Academi Gofal Sylfaenol yr Ysgol Feddygaeth

• Arddangos dealltwriaeth o faterion iechyd penodol sy'n ymwneud â chleifion, gofalwyr a chymunedau mewn ardaloedd metropolitan nad oes ganddynt wasanaethau digonol ac ardaloedd gwledig ac anghysbell, gan gynnwys:
  • Cyflyrau cronig a hirdymor;
  • Cyflwyniad hwyr clefyd;
  • Trin cyflyrau acíwt a brys, gan gynnwys gofal cyn ysbyty;
  • Iechyd plant a mamolaeth;
  • Gofal henoed
  • Gofal lliniarol a therfynol
  • Effaith strwythurau cymunedol sy'n newid (e.e. mwyngloddion, ffermio, newidiadau demograffig)

• Arddangos ymwybyddiaeth o bolisïau a strategaethau lleol a chenedlaethol i fynd i'r afael â phroblemau mynediad, tegwch a gwella canlyniadau iechyd pobl sy'n byw ac yn gweithio mewn cymunedau gwledig ac anghysbell:
  • Esbonio'r sail resymegol ar gyfer darpariaeth gwasanaethau integredig presennol a newidiol i gefnogi unigolion a chymunedau mewn ardaloedd metropolitan nad oes ganddynt wasanaethau digonol ac ardaloedd gwledig ac anghysbell.
  • Meithrin cysylltiadau a rhwydweithiau cenedlaethol a rhyngwladol ym meysydd gofal sylfaenol a chymunedol
  • Tynnu o brofiad amrywiaeth o leoliadau a phrofiadau clinigol i adnabod cyfeiriad gyrfa yn y dyfodol.

Mae ein trac Academi Gofal Sylfaenol yn galluogi ein myfyrwyr i weithio mewn partneriaeth â myfyrwyr ac ymarferwyr Proffesiynol Perthynol i Iechyd i brofi dysgu o ansawdd uchel mewn lleoliad cymunedol.

Credwn fod hyn yn helpu ein myfyrwyr i wella eu dealltwriaeth o bwysigrwydd a natur werth chweil Ymarfer Cyffredinol a Gofal Sylfaenol.

Byddant hefyd yn cael gwir werthfawrogiad o bwysigrwydd ffactorau cymdeithasol sy'n cyfrannu at iechyd a salwch, a phwysigrwydd gweithio ar draws sefydliadau, i alluogi ein cleifion i gael y mynediad gorau posibl at wasanaethau iechyd a gofal, a'r canlyniadau iechyd gorau posibl.

Bydd hyd at 20 o fyfyrwyr yn gallu ymgymryd â dull dysgu'r Academi Gofal Sylfaenol.

Bydd eich trydedd flwyddyn yn yr Academi Gofal Sylfaenol yn disodli model traddodiadol lleoliadau arbenigol.

Er yr erys y deilliannau dysgu'r un peth, bydd gennych flwyddyn gyfan i'w cyflawni. Bydd hyn yn bosib oherwydd cyfleoedd dysgu a negodir (NLO) sy'n cynnwys amser a dreulir ym maes meddygaeth teulu, gofal cymunedol a gofal eilaidd.

Er y disgwyl i chi dreulio rhwng oddeutu 60% a 70% o'ch amser ym maes gofal sylfaenol, bydd gennych hefyd gyfle i archwilio gweithgareddau mewn ysbytai neu yn y gymuned ar sail eich anghenion dysgu a'ch meysydd diddordeb dynodedig eich hun. Caiff myfyrwyr eu hanfon i feddygfeydd teulu yng ngorllewin Cymru, fel unigolion neu mewn parau, a'n nod yw cyd-leoli grwpiau o fyfyrwyr.

Gwahoddir yr holl fyfyrwyr yn eu hail flwyddyn i fynegi diddordeb a rhoddir blaenoriaeth i'r myfyrwyr sy'n gallu dangos hunan-gymhelliad ac ymgymryd â dysgu hunangyfeiriedig.

Rhaid cyflawni'r canlynol er mwyn cwblhau'r lleoliad Gofal Sylfaenol yn foddhaol:

-          Presenoldeb digonol

-          Cwblhau'r holl ddeilliannau dysgu'n foddhaol

-          Gwerthusiad myfyriwr

-          Gwerthusiad lleoliad gwaith

-         Portffolio myfyriol: dogfennaeth ar-lein sy'n dangos eich dysgu yn ystod y lleoliad