1. Hafan
  2. Y Brifysgol
  3. Astudio
  4. Llety
  5. Telerau ac Amodau - Cynnig i Fyfyrwyr Lleol

Telerau ac Amodau - Cynnig i Fyfyrwyr Lleol

Cynnig 1 Tymor (Medi – Rhagfyr 2025)

  1. Cymhwysedd 

    • Mae’r cynnig hwn ar gael i fyfyrwyr lleol yn unig (cyfeiriad cartref o fewn tua 40 munud o deithio i Brifysgol Abertawe, cod post SA). 
    • Rhaid i ymgeiswyr fod wedi cofrestru fel myfyrwyr Prifysgol Abertawe ar gyfer blwyddyn academaidd 2025/26.

  2. Hyd y Contract 

    • Mae’r contract ar gyfer cyfnod sefydlog o 13 wythnos (Medi–Rhagfyr 2025). 
    • Bydd dyddiadau dechrau a gorffen yn cael eu cadarnhau yn eich cynnig llety. 

  3. Rhent 

    • Rhent yw £150 yr wythnos. 
    • Rhaid gwneud pob taliad yn unol ag amserlenni talu safonol Gwasanaethau Preswyl Prifysgol Abertawe. 
    • Mae’r rhent yn cynnwys pob cyfleuster (nwy, trydan, dŵr, rhyngrwyd).

  4. Lleoliad y Llety 

    • Bydd ystafelloedd yn cael eu dyrannu naill ai ar Gampws y Bae neu yn True Swansea (Canol y Ddinas). 
    • Ni ellir gwarantu math na lleoliad yr ystafell ac fe'u dyrannir yn ôl disgresiwn Gwasanaethau Preswyl. 

  5. Sefydlu a Chyrraedd 

    • Rhaid i fyfyrwyr gwblhau’r sefydlu ar-lein cyn cyrraedd. 
    • Mae gweithdrefnau cyrraedd safonol yn berthnasol, gan gynnwys casglu allweddi a gwirio ID. 

  6. Dim Gadael yn Gynnar 

    • Contract tymor sefydlog yw hwn. 
    • Ni chaniateir i fyfyrwyr dynnu’n ôl yn gynnar na drosglwyddo i gytundeb llety arall yn ystod y cyfnod o 13 wythnos. 

  7. Diwedd y Denantiaeth 

    • Rhaid gadael yr ystafell erbyn y dyddiad terfynol a nodir yn y contract. 
    • Mae’r broses ymadael safonol yn berthnasol (archwiliadau ystafell, dychwelyd allweddi, gofynion glanhau a didyniadau os yn berthnasol). 

  8. Ymddygiad a Chyflwr 

    • Mae pob preswylydd yn ddarostyngedig i Reoliadau Gwasanaethau Preswyl Prifysgol Abertawe a Siarter Myfyrwyr y Brifysgol. 
    • Gall torri rheolau arwain at gamau disgyblu a/neu derfynu’r contract. 

  9. Amodau Eraill 

    • Mae’r cynnig hwn ar gyfer Medi–Rhagfyr 2025 yn unig ac ni ellir ei ymestyn y tu hwnt i’r cyfnod sefydlog. 
    • Rhaid i fyfyrwyr sydd eisiau aros mewn llety ar ôl Rhagfyr wneud cais ar wahân. 
    • Drwy dderbyn y contract hwn, mae myfyrwyr yn cytuno i gydymffurfio â holl delerau a pholisïau safonol y Gwasanaethau Preswyl. 

  10. Ceisiadau ar ôl 5 Medi 

    • Bydd ceisiadau ar gyfer y Cynnig Myfyriwr Lleol – 1 Tymor ar ôl 5 Medi 2025 yn cael eu hystyried yn amodol ar argaeledd. 
    • Mae Gwasanaethau Preswyl yn cadw’r hawl i gau’r cynnig unwaith y bydd pob lle wedi’i ddyrannu.