Trosolwg o'r Cwrs
Os oes gennych ddiddordeb mewn Biocemeg, sut mae’n cysylltu ag astudio clefydau, datblygiad cynhyrchion fferyllol a’r berthynas gymhleth rhwng y rhain a’n hamgylchedd, ond nid oes gennych y cymwysterau mynediad y mae eu hangen er mwyn ymuno â’n rhaglen BSc, neu os ydych chi’n fyfyriwr aeddfed sy’n dychwelyd i addysg, ein BSc gyda Blwyddyn Sylfaen yw’r cwrs cywir i chi.
Bydd blwyddyn sylfaen y cwrs pedair blynedd hwn yn eich cyflwyno i’r cysyniadau a’r wybodaeth allweddol y mae arnoch eu hangen er mwyn mynd ymlaen i’r BSc mewn Biocemeg. Ar ôl cwblhau’r Flwyddyn Sylfaen yn llwyddiannus gyda chyfartaledd cyffredinol o 60% bydd myfyrwyr yn mynd ymlaen i Flwyddyn 1 y BSc.
Bydd ein graddau mewn Biocemeg yn rhoi ichi ddealltwriaeth fanwl o swyddogaeth fiocemegol organeddau byw, o facteria i blanhigion, anifeiliaid, a phobl.
Byddwch yn datblygu sgiliau rheoli prosiectau ardderchog ac yn dysgu sut i lunio arbrofion a chynllunio cynlluniau gwaith.
