Fferylliaeth, MPharm (Hons)

5ed yn y DU am Ymchwil - Complete University Guide 2026

Pharmacy

Trosolwg o'r Cwrs

Caiff gofal iechyd modern ei ddarparu gan dîm rhyngddisgyblaethol ac yn gynyddol mae fferyllwyr yn darparu gwasanaethau clinigol gwell a newydd ar draws lleoliadau gofal iechyd. Mae ein Gradd Fferylliaeth yn cydnabod y rolau newydd ac uwch hyn ac yn integreiddio’r gwyddorau ac ymarfer i baratoi myfyrwyr i gwrdd â heriau newidiol Fferylliaeth. 

Yn ystod eich Gradd Meistr integredig pedair blynedd (MPharm) mewn Fferylliaeth, byddwch yn dilyn cwricwlwm sydd wedi'i gynllunio i adlewyrchu'r ffordd y mae fferyllwyr yn mynd at gleifion a sut mae cleifion yn cyflwyno i fferyllwyr. Rydym yn cyfuno egwyddorion gwyddonol sylfaenol a chymhleth gyda sut maent yn cael eu cymhwyso i roi dealltwriaeth glir i chi o ymarfer Fferylliaeth.

Ynghyd â ffocws cryf ar sgiliau clinigol a chyfathrebu a thechnoleg ddigidol, byddwch yn datblygu'r rhinweddau academaidd, ymarferol a phersonol i ymarfer fferylliaeth yn gymwys a gyda hyder.

Pam Astudio Fferylliaeth yn Abertawe?

  • 8fed yn y DU (Fferylliaeth a Ffarmacoleg, Guardian University Guide 2026)
  • 5ed yn y DU am Ymchwil (Complete University Guide 2026)

Mae Fferylliaeth yn Abertawe yn adeiladu ar gryfderau'r Ysgol Feddygaeth trwy fabwysiadu agwedd amlddisgyblaethol. Rydym yn cydnabod bod fferyllwyr yn cydweithio gydag amryw o weithwyr proffesiynnol iechyd mewn lleoliadau clinigol, ac felly dylai'r addysg a'r hyfforddiant adlewyrchu hynny. Byddwch yn elwa o'n profiad a'n harbenigedd mewn gwyddoniaeth glinigol a gwyddor bywyd, ymchwil, hyfforddiant ac ymarfer, gan eich helpu i ddatblygu eich ymarfer fferyllol, gwyddonol a'ch gwybodaeth. 

Y cryfderau hyn a'r gydnabyddiaeth o'r angen am drylwyredd a dealltwriaeth wyddonol, ynghyd â ffocws cryf ar ofal a chanlyniadau cleifion, sy'n caniatáu i'r Ysgol Feddygaeth ddatblygu gweithwyr gofal iechyd proffesiynol o ansawdd uchel i ddiwallu anghenion cyflogwyr a chleifion fel ei gilydd.

Eich Profiad Fferylliaeth yn Abertawe

Trwy gydol eich cwrs bydd gennych lefel uchel o gyswllt clinigol strwythuredig, darlithoedd ac addysgu mewn labordy. Rydym yn addysgu ar draws 7 thema fras: 

  1. Fferylliaeth
  2. Cemeg Fferyllol
  3. Ffarmacoleg a Therapiwteg 
  4. Biowyddoniaeth Gellog a Moleciwlaidd
  5. Bioleg Ddynol
  6. Fferylliaeth Glinigol
  7. Ymarfer Fferylliaeth

Cyd-blethir y themau yma i adlewyrchu sut mae egwyddorion gwyddonol yn integreiddio â gofal fferyllol modern, tra bod elfenau o ymarfer rhagnodol yn ffurfio sylfaen pob blwyddyn o’r cwrs.

Cyfleoedd Cyflogaeth mewn Fferylliaeth

Fel fferyllydd, bydd yna amrywiaeth o swyddi gofal iechyd ar gael i chi fel aelod gwerthfawr o'r tîm clinigol, yn amrywio o bractis clinigol o fewn ysbytai, fferyllfeydd cymunedol a meddygfeydd, i fferylliaeth ddiwydiannol a’r byd academaidd.

Mae'r cyflog cychwynnol ar gyfer fferyllwyr newydd gymhwyso a gyflogir gan y GIG yn fwy na £35,000 a gall hwn godi i £43,000-£60,000 ar ôl 10 mlynedd. Mae'r cyflog cychwynnol ar gyfer fferyllwyr newydd gymhwyso mewn fferylliaeth gymunedol yn gallu bod mor uchel â £50,000.

Mae rhagor o wybodaeth am lwybrau gyrfa ar gyfer Fferyllwyr ar gael gan y Gymdeithas Fferylliaeth Frenhinol.

Gallwch ddod o hyd i ragor o wybodaeth am ein graddau Fferylliaeth trwy fynd i'n Hysbysiad Hwylus.

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Cynnig Nodweddiadol Safon Uwch

ABB-BBB

Fferylliaeth