Iechyd Poblogaethau a'r Gwyddorau Meddygol gyda Blwyddyn Sylfaen, BSc (Anrh) / MSci (Anrh)

Bydd angen i ymgeiswyr gyflawni 96 o bwyntiau UCAS drwy ennill un o'r cymwysterau canlynol neu gymwysterau cyfwerth a gymeradwywyd gan Brifysgol Abertawe: 

• Cymwysterau Safon Uwch/Bagloriaeth Sgiliau Uwch Cymru: Isafswm o CCC. Mae Bioleg yn hanfodol. Mae ail bwnc perthnasol* yn ddymunol ond NID yw'n hanfodol.
• BTEC:O leiaf DMM. Mae proffil cadarn mewn Bioleg yn hanfodol. Mae proffil da mewn ail bwnc perthnasol* yn ddymunol ond NID yw'n hanfodol.
• Mynediad: Caiff ceisiadau eu hystyried fesul achos. 
• Tystysgrif Gadael Iwerddon: Caiff ceisiadau eu hystyried fesul achos. 
• Arholiadau Uwch yr Alban: Caiff ceisiadau eu hystyried fesul achos.
• Bagloriaeth Ryngwladol: Isafswm sgôr o 26. Mae Bioleg Lefel Uwch ar Radd 4 neu'n uwch yn hanfodol. Mae ail bwnc perthnasol* Lefel Uwch ar Radd 4 neu'n uwch yn ddymunol ond NID yw'n hanfodol.
• Lefelau T: Rydym yn croesawu ymgeiswyr â lefelau T. Bydd ymgeiswyr yn cael eu hasesu fesul achos.

Yn ogystal ag un o'r mathau o gymhwyster uchod, mae gofyn i bob ymgeisydd feddu ar y canlynol: 

• TGAU: Saesneg a Mathemateg gydag o leiaf Radd C yng Nghymru (Lloegr cyn 2017) neu Radd 4 (Lloegr wedi 2017)**
• IELTS:0 (neu gyfwerth) a heb fod yn llai na 5.5 ym mhob cydran.
• SWELT: Caiff ceisiadau eu hystyried fesul achos.

I'r ymgeiswyr hynny nad Saesneg yw eu hiaith gyntaf, mae'n ofynnol iddynt ennill:  

Yn rhagori ar y gofynion hyn?

Os yw'r cwrs hwn o ddiddordeb i chi ond rydych wedi rhagori ar y cymwysterau mynediad gofynnol i ymuno â'n rhaglen Sylfaen, beth am ystyried ein BSc neu ein MSci yn y Gwyddorau Meddygol ac Iechyd Poblogaethau? 

*Mae pynciau perthnasol yn cynnwys; Cemeg, Economeg, Daearyddiaeth, Iechyd a Gofal Cymdeithasol, Hanes, Mathemateg, Athroniaeth, Ffiseg, Gwleidyddiaeth, Seicoleg, Cymdeithaseg

**Ar gyfer y myfyrwyr hynny sy'n dilyn y Llwybr i Feddygaeth, mae'r gofynion TGAU hyn yn ofynnol ar gyfer y rhaglen Meddygaeth i Raddedigion  

Yn ystod pob blwyddyn o'ch gradd israddedig, bydd yn rhaid i chi astudio 120 credyd, sy’n cynnwys modiwlau gorfodol a dewisol. Mae ein hymagwedd at ddysgu'n annog sgiliau dadansoddi, ymchwilio a chyfathrebu ardderchog, gan gynnwys darlithoedd, seminarau, dysgu annibynnol a gweithio mewn grwpiau bach. I gwblhau'r radd MSci gyfwerth, byddwch yn ymgymryd â phrosiect ymchwil ychwanegol yn ystod eich pumed flwyddyn.

Yn ystod eich astudiaethau, byddwch hefyd yn adeiladu ar eich gwybodaeth ac yn canolbwyntio ar un o'r tri llinyn cyflogadwyedd gwyddor feddygol: Ymchwil Feddygol, Mentergarwch ac Arloesi a Gwyddor Feddygol ar Waith.

Rydym yn falch o gynnig profiad addysgol rhagorol, gan ddefnyddio'r ymagweddau dysgu ac addysgu mwyaf effeithiol, sydd wedi cael eu teilwra'n ofalus i gydweddu ag anghenion penodol eich cwrs. Addysgir ein cyrsiau wyneb yn wyneb, ar y campws, sy’n eich galluogi i ymgysylltu'n llawn â'ch darlithwyr a'ch cyd-fyfyrwyr.

Cynhelir sesiynau sgiliau ymarferol, seminarau gwaith labordy a gweithdai gan amlaf ar ffurf wyneb yn wyneb, gan hwyluso gweithio mewn grwpiau ac arddangosiadau. Rydym hefyd yn gweithredu labordai rhithwir ac amgylcheddau dysgu efelychiadol a fydd yn hwyluso mynediad gwell at gyfleoedd hyfforddi yn y dyfodol. Fodd bynnag, mae ein hymagwedd hefyd yn cynnwys rhywfaint o ddysgu ar-lein;  a bwriedir i’r gwaith dysgu ar-lein hwn ategu ein darpariaeth wyneb yn wyneb yn unig - nid yw'n disodli ein gwaith dysgu wyneb yn wyneb hanfodol ar y campws.

Mae recordio darlithoedd hefyd yn cynnig mwy o hyblygrwydd o ran ailedrych ar ddeunydd, adolygu ar gyfer asesiadau a gwella’ch dysgu y tu allan i'r ystafell ddosbarth. Mae gan rai modiwlau adnoddau ychwanegol yn Canvas, megis fideos, sleidiau a chwisiau sy'n cynnig rhagor o hyblygrwydd wrth astudio.  

Efallai bydd y cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth cyfrwng Cymraeg sydd ar gael, gweler yr ehangydd Darpariaeth Gymraeg isod.

O leiaf 80 credyd

Mae'n bosib astudio 80 credyd neu fwy o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
• Tiwtor Personol Cymraeg ei iaith.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Addysgir myfyrwyr Gwyddorau Meddygol ac Iechyd Poblogaethau gan ystod o ymchwilwyr o’r radd flaenaf  yn yr Ysgol Feddygaeth, gan roi ichi fynediad heb ei ail i addysgu ynghylch ein hymchwil Iechyd Poblogaethau ddiweddaraf.

Y prif staff addysgu ar gyfer y rhaglen Gwyddorau Meddygol ac Iechyd Poblogaethau yw:

• Cyfarwyddwr y Rhaglen: Dr Louise Cleobury
• Uwch-ddarlithydd: Dr Becky Thomas
• Cyfarwyddwr Cwrs ar gyfer blwyddyn sylfaen: Athro Jess Fletcher
• Tiwtor Derbyn: Dr Jess Fletcher

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr UE/Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mentor Academaidd Personol:

Bydd Mentor Academaidd yn cael ei benodi i chi o blith staff academaidd cymwys yn yr Ysgol Feddygaeth, neu efallai o blith staff clinigol o Fyrddau Iechyd yn achos y rhaglenni Meddygaeth i Raddedigion a Chydymaith Meddygol.

Mentoriaid Academaidd Personol yw eich pwynt cyswllt cyntaf wrth astudio yn yr Ysgol Feddygaeth a gallant ddarparu cymorth a chyngor ar amrywiaeth o faterion a allai effeithio ar eich lles, eich presenoldeb a'ch cynnydd addysgol. Hefyd, gall Mentoriaid Academaidd Personol eich helpu i gynllunio'ch datblygiad personol a rhoi cyngor ar yrfaoedd. Gall eich mentor hefyd eich cyfeirio at y gwasanaeth Lles a gwasanaethau cymorth eraill, fel y bo'n briodol.

Swyddog Bywyd Myfyrwyr:

Mae ein Swyddog Bywyd Myfyrwyr yn canolbwyntio ar gymorth i fyfyrwyr a nodi'r myfyrwyr hynny y gallai fod angen eu cyfeirio at wasanaethau yn y Brifysgol a'r tu hwnt iddi, yn ogystal â gweithio gyda'r myfyrwyr hyn i roi cynllun ar waith er mwyn rheoli eu lles.  Mae'r swyddog hwn wedi'i hyfforddi i nodi arwyddion o gam-drin domestig a throseddau casineb, hiraeth am gartref a phroblemau bugeiliol eraill.

Swyddfa Wybodaeth yr Ysgol Feddygaeth:

Mae ein tîm o weinyddwyr a chydlynwyr gwybodaeth myfyrwyr wrth law i roi cymorth gyda'ch ymholiadau academaidd a'ch cyfeirio at wasanaethau ychwanegol pan fydd angen.

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.