Ieithoedd Modern, BA (Anrh)

Mae clirio ar agor!

Gwnewch gais nawr
students speaking together

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Wrth astudio am ein gradd Ieithoedd Modern, gallwch astudio hyd at ddwy brif iaith (gallwch ddewis rhwng Ffrangeg, Almaeneg a Sbaeneg), a fydd yn eich helpu i ddod yn rhan o gymuned fyd-eang ac yn agor drysau i bob math o yrfaoedd.

Yn ogystal â'ch prif fodiwlau iaith, byddwch hefyd yn dewis o blith modiwlau mewn astudiaethau diwylliannol (yn cynnwys llenyddiaeth, ffilm, barddoniaeth a mwy), addysg (dysgu ail iaith ac addysgeg yn y dosbarth cynradd ac uwchradd) a chyfieithu (i mewn ac allan o'r iaith darged, gan gynnwys cyfieithu dogfennol, cyfryngol a chyfieithu â chymorth cyfrifiadur) drwy ein llwybrau pwrpasol ac unigryw. Mae posibilrwydd hefyd i fyfyrwyr sy'n dymuno ehangu eu casgliad o ieithoedd i astudio modiwlau rhagarweiniol mewn Catalaneg, Eidaleg a Phortiwgaleg.

Gellir astudio Ffrangeg, Almaeneg a Sbaeneg ar y lefelau canlynol ac yn y cyfuniadau canlynol:

  • Gall myfyrwyr sydd â Safon Uwch mewn dwy o'r ieithoedd hyn barhau i astudio'r ddwy iaith gyda ni ar lefel uwch.
  • Gall myfyrwyr sydd â Safon Uwch yn un o'r ieithoedd hyn naill ai ganolbwyntio'n llwyr ar yr iaith honno neu ddysgu iaith arall, ar yr un pryd, drwy ein llwybrau iaith pwrpasol i ddechreuwyr.
  • Gall myfyrwyr nad ydynt wedi cael y cyfle i astudio iaith Safon Uwch neu TGAU ganolbwyntio ar un iaith i ddechreuwyr (gan ddewis o blith Ffrangeg, Almaeneg neu Sbaeneg) trwy gydol eu gradd. Fel arall, gallant ddysgu ail iaith i ddechreuwyr hefyd (gan ddewis o blith Ffrangeg, Almaeneg, Eidaleg, Tsieinëeg Fandarin, neu Sbaeneg) yn ystod ail flwyddyn eu gradd. Bydd hyn yn eu galluogi i raddio gyda rhuglder uwch (C1) yn eu hiaith gyntaf, a rhuglder canolradd-uwch (B2-C1) yn eu hail iaith.

Pam Ieithoedd Modern yn Abertawe?

Wedi’i leoli ar ein campws godidog ym Mharc Singleton, mewn parcdir sy’n edrych dros Fae Abertawe ar gyrion Penrhyn Gŵyr:

  • Byddwch yn cael eich addysgu gan arbenigwyr ymchwil sy'n arbenigo mewn ffilm, astudiaethau rhywedd, llenyddiaeth ganoloesol a modern cynnar, astudiaethau theatr a chyfieithu.
  • Bydd gennych diwtor personol a fydd yn cynnig unrhyw gefnogaeth y gall fod ei hangen arnoch.
  • Gallwch gwrdd â myfyrwyr cyfnewid mewn caffis iaith wythnosol i sgwrsio yn yr ieithoedd yr ydych yn eu hastudio.
  • Byddwch yn gallu ymuno â'n Cymdeithasau Myfyrwyr FfrangegAlmaeneg a Sbaeneg ar gyfer digwyddiadau cymdeithasol wythnosol yn cynnwys ‘Noson Raclette’, arddangosiadau ffilm, cwisiau tafarn a mwy!

Mae Ieithoedd Modern yn Abertawe wedi'u rhestru fel a ganlyn:

  • 1af yn y DU ar gyfer Boddhad Addysgu (Guardian University Guide 2025)
  • 1af ar gyfer Cyfleoedd Dysgu (NSS 2024)*
  • 2il ar gyfer Addysgu (NSS 2024)**
  • 2il ar gyfer Llais Myfyrwyr (NSS 2024)*
  • 5ed yn y DU yn gyffredinol (Guardian University Guide 2025)

*Yn seiliedig ar y sgôr positifrwydd cyfartalog ar draws cwestiynau 5 i 9 yn NSS 2024 o’i gymharu â’r prifysgolion sydd wedi’u cynnwys yn y Times Good University Guide.
**Yn seiliedig ar y sgôr positifrwydd cyfartalog ar draws cwestiynau 1 i 4 yn NSS 2024 o’i gymharu â’r prifysgolion yn y Times Good University Guide.
***Yn seiliedig ar y sgôr positifrwydd cyfartalog ar draws cwestiynau 22 i 25 yn yr NSS 2024 o’i gymharu â’r prifysgolion sydd wedi’u cynnwys yn y Times Good University Guide.

Eich Profiad Ieithoedd Modern

Er mwyn eich galluogi i lunio eich cwrs i gyd-fynd â'ch nodau a'ch diddordebau, gallwch ddewis un o'r canlynol:

  • Rhaglen 4 blynedd gan dreulio blwyddyn yng ngwlad neu wledydd yr iaith neu'r ieithoedd a astudir. (Rhuglder disgwyliedig C1 ar Raddfa'r Fframwaith Ewropeaidd Cyffredin ar gyfer Ieithoedd)
  • Rhaglen 4 blynedd gyda Blwyddyn benodol mewn Diwydiant, yn y DU neu ymhellach i ffwrdd. (Rhuglder disgwyliedig B2-C1)
  • Rhaglen 3 blynedd heb Flwyddyn Dramor na Blwyddyn mewn Diwydiant sy'n cynnig llwybr mwy uniongyrchol i gyflogaeth neu astudiaethau ôl-raddedig. (Rhuglder disgwyliedig B2-C1)*

Mae'r Flwyddyn Dramor yn cynnig cyfle i chi astudio yn un o'n sefydliadau partner yn Ffrainc, Gwlad Belg, y Swistir, Sbaen, yr Almaen neu Awstria. Fel arall, gallwch ddewis gweithio fel athro Saesneg Iaith Dramor drwy'r British Council. Ar gyfer myfyrwyr Sbaeneg, mae cyfleoedd ychwanegol ar gael yn America Ladin. Mae treulio blwyddyn dramor, naill ai ar leoliad gwaith â thâl neu astudio yn un o'n sefydliadau partner yn gyfle cyffrous a gwerthfawr a fydd yn rhoi hwb pellach i'ch profiad fel myfyriwr a'ch rhagolygon cyflogaeth.

Gellir treulio'r Flwyddyn mewn Diwydiant yn y DU neu dramor**, gan roi profiad gwerthfawr yn y gweithle. Mae'r Brifysgol yn ffafrio lleoliadau â thâl, sydd â chyflog o £20,000+ ar gyfartaledd. Mae lleoliadau di-dâl yn cael eu hystyried fesul achos. Er mai cyfrifoldeb y myfyriwr yw sicrhau lleoliad, rydym yn gweithio gyda sawl sefydliad sy'n cynnig cyfleoedd amrywiol. Cefnogir myfyrwyr drwy gydol taith y cais gyda chyngor, arweiniad ac adnoddau. Os na allwch sicrhau lleoliad erbyn diwedd yr ail flwyddyn astudio, byddwch yn trosglwyddo i'r rhaglen radd gyfatebol.

*Gall lefelau cyrhaeddiad amrywio o fyfyriwr i fyfyriwr am resymau y tu hwnt i reolaeth Prifysgol Abertawe.
**Mae lleoliadau tramor yn dibynnu ar gyfyngiadau FISA fesul gwlad.

Cyfleoedd Cyflogaeth Ieithoedd Modern

Gall y cwrs gradd hwn arwain at gyfleoedd gyrfa cyffrous yn y DU ac yn rhyngwladol.

 Mae ein graddedigion yn dilyn gyrfaoedd yn y meysydd canlynol:

  • addysg
  • cyfieithu a chyfieithu ar y pryd
  • newyddiaduraeth, y cyfryngau a chysylltiadau cyhoeddus
  • llywodraeth, gwleidyddiaeth a sefydliadau dyngarol
  • busnes a masnach
  • gwasanaethau cyhoeddus

Modiwlau

TBC

Ieithoedd Modern

Ieithoedd Modern gyda Blwyddyn Dramor

Ieithoedd Modern gyda Blwyddyn mewn Diwydiant