1. Hafan
  2. Israddedig
  3. Cyrsiau Israddedig
  4. Cyrsiau Meddygaeth Israddedig
  5. Ffarmacoleg Feddygol gyda Blwyddyn Sylfaen, BSc (Anrh)

Ffarmacoleg Feddygol gyda Blwyddyn Sylfaen, BSc (Anrh)

Sylfaen mewn Datblygu Meddyginiaethau’r Dyfodol

Medical Pharmacology Students

Trosolwg o'r Cwrs

Os oes gennych ddiddordeb yn y wyddoniaeth sy’n sail i gyffuriau a meddyginiaethau, ond nid oes gennych y cymwysterau mynediad y mae eu hangen er mwyn ymuno â’n rhaglen BSc, neu os ydych chi’n fyfyriwr aeddfed sy’n dychwelyd i addysg, ein BSc gyda Blwyddyn Sylfaen yw’r cwrs cywir i chi.

Bydd blwyddyn sylfaen y cwrs pedair blynedd hwn yn eich cyflwyno i’r cysyniadau a’r wybodaeth allweddol y mae arnoch eu hangen er mwyn mynd ymlaen i’r BSc mewn Ffarmacoleg Feddygol. Ar ôl cwblhau’r Flwyddyn Sylfaen yn llwyddiannus gyda chyfartaledd cyffredinol o 60%, bydd myfyrwyr yn mynd ymlaen i Flwyddyn 1 y BSc.

Byddwch yn astudio amrywiaeth eang o bynciau, gan gynnwys ffarmacoleg, tocsicoleg, ffarmacogenomeg, ffisioleg, cemeg, geneteg, imiwnoleg a datblygu cyffuriau. Byddwch yn gallu teilwra eich astudiaethau i gyd-fynd â'ch diddordebau eich hun, gan ddewis o fodiwlau dewisol sy'n cynnwys gwyddoniaeth gardiofasgwlaidd, diabetes, ffarmacoleg canser, bioleg atgenhedlu, niwrowyddoniaeth a nanodocsicoleg.

Byddwch yn datblygu sgiliau dadansoddi a rheoli prosiectau ardderchog ac yn dysgu sut i ddylunio arbrofion a chynllunio rhaglenni gwaith i'ch paratoi chi ar gyfer eich gyrfa yn y dyfodol.

Pam Ffarmacoleg Feddygol ym Mhrifysgol Abertawe?

Datblygwyd cwricwlwm y cwrs Ffarmacoleg Feddygol gan ddefnyddio Cwricwlwm Israddedig Cymdeithas Ffarmacolegol Prydain, sydd â'r nod o ddatblygu gwybodaeth graidd, sgiliau craidd ac agweddau craidd yn y genhedlaeth nesaf o ffarmacolegwyr. Mae'r cwrs hefyd yn arddel egwyddorion cynhwysol Cymdeithas Ffarmacolegol Prydain ar gyfer Ffarmacoleg Israddedig, y mae Cyfarwyddwr ein Rhaglen, Dr Aidan Seeley, wedi helpu i'w datblygu.

Mae'r cymysgedd o fodiwlau gorfodol a dewisol yn eich galluogi  i deilwra eich astudiaethau yn unol â'ch diddordebau penodol, eich nodau gyrfaol neu eich cynlluniau ar gyfer astudio ôl-raddedig.

Byddwch yn elwa o gael mynediad i'r cyfleusterau ymchwil ac addysgu sydd o'r radd flaenaf yn yr Ysgol Feddygaeth, gan gynnwys ein labordai ymchwil.

Mae’r radd hon yn rhan o’n rhaglen ‘Gwyddorau Meddygol ar Waith’ Llwybr i Feddygaeth. Ar yr amod y byddwch yn bodloni’r anghenion mynediad ar gyfer Meddygaeth i Raddedigion, ac wedi cwblhau’r Llwybr yn llwyddiannus, byddwch yn warantedig o gael cyfweliad ar gyfer ein cwrs MBBCh blaengar mewn Meddygaeth i Raddedigion.

Eich Profiad Ffarmacoleg Feddygol

Mae ein staff academaidd yn weithgar mewn amrywiaeth eang o feysydd ymchwil, gan gynnig cymysgedd unigryw o ragoriaeth academaidd ac ymarfer arloesol.

Yn ogystal â'ch astudiaethau ffurfiol, rydym yn cynnal sgyrsiau ymchwil o leiaf unwaith bob wythnos a bydd y rhain yn cael eu cyflwyno gan staff Prifysgol Abertawe neu siaradwyr o brifysgolion neu sefydliadau ymchwil eraill.

Mae ein hymagwedd at ddysgu'n annog sgiliau dadansoddi, ymchwilio a chyfathrebu ardderchog, gan gynnwys darlithoedd, seminarau, sesiynau labordy ymarferol, dysgu annibynnol a gweithio mewn grwpiau bach.

Cyfleoedd Cyflogaeth Ffarmacoleg Feddygol

Mae Ffarmacoleg Feddygol wedi cael ei hadnabod fel gradd israddedig hanfodol y mae ei hangen i lenwi'r bylchau yn y gweithlu presennol a mynd i'r afael â bylchau sgiliau ym maes datblygu meddyginiaethau a chynhyrchion fferyllol.

Gallech hefyd ddilyn gyrfa neu barhau â’ch astudiaethau mewn meysydd eraill sy’n cynnwys gwaith ymchwil academaidd a diwydiannol, rheoleiddio, cyfraith patentau, ysgrifennu meddygol, addysg neu dreialon clinigol.

Ymgeisio

Darganfyddwch eich prifysgol

Ewch ar rithdaith

Two students walking around campus

Prosbectws Israddedig

Prosbectws Israddedig

Astudio trwy'r Gymraeg

welsh medium

Sgwrsiwch â Myfyriwr Cyfredol

Dau fyfyriwr wrth gyfrifiadur

Cynigion wedi'u gwarantu*

Ymwadiad Rhaglen

Ffarmacoleg Feddygol gyda Blwyddyn Sylfaen