1. Hafan
  2. Israddedig
  3. Cyrsiau Israddedig
  4. Cyrsiau Meddygaeth Israddedig
  5. Biocemeg Feddygol gyda Blwyddyn Sylfaen, BSc (Anrh)

Biocemeg Feddygol gyda Blwyddyn Sylfaen, BSc (Anrh)

Darganfyddwch Abertawe yn ein Diwrnod Agored nesaf

Cadwch le heddiw
Student inlab

Trosolwg o'r Cwrs

Os oes gennych ddiddordeb mewn Biocemeg, sut mae’n cysylltu ag astudio clefydau, datblygiad cynhyrchion fferyllol a’r berthynas gymhleth rhwng y rhain a’n hamgylchedd, ond nid oes gennych y cymwysterau mynediad y mae eu hangen er mwyn ymuno â’n rhaglen BSc, neu os ydych chi’n fyfyriwr aeddfed sy’n dychwelyd i addysg, ein BSc gyda Blwyddyn Sylfaen yw’r cwrs cywir i chi.

Bydd blwyddyn sylfaen y cwrs pedair blynedd hwn yn eich cyflwyno i’r cysyniadau a’r wybodaeth allweddol y mae arnoch eu hangen er mwyn mynd ymlaen i’r BSc mewn Biocemeg Feddygol. Ar ôl cwblhau’r Flwyddyn Sylfaen yn llwyddiannus gyda chyfartaledd cyffredinol o 60%, bydd myfyrwyr yn mynd ymlaen i Flwyddyn 1 y BSc.

Bydd ein graddau mewn Biocemeg Feddygol yn rhoi ichi ddealltwriaeth fanwl o swyddogaeth fiocemegol organeddau byw, o facteria i blanhigion, anifeiliaid, a phobl.

Byddwch yn datblygu sgiliau rheoli prosiectau ardderchog ac yn dysgu sut i lunio arbrofion a chynllunio cynlluniau gwaith.

Pam Biocemeg Feddygol ym Mhrifysgol Abertawe?

Byddwch yn gallu manteisio ar fynediad i gyfleusterau ymchwil o’r radd flaenaf yn yr Ysgol Feddygaeth, gan gynnwys offer i ddadansoddi DNA a phroteinau, dadansoddwyr delweddau ar sail cyfrifiaduron ar gyfer astudio moleciwlau neu gelloedd, a chyfleuster uwch gyfrifiadur pwerus.

Mae’r radd BSc mewn Biocemeg Feddygol yn rhan o’n rhaglen Llwybr i Feddygaeth. Ar yr amod y byddwch yn bodloni’r anghenion mynediad ar gyfer Meddygaeth i Raddedigion, ac wedi cwblhau’r Llwybr yn llwyddiannus, byddwch yn warantedig o gael cyfweliad ar gyfer ein cwrs MBBCh blaengar mewn Meddygaeth i Raddedigion.

Eich Profiad Biocemeg Feddygol

Mae ein staff academaidd yn weithgar mewn ystod amrywiol o feysydd ymchwil biocemeg, gan gynnig cymysgedd heb ei ail o ragoriaeth academaidd ac ymarfer o’r radd flaenaf.

Yn ogystal â’ch astudiaethau ffurfiol, rydym yn trefnu trafodaethau ymchwil rheolaidd gyda staff Prifysgol Abertawe a siaradwyr gwadd arbenigol o Brifysgolion eraill, byd diwydiant, y GIG a sefydliadau ymchwil.

Efallai y bydd gennych chi hefyd y cyfle i dreulio amser yn cwblhau ymchwil mewn labordai diwydiannol neu feddygol unai yn y DU neu dramor, a hyd yn oed ymestyn eich gradd i gynnwys blwyddyn gyfan yn astudio dramor. Mae treulio blwyddyn dramor yn ystod eich gradd israddedig yn eich caniatáu i ychwanegu profiad rhyngwladol gwerthfawr i'ch CV, wrth feithrin sgiliau cyfathrebu rhyngddiwylliannol a fydd yn gwella eich gallu i ryngweithio â phobl o gefndiroedd amrywiol.

Mae cymysgedd o fodiwlau gorfodol a dewisol yn rhoi ichi’r hyblygrwydd i deilwra’ch gradd i’ch diddordebau penodol, eich uchelgeisiau gyrfaol, neu’ch cynlluniau ar gyfer astudio ymhellach.

Cyfleoedd Cyflogaeth Biocemeg Feddygol

Mae pob un o’n graddau mewn Biocemeg yn agor ystod o gyfleoedd gyrfaol cyffrous mewn meysydd amrywiol gan gynnwys:

  • Datblygu cynhyrchion fferyllol
  • Biotechnoleg ddiwydiannol
  • Biodanwyddau
  • Ymchwil glinigol
  • Biohysbyseg
  • Meddyg
  • Meddyg Cysylltiol

Modiwlau

Bydd y flwyddyn sylfaen yn darparu’r wybodaeth sylfaenol am gemeg fiolegol ac organig, bioleg foleciwlaidd, trin data, ac ymarfer yn y labordy, gan roi i fyfyrwyr yr wybodaeth i fynd ymlaen yn llwyddiannus i flwyddyn un yr opsiynau BSc mewn Biocemeg Feddygol.

Mae eich ail flwyddyn yn cynnwys modiwlau sy’n cwmpasu elfennau hanfodol biocemeg, gan gynnwys llwybrau egni a metaboledd, datblygu sgiliau biocemeg, cemeg organig a dadansoddol, geneteg foleciwlaidd, a microbioleg.

Wrth ichi wneud cynnydd, byddwch yn datblygu’ch gwybodaeth ymhellach, gan astudio pynciau arbenigol gan gynnwys rheoleiddio metabolig, technegau mewn bioleg foleciwlaidd, pilennau a throsglwyddo egni, dosbarthu gan bilennau, a biohysbyseg.

Yn eich blwyddyn olaf byddwch yn cwblhau prosiect ymchwil annibynnol o dan arweiniad gwyddonydd ymchwil proffesiynol.

Os dewiswch ymgymryd â blwyddyn dramor, byddwch yn gwneud hyn rhwng y drydedd a’r bedwaredd flwyddyn astudio fel y nodir uchod.

Ymgeisio

Darganfyddwch eich prifysgol

Ewch ar rithdaith

Two students walking around campus

Prosbectws Israddedig

Prosbectws Israddedig

Astudio trwy'r Gymraeg

welsh medium

Sgwrsiwch â Myfyriwr Cyfredol

Dau fyfyriwr wrth gyfrifiadur
Cynigion wedi'u gwarantu*
Ymwadiad Rhaglen

Biocemeg Feddygol gyda Blwyddyn Sylfaen

Medical Biochemistry with a Foundation Year and Year Abroad, BSc (Hons)