Rheoli Busnes (Marchnata) gyda Blwyddyn Sylfaen, BSc (Anrh)

Mae clirio ar agor!

Gwnewch gais nawr
myfyrwyr yn gweithio gyda'i gilydd

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

A oes gennych ddiddordeb mewn marchnata digidol, hysbysebu ac ymddygiad defnyddwyr? A hoffech fod yn rhan o dîm marchnata mewn cwmni mawr?

Gallai'r cwrs gradd BSc Rheoli Busnes (Marchnata) gyda Blwyddyn Sylfaen ym Mhrifysgol Abertawe eich helpu i gyflawni hyn.

Os nad ydych wedi ennill y graddau angenrheidiol i gofrestru ar gyfer y cwrs BSc Rheoli Busnes (Marchnata), y cwrs BSc Rheoli Busnes (Marchnata) gyda Blwyddyn Sylfaen yw'r radd i chi.

Mae'r Flwyddyn Sylfaen yn ffordd ardderchog o feithrin y wybodaeth a'r sgiliau sydd eu hangen ym maes rheoli busnes a marchnata, cyn ymuno â myfyrwyr Blwyddyn 1 y cwrs gradd BSc Rheoli Busnes (Marchnata) yn yr Ysgol Reolaeth.

Yn ystod y cwrs pedair blynedd, byddwch yn astudio cymysgedd o fodiwlau busnes a marchnata sy'n amrywio o gynllunio busnes, ymgynghoriaeth rheoli a chyllid i farchnata rhyngwladol, ymchwil i'r farchnad a chynllunio marchnata strategol. Bydd y cyfuniad o fusnes a marchnata yn eich helpu i ddod yn farchnadwr masnachol sy'n meddu ar sgiliau y mae cyflogwyr yn rhoi llawer o werth arnynt.

Caiff y Flwyddyn Sylfaen ei haddysgu yn Y Coleg, sydd y drws nesaf i'r Ysgol Reolaeth. Ar ôl i chi gwblhau'r flwyddyn hon, byddwch yn symud i adeilad yr Ysgol Reolaeth am weddill eich astudiaethau.

Pam Rheoli Busnes (Marchnata) gyda Blwyddyn Sylfaen yn Abertawe?

  • Mae'r Ysgol Reolaeth wedi'i hachredu gan AACSB International, cymdeithas addysg fusnes fwyaf y byd, sy'n cysylltu ysgolion busnes, busnesau a dysgwyr, i greu'r genhedlaeth nesaf o arweinwyr gwych.
  • Wedi’i achredu gan gyrff cenedlaethol cydnabyddedig megis y corff marchnata proffesiynol arweiniol, y Sefydliad Marchnata Siartredig CIM
  • Teilwra eich cwrs i gyd-fynd â'ch diddordebau a'ch nodau gyrfa – dewiswch o ddetholiad enfawr o fodiwlau dewisol
  • Cewch gwybodaeth o'r byd go-iawn gan ein darlithwyr sydd â phrofiad mewn diwydiant a'r byd academaidd
  • Addysgir y Flwyddyn Sylfaen yn Y Coleg, adeilad â chyfleusterau o'r radd flaenaf ar Gampws y Bae
  • Caiff tair blynedd olaf y cwrs eu haddysgu yn adeilad gwerth £22 miliwn yr Ysgol Reolaeth, sydd y drws nesaf i'r Coleg ar Gampws y Bae
  • Mae'r Marchnata yn Prifysgol Abertawe Ymhlith y 50 gorau yn y Byd (QS World University Rankings by Subject 2025)

Eich Profiad Rheoli Busnes (Marchnata) gyda Blwyddyn Sylfaen

Mae'r cwrs BSc Rheoli Busnes (Marchnata) gyda Blwyddyn Sylfaen ym Mhrifysgol Abertawe yn gwrs gradd hyblyg sy'n rhoi cyfle i chi astudio dramor am flwyddyn neu weithio mewn diwydiant am flwyddyn. Gall hyn roi mantais gystadleuol wirioneddol i chi a bydd yn ehangu eich gorwelion pan ddaw'n amser chwilio am gyflogaeth.

Caiff eich blwyddyn gyntaf (y Flwyddyn Sylfaen) ei haddysgu yn Y Coleg, sydd y drws nesaf i'r Ysgol Reolaeth, a chaiff eich tair blynedd olaf eu haddysgu yn yr Ysgol Reolaeth ei hun.

Mae'n cwmpasu sylfaen busnes a rheoli, a hefyd yn canolbwyntio ar y ffordd y mae cwsmeriaid a busnesau'n rhyngweithio mewn marchnad fyd-eang, gan eich galluogi i astudio pynciau arbenigol fel ymddygiad defnyddwyr, cyfathrebu ar gyfer marchnata, ymchwil marchnata, metrigau marchnata a marchnata byd-eang.

Caiff yr addysgu ym Mhrifysgol Abertawe ei lywio'n rhannol gan ymchwil ac mae gan ein staff brofiad ymarferol o ddamcaniaeth ac ymarfer, sy'n golygu y gallwch gael budd o'u harbenigedd academaidd a'u gwybodaeth am y byd go iawn.

Yn ogystal â'ch paratoi ar gyfer gyrfa ym maes marchnata mewn sefydliad, rydym hefyd yn darparu gwasanaethau cymorth i'ch helpu i ddechrau eich busnes eich hun

Yn ystod eich amser gyda ni, bydd gennych fynediad llawn i'n stiwdios arloesol a'n cyfleusterau o'r radd flaenaf yn yr Ysgol Reolaeth i greu fideos a chynnwys digidol.

Cyfleoedd Cyflogaeth Rheoli Busnes (Marchnata) gyda Blwyddyn Sylfaen

Ar ôl graddio o Brifysgol Abertawe, byddwch mewn sefyllfa wych i sicrhau cyflogaeth sy'n llawn boddhad mewn unrhyw sefydliad a ddymunwch.

P'un ai gweithio i gwmnïau gorau'r byd neu ddod yn ymgynghorydd adnoddau dynol yw eich nod, mae'r radd hon yn eich gwneud yn ymgeisydd cryf am gyflogaeth. Gallai eich cam nesaf fod yn unrhyw un o'r rolau canlynol:

  • Rheolwr Marchnata
  • Ymgynghorydd Marchnata
  • Rheolwr Hysbysebu
  • Rheolwr Cysylltiadau Cyhoeddus
  • Rheolwr Busnes

Modiwlau

Bydd eich astudiaethau cynnar yn rhoi sylfaen gadarn i chi mewn cyfrifyddu, cyllid, marchnata, datblygu sgiliau personol a rheoli gweithrediadau. Yn ystod blynyddoedd diweddarach, gallwch roi ffocws i'ch astudiaethau drwy ddewis o blith gwahanol fodiwlau arbenigol yn unol â'ch dewis yrfa, fel a nodir isod.

Rheoli Busnes (Marchnata) gyda Blwyddyn Sylfaen