Mae Ieithyddiaeth Gymhwysol yn ddisgyblaeth fwyfwy perthnasol a dylanwadol. Dyma'r rhaglen israddedig gyntaf o'i math, a bydd yn addysgu myfyrwyr i ddadansoddi iaith mewn cyd-destunau amrywiol o bwys, gan gynnwys: gofal iechyd; cyfathrebu; deallusrwydd dynol-peirianyddol; diwygio addysgol; llunio polisïau iaith; dadansoddi fforensig; diagnosis anhwylderau cyfathrebu a’u rheoli; cyfathrebu yn y cyfryngau cymdeithasol; a chymunedau amlieithog.
Bydd myfyrwyr yn craffu ar strwythurau a seiniau Saesneg, yn archwilio'r prosesau mewnol sy'n tanategu cynhyrchu a deall iaith ac yn ymchwilio i achosion ac effeithiau dewis iaith. Mae'r rhaglen yn cynnwys hyfforddiant a phrofiad o weithio gydag ymarferwyr a phartneriaid proffesiynol a chaiff myfyrwyr gyfle i ddewis cyd-destun penodol i'w astudio a'i ddadansoddi’n fanwl. Mae iaith yn ffenomen gymhleth; drwy ddefnyddio dulliau ystadegol, cyfrifiadol a gwyddonol, bydd myfyrwyr yn dysgu sut i ddadansoddi samplau a defnydd iaith er mwyn echdynnu gwybodaeth sy'n hanfodol i ddeall a mynd i'r afael â heriau sy’n effeithio ar y byd heddiw.
Byddwch yn astudio ar ein Campws Parc Singleton, a leolir mewn parcdir godidog â golygfeydd ar draws Bae Abertawe, ar ymyl Penrhyn Gŵyr. Mae parch mawr gan fyfyrwyr a chyflogwyr at ein hadran Saesneg, gan gynnwys Ieithyddiaeth Gymhwysol ac Iaith Saesneg.
Rhestrir Ieithyddiaeth yn Abertawe:
Saesneg yn Abertawe:
Drwy gydol eich gradd, bydd gennych tiwtor personol a fydd yn darparu cymorth bugeiliol ac academaidd i chi.
Yn ogystal â'r cyfleodd lleoliad gwaith sydd ar gael drwy'r rhaglen, mae Rhaglenni Lleoliad Gwaith Prifysgol Abertawe'n cynnig tair rhaglen lleoliad gwaith: Wythnos o Waith (WoW); Rhaglen Interniaeth â Thâl Abertawe (SPIN) a Lleoliadau Gwaith a ariennir gan Brifysgolion Santander.
Mae Academi Cyflogadwyedd Abertawe’n darparu rhwydwaith ar gyfer cysylltu myfyrwyr â chyflogwyr - yn amrywio o sgyrsiau a gweithdai cyflogwyr i ddigwyddiadau rhwydweithio dan arweiniad myfyrwyr.
Bydd myfyrwyr y cwrs hwn yn datblygu sgiliau llafar ac ysgrifennu rhagorol, a byddwch yn dysgu sut i gyflwyno'ch syniadau mewn amrywiaeth o fformatau, ynghyd â sgiliau gryf o ran ymchwil, dadansoddi a datrys problemau.
Bydd ein graddedigion yn dilyn gyrfaoedd mewn amrywiaeth eang o sectorau, gan gynnwys:
Ym mlwyddyn un, byddwch yn astudio egwyddorion sylfaenol ieithyddiaeth cyn archwilio mythau a gwirioneddau poblogaidd am iaith a sut mae iaith yn cael ei chynrychioli yn yr ymennydd.
Ym mlwyddyn dau, byddwch yn dilyn rhaglen benodedig, sy'n cynnwys ieithyddiaeth gymdeithasol, iaith a llythrennedd plant, gweithio gydag ymarferwyr, ieithyddiaeth gymdeithasol caffael iaith, dadansoddi mynegiant, a chewch eich hyfforddi i ddefnyddio offer meddalwedd ar gyfer ieithyddiaeth gymhwysol.
Ym mlwyddyn tri, byddwch yn cael eich hyfforddi i wneud ymchwil annibynnol a phrosiect ymchwil. Byddwch hefyd yn astudio modiwlau mewn ieithyddiaeth fforensig, iaith yn y cyfryngau, technoleg iaith yn y cyfnod AI, a pholisi a chynllunio iaith
