gyrfa, neu os  hoffech chi weld sut beth byddai addysgu mewn ysgol, gallwch gael profiad gwerthfawr gyda'n modiwl Lleoliad Ysgol. Mae'r modiwl hwn yn eich galluogi i addysgu diwylliant y byd clasurol i ddisgyblion mewn ysgolion lleol, a chael credydau. Rydym yn meithrin cysylltiadau o'r fath yn rhannol drwy Hwb  Clasuron Cymru, sydd â’r nod o greu adnoddau ar gyfer addysgu Lladin a'r henfyd mewn ysgolion.

Eich Profiad Eifftoleg a Hanes yr Henfyd

Drwy gydol eich gradd Eifftoleg a Hanes yr Henfyd, bydd mentor academaidd gan bob un ohonoch chi o blith y staff addysgu i roi cymorth academaidd. Rydym yn gymuned glos sy'n mwynhau archwilio'r byd hynafol y tu hwnt i'r ystafell ddosbarth. Mae ein Cymdeithas yr Henfyd a gynhelir gan fyfyrwyr yn trefnu digwyddiadau cymdeithasol a diwylliannol, gan gynnwys teithiau i amgueddfeydd.

Mae asesiadau yn y cwrs hwn yn cynnig ystod eang o gyfleoedd i chi ddangos eich dealltwriaeth newydd o'r byd hynafol. Efallai y gofynnir i chi lunio 'cylch bywyd gwrthrych', lle byddwch yn nodi sut y cafodd sbesimenau penodol eu creu ac yna symud o'u man gwreiddiol i'w lleoliad presennol, neu ddylunio cynllun ar gyfer arddangos grŵp penodol o arteffactau. Mae ein haseiniadau hefyd yn eich helpu i feithrin eich profiad wrth gyfleu eich gwybodaeth mewn gwahanol ffyrdd, er enghraifft mewn cyflwyniadau, postiadau blog neu aseiniadau creadigol.

Cyfleoedd Cyflogaeth Eifftoleg a Hanes yr Henfyd

Er mwyn gwella eich rhagolygon gyrfa, rydym yn cynnig cyfle i gofrestru am wahanol leoliadau gwaith cyflogadwyedd a chyfranogiad, megis yr Wythnos Gwaith.

Fel arfer, bydd myfyrwyr Eifftoleg a Hanes yr Henfyd yn meithrin sgiliau cyflwyno ac ysgrifennu rhagorol, sy'n gysylltiedig ag ymchwil, dadansoddi, a datrys problemau. Byddwch yn dysgu i ddatblygu eich syniadau mewn amrywiaeth eang o fformatau sy'n berthnasol i'ch bywyd ar ôl y brifysgol.

Mae ein graddedigion yn mynd i yrfaoedd mewn amrywiaeth eang o sectorau, gan gynnwys:

  • Treftadaeth a Thwristiaeth
  • Addysgu
  • Y Cyfryngau a Chysylltiadau Cyhoeddus
  • Busnes a Rheoli
  • Gwleidyddiaeth a'r Gwasanaeth Sifil

Modiwlau

Yn ystod eich blwyddyn gyntaf, byddwch yn astudio pedwar modiwl gorfodol a dau fodiwl dewisol, a bydd y pynciau'n cynnwys Groeg, Lladin, Duwiau ac Arwyr, Athroniaeth a Rhethreg yr Henfyd a Thaith Maes. 

Mae Blwyddyn 2 yn cynnwys dau fodiwl gorfodol a dau fodiwl opsiynol, gyda phynciau sydd fel arfer yn cynnwys Archeoleg yr Aifft, Celf a Phensaernïaeth yr Aifft, Groeg Hynafol, Rhywedd yn y Byd Rhufeinig, a Lleoliad Gwaith mewn Ysgol yn addysgu hanes yr henfyd ac ieithoedd hynafol.

Daw eich gradd i ben ym Mlwyddyn 3 pan fyddwch yn dewis o blith amrywiaeth eang o fodiwlau dewisol sy’n gallu cynnwys Archeoleg yr Hen Nwbia, Groeg neu Ladin ar lefelau uwch, Pompeii a Dinasoedd Vesuvius, a Thraethawd Hir gorfodol ym maes y Clasuron, Hanes yr Henfyd ac Eifftoleg.

Os dewiswch ddilyn Blwyddyn Dramor neu Flwyddyn ym Myd Diwydiant, gwnewch hyn rhwng eich ail a'ch trydedd flwyddyn astudio felly bydd eich gradd yn para cyfanswm o bedair blynedd.

Eifftoleg a Hanes yr Henfyd

Eifftoleg a Hanes yr Henfyd gyda Blwyddyn Dramor

Eifftoleg a Hanes yr Henfyd gyda Blwyddyn mewn Diwydiant