Addysg gyda Blwyddyn Sylfaen, BA (Anrh)

Manylion Allweddol y Cwrs

4 Blynedd Llawn Amser Gyda Blwyddyn Sylfaen

Côd UCAS: X202
Dull Astudio: Ar y Campws
Cynnig Nodweddiadol (gweler dewisiadau arall): CDD / DDD
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2025	£ 5,760

4 Blynedd Llawn Amser Gyda Blwyddyn Sylfaen

Côd UCAS: X202
Dull Astudio: Ar y Campws
Cynnig Nodweddiadol: CDD / DDD - Gwybodaeth Rhagor
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2025	£ 19,000

Trosolwg o'r Cwrs

Mae'r Flwyddyn Sylfaen yn rhoi cyflwyniad cyffrous i chi i Addysg Uwch, yn rhoi'r sgiliau, yr hyder a'r wybodaeth y mae eu hangen arnoch chi i fod yn llwyddiannus yn eich gradd israddedig. Mae'n ddelfrydol os bydd angen ychydig mwy o gymorth arnoch chi ar ôl addysg bellach neu'n dychwelyd i fyd addysg ar ôl blynyddoedd lawer.

Mae addysg yn faes astudio sy'n datblygu'n gyflym, sy'n seiliedig ar ddisgyblaethau seicoleg, athroniaeth, hanes a'r gwyddorau cymdeithasol gan ganolbwyntio ar ddeall sut y mae pobl yn dysgu ac sut y mae strwythurau addysg yn meithrin dysgu gydol oes a datblygiad personol.

Mae blwyddyn sylfaen y rhaglen pedair blynedd arloesol hon yn rhoi cyflwyniad cyffrous i addysg uwch i chi, gan archwilio'r dyniaethau a'r gwyddorau cymdeithasol cyn mynd ymlaen i raglen gradd lawn. Mae'n ddelfrydol os oes angen ychydig mwy o gymorth arnoch ar ôl addysg bellach neu os ydych yn dychwelyd at addysg ar ôl cyfnod o amser.

Pam Addysg gyda Blwyddyn Sylfaen yn Abertawe?

Wedi'ch lleoli ar gampws godidog Parc Singleton, mewn parcdir sy'n edrych dros Fae Abertawe ar gyrion Penrhyn Gŵyr, cewch y cyfle i wneud y canlynol:

Archwilio ymarfer addysgol mewn oes ddigidol, astudio technolegau dysgu digidol sydd ar flaen y gad o ran tueddiadau addysg;
Astudio polisi a gwleidyddiaeth byd addysg a dysgu sgiliau arwain a rheoli;
Meithrin dealltwriaeth o addysg mewn gwledydd eraill, amrywiaeth a llesiant mewn addysg, datblygiad plant a niwrowyddoniaeth addysgol.
Dysgu gan ddarlithwyr cymwys tu hwnt a fydd yn eich helpu i ddefnyddio amrywiaeth o ddulliau dysgu ac yn pwysleisio pwysigrwydd datblygu sgiliau ymarferol o ran arsylwi, dehongli, prosesu a chyflwyno gwybodaeth, y caiff pob un ohonynt eu gwerthfawrogi gan gyflogwyr.

Mae Addysg yn Abertawe:

Yn y 15 adran orau yn y DU am Ansawdd Ymchwil (Complete University Guide 2025)

Eich Profiad Addysg gyda Blwyddyn Sylfaen

Yn ystod eich blwyddyn sylfaen, byddwch chi'n dysgu'r sgiliau allweddol y mae eu hangen arnoch chi i lwyddo yn eich gradd wrth ddatblygu gwybodaeth am eich maes pwnc a sut mae'n perthyn i'r dyniaethau a'r gwyddorau cymdeithasol.

Mae'r cwrs Addysg gyda Blwyddyn Sylfaen yn Abertawe yn radd hyblyg sy'n cynnig amrywiaeth eang o fodiwlau arbenigol sy'n eich galluogi i deilwra eich nodau gyrfa ar gyfer y dyfodol tra'n datblygu eich diddordebau unigol.

Cewch gyfle i gwblhau lleoliadau gwaith mewn sefydliadau fel ysgolion, awdurdodau lleol, busnesau ac elusennau i wella eich profiad fel myfyriwr a'ch rhagolygon gyrfa.

Cyfleoedd Cyflogaeth Addysg gyda Blwyddyn Sylfaen

Mae ein graddedigion yn dilyn gyrfaoedd yn cynnwys:

Addysgu ysgol gynradd ac uwchradd
Addysgu blynyddoedd cynnar
Gweinyddu addysgol
Datblygu cymunedol
Cyhoeddi addysgol
Astudiaethau ôl-raddedig

Bydd angen cymhwyster Addysg Gychwynnol Athrawon neu Dystysgrif Addysg i Raddedigion ychwanegol arnoch i fod yn athro/athrawes.

Modiwlau

Yn eich Blwyddyn Sylfaen, byddwch chi'n dewis modiwlau a fydd yn cynnig sgiliau astudio allweddol i chi, gwybodaeth am y pwnc, ac ymwybyddiaeth o bwysigrwydd y dyniaethau a'r gwyddorau cymdeithasol. Yna byddwch chi'n symud ymlaen i’ch gradd.

Yn ystod y tair blynedd ddilynol byddwch yn astudio meysydd a fydd yn cynnwys addysg gyfoes; tarddiad a theori ymchwil addysgol ac addysg mewn gwledydd eraill; datblygiad plant; diogelu a hyrwyddo llesiant mewn addysg; niwrowyddoniaeth addysgol a gwahaniaeth ac amrywiaeth mewn addysg.

Byddwch yn cwblhau traethawd hir annibynnol yn seiliedig ar ymchwill yn y flwyddyn olaf, gan ddatblygu'r wybodaeth a'r sgiliau i fod yn addysgwr effeithiol o ran ymchwil.

Blwyddyn 0 (Lefel 3)

Entry Level 3 / Foundation Year

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Academic Writing and Skills Development	September-January (TB1)	20	FY-011
Introduction to Being Human	September-January (TB1)	20	FY-012
Introduction to Research	September-January (TB1)	20	FY-015
Critical Reflection and Problem Solving	January-June (TB2)	20	FY-014
Research Essay	January-June (TB2)	20	FY-016
Social Science	January-June (TB2)	20	FY-019

Blwyddyn 1 (Lefel 4)

FHEQ 4 Undergraduate / HECert

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Education and Society	September-January (TB1)	20	EDN100
What is Teaching and Learning?	September-January (TB1)	20	EDN101
Education Research Skills in Education	September-January (TB1)	20	EDN111
Child Development	January-June (TB2)	20	DEC100
Creative and Critical Thinking in Schools	January-June (TB2)	20	EDN108
Philosophy and Theory in Education	January-June (TB2)	20	EDN112

Blwyddyn 2 (Lefel 5)

FHEQ 5 Undergraduate / HEDip

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Additional Learning Needs	September-January (TB1)	20	EDN203
Digital Education: Pedagogy and Practice	September-January (TB1)	20	EDN206
Curriculum Theory and Debates	September-January (TB1)	20	EDN207
Protecting and Promoting Wellbeing in Education	January-June (TB2)	20	DEC200
Research methods in Education and Early Childhood Studies	January-June (TB2)	20	DEC201
Changing Narratives in Education: Race, Gender & Sexuality	January-June (TB2)	20	EDN211

Blwyddyn 3 (Lefel 6)

FHEQ 6 Undergraduate / Honours

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Dissertation	September-June (TB1+2)	40	EDN300
Equity, Equality and Diversity in Education	September-January (TB1)	20	EDN305

Modiwlau Opsiynol

Dewiswch Yn union 20 o gredydau o'r Modiwlau a ganlyn:

SYLWER :Select 20 credits from the list below:

Options Semester 1 Yr 3
Enw'r Modiwl	Hyd y Modiwl	Credydau	Cod y Modiwl	Canllawiau
Critical Challenges in Justice for Children	September-January (TB1)	20	ASC303
Education Policy and Values	September-January (TB1)	20	EDN308

AND

Dewiswch Yn union 40 o gredydau o'r Modiwlau a ganlyn:

SYLWER :Select 40 credits from the list below:

Options Semester 2 Yr 3
Enw'r Modiwl	Hyd y Modiwl	Credydau	Cod y Modiwl
Working in Partnership and Leading Others	January-June (TB2)	20	DEC300
Employability Skills and Work Placement	January-June (TB2)	20	EDN301
Childhood Studies	January-June (TB2)	20	EDN303

Gofynion Mynediad

Dylai myfyrwyr rhyngwladol gyfeirio at ein tudalennau gwlad-benodol.

Cynnig nodweddiadol Safon Uwch (neu gyfwerth)

CDD-DDD

BTEC

MMP

Lefelau T

Pasio

Cymwysterau Cymysg

80 pwynt tariff UCAS o'r 3 chymhwyster uchaf

Bagloriaeth Ryngwladol

26 pwynt

Sut byddwch chi'n cael eich dysgu

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i anghenion penodol eich cwrs. Ar wahân i nifer fach o gyrsiau ar-lein, mae'r rhan fwyaf o'n cyrsiau'n cynnwys addysgu wyneb yn wyneb ar y campws, gan alluogi ymgysylltiad llawn â'ch darlithwyr a'ch cyd-fyfyrwyr.

Mae sesiynau sgiliau ymarferol, seminarau gwaith labordy, a gweithdai yn bennaf yn cael eu cynnal wyneb yn wyneb ar y campws, gan ganiatáu gweithio mewn grŵp ac arddangosiadau. Rydym hefyd yn gweithredu labordai rhithwir ac Amgylcheddau Dysgu Efelychol a fydd yn hwyluso mwy o fynediad at gyfleoedd hyfforddi yn y dyfodol. Fodd bynnag, mae ein dulliau addysgu hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol.

Gall dysgu ar-lein ddigwydd ‘yn fyw’ gan ddefnyddio meddalwedd fel Zoom, sy'n eich galluogi i ryngweithio â'r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailedrych ar ddeunydd, i adolygu at asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol ar Canvas, megis fideos, sleidiau a chwisiau sy'n galluogi astudiaeth hyblyg bellach.

Darpariaeth Gymraeg

Rhywfaint o ddarpariaeth

Darperir rhai elfennau o'r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn.

Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
Mynediad at fodiwlau a addysgir yn gyfan gwbl neu'n rhannol yn Gymraeg.
Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
Cyfle am gyfweliad trwy gyfrwng y Gymraeg wrth wneud cais am le.
Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
Tiwtor Personol Cymraeg ei iaith.
Cefnogaeth un i un i wella eich sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Os byddwch yn astudio o leiaf 5 credyd yn y Gymraeg ac wedi'i restru fel cwrs cymwys ar y dudalen we, gallwch wneud cais am Fwrsariaeth Academi Hywel Teifi (£100 am flwyddyn) ar ddechrau'r tymor (ar ôl cofrestru).

Cwrdd â'ch Darlithwyr

Addysgir ein graddau gan arbenigwyr sydd â gwybodaeth helaeth iawn i’w rhannu â’n myfyrwyr.

Mae rhagor o wybodaeth am ein harbenigedd academaidd ar ein tudalennau staff.

Ffioedd Dysgu

Dyddiad Dechrau	D.U.	Rhyngwladol
Medi 2024	£ 9,000	£ 18,100
Medi 2025	£ 5,760	£ 19,000

Bydd ffïoedd ar gyfer myfyrwyr israddedig amser llawn o'r DU sy'n astudio ar raglenni sylfaen yn yr ystafell ddosbarth yn cynyddu o Flwyddyn 1 ac yn y blynyddoedd dilynol i'r lefel ffïoedd uchaf wedi'i rheoleiddio a bennwyd gan Lywodraeth Cymru.

Bydd ffioedd ar gyfer myfyrwyr Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein myfyrwyr yn bwysig i ni a'n nod yw sicrhau eich bod yn ennill y dosbarth gradd gorau. Mae gennyn system fentora personol lle y dyrennir mentor academaidd i chi. Mae gennym hefyd bolisi "drws agored" lle mae ein hathrawon academaidd ar gael i siarad â chi ar unrhyw adeg am unrhyw ymholiadau neu bryderon academaidd a allai fod gennych.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

Caiff pob un o'n myfyrwyr yr opsiwn o astudio dramor. Mae ein rhaglenni pedair blynedd yn cynnig blwyddyn lawn dramor ac rydym hefyd yn cynnig tymor dramor ar gyfer cyrsiau gradd tair blynedd, yn ystod eich ail flwyddyn o fis Ionawr i fis Mai yn Hong Kong, Singapôr ac UDA. Rhaglen gyfnewid yw'r tymor dramor felly byddwch yn talu ffioedd dysgu'r DU a byddwch yn gyfrifol am gostau llety a byw yn y sefydliad partner am y tymor hwnnw.

Sut i wneud cais

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.