Mynd i'r afael â'r bwlch sgiliau cynyddol ar gyfer adfer a chadwraeth morol
Trosolwg o'r Cwrs
Mae Prifysgol Abertawe yn cyflwyno'r radd MSc gyntaf yn y byd mewn Adfer a Chadwraeth Morol; rhaglen unigryw a chyffrous dros 12 mis sy'n canolbwyntio ar addysgu i chi’r sgiliau i fynd i'r afael ag un o heriau amgylcheddol mwyaf ein hamser - adfer ecosystemau ein cefnforoedd.
Mae'r MSc hon mewn sefyllfa dda i ddiwallu angen byd-eang pwysig. Mae'r Cenhedloedd Unedig wedi nodi'r degawd hwn fel y degawd ar gyfer adfer ecosystemau, gyda llawer o fframweithiau cenedlaethol bellach yn amlygu'r angen dybryd am adfer cynefinoedd cefnforoedd, ac i genhedloedd fodloni’r nodau lleihau carbon. Mae'r rhaglen hefyd yn cydymffurfio'n hwylus â chynlluniau adfer a chadwraeth morol Llywodraeth Cymru a Llywodraeth y DU, gan sicrhau dyfodol cadarn i raddedigion.
Mae lleoliad glan môr y brifysgol yn creu labordy adfer byw ar eich stepen drws gyda chyfleusterau ymchwil rhagorol a llong ymchwil sy'n arbennig ar gyfer addysgu arfordirol ac ar y môr a dysgu arbrofol i roi i chi sgiliau craidd mewn adfer a chadwraeth morol. Byddwch yn gweithio gyda gwyddonwyr blaenllaw ar brosiectau megis adfer morwellt a morfeydd heli, gan ennill profiad cadwraeth gwerthfawr.
Yn un o gyfleusterau dyfrol mwyaf cynhwysfawr Ewrop, byddwch yn datblygu sgiliau hwsmonaeth ddyfrol ac ymchwil gymhwysol ar draws rhywogaethau sy'n sensitif o ran cadwraeth ac o bwys masnachol. Mae modiwlau'n cynnig cyfleoedd i astudio rhywogaethau dan fygythiad yn eu cynefinoedd naturiol, llunio cynlluniau gweithredu adfer rhywogaethau a chymryd rhan mewn mentrau cadwraeth forol. Byddwch hefyd yn cynnal gwaith ymchwil annibynnol ar bynciau adfer allweddol, gan wella eich arbenigedd mewn adfer a chadwraeth morol.
Gydag ymwybyddiaeth a chyllid byd-eang yn cynyddu ar gyfer adfer ecosystemau, mae'r MSc hon yn galluogi gwyddonwyr morol y dyfodol i feithrin y sgiliau a'r profiad i adfer a diogelu ein cefnforoedd ar gyfer cenedlaethau.
Pam Adfer a Chadwraeth Morol yn Abertawe?
Mae Prifysgol Abertawe mewn sefyllfa unigryw i arwain yn y maes hwn o ganlyniad i'r lleoliad, ei chyfleusterau a'i harbenigedd mewn adfer a chadwraeth morol. Mae ein lleoliad ar arfordir Cymru'n cynnig mynediad uniongyrchol at amgylcheddau morol ac arfordirol amrywiol, safleoedd cadwraeth ac adfer. Mae ein llong ymchwil a’n cyfleusterau o'r radd flaenaf ar gyfer hwsmonaeth ddyfrol gynaliadwy ac adfer morwellt yn cefnogi addysgu ac ymchwil, a bydd myfyrwyr yn cael eu haddysgu a'u goruchwylio gan ymchwilwyr o'r radd flaenaf mewn adfer a chadwraeth morol.
Mae Prifysgol Abertawe wedi cynnig rhaglen Bioleg y Môr am dros hanner can mlynedd, wedi'i chefnogi gan dîm rhyngddisgyblaethol o arbenigwyr. Mae'r adran wedi arwain prosiectau allweddol, gan gynnwys Handbook of the Marine Fauna of Northern Europe a chwarae rolau blaenllaw wrth gefnogi mentrau cyfathrebu gwyddonol pwysig (National Geographic Great Migrations, BBC Blue Planet) a bod yn arweinwyr byd-eang wrth ddeall symudiadau ecoleg fertebratau morol. Mae'r Biowyddorau hefyd yn gartref i'r cyfleusterau ymchwil ddyfrol rheoledig mwyaf yn Ewrop, y Ganolfan Ymchwil Ddyfrol Gynaliadwy (CSAR), sy'n cefnogi rhywogaethau sy'n sensitif o ran cadwraeth ac sy'n bwysig yn fasnachol drwy gynnal ymchwil i les, cyfoethogi, maeth a chynhyrchu larfaol.
Mae’r MSc hwn wedi cael ei chreu mewn ymateb uniongyrchol i'r angen brys am weithwyr proffesiynol ac ymchwilwyr hyfforddedig mewn cadwraeth ac adfer morol a rheoli adnoddau mewn ffordd gynaliadwy. Mae biolegwyr y môr ym Mhrifysgol Abertawe wedi bod ar flaen y gad o ran ymchwil ac arloesi mewn adfer morol. Maen nhw wedi arwain y rhaglen adfer morwellt fawr gyntaf o'i bath yn y DU, wedi datblygu canllawiau ar gyfer adfer morwellt ac yn arwain y ffordd wrth ddatblygu'r wyddoniaeth ar gyfer y pwnc hwn yn rhyngwladol. Nid yw'r gwaith hwn yn gyfyngedig i forwellt ac mae wedi cynnwys cyfraniadau o bwys at adfer morfeydd heli a'r wyddoniaeth sy'n sail i'r gwaith hwn yng Nghymru ac ymhellach i ffwrdd. Mae gwaith ymchwil i gefnogi adfer mangreoedd hefyd ar waith yn Y Gambia lle mae ein tîm yn gweithio gyda'r cymunedau lleol i wella cynefinoedd morol diraddiedig. O dan y diffiniad cyffredinol o adfer ecolegol ceir yr angen i ystyried adfer ecosystemau. Mae ein tîm yn cynnwys ymchwilwyr ar flaen y gad o ran mentrau cadwraeth forol i wella ac adfywio rhywogaethau a chynefinoedd morol presennol.
Mae ein cryfderau ymchwil yn cynnwys mentrau adfer ar gyfer cynefinoedd pwysig megis morwellt, riffiau wystrys a morfeydd heli, a datblygu sylfeini mathemategol a meintiol ar gyfer dad-ddofi tir. Mae Abertawe wedi sefydlu rhaglenni blaengar megis Prosiect Morwellt a’r Grŵp Fishbee, sy'n arwain ymchwil sy'n torri tir newydd ar adfer ecosystemau a chynaliadwyedd ecosystemau carbon glas. Mae'r arbenigedd hwn, ynghyd â'n cysylltiadau sefydledig â byd diwydiant a phartneriaid rheoleiddiol, yn gosod Abertawe fel arweinydd byd-eang o ran addysg cadwraeth ac adfer morol.
Mae Campws Parc Singleton yn cynnig labordai arbenigol ychwanegol, ystafelloedd cyfrifiadura a mannau ymchwil, tra mae dysgu yn y maes yn cael ei gyfoethogi drwy ddefnyddio llong ymchwil arfordirol y brifysgol, y Mary Anning, sy'n eich galluogi i gynnal arolygon ar y môr, asesu cynefinoedd a monitro rhywogaethau.
Byddwch yn astudio yn ein Hadran y Biowyddorau, sy'n cael ei chydnabod yn rhyngwladol am ei gwaith ymchwil, a rhestru fel a ganlyn:
Ymysg y 301-350 o raglenni gorau o'i bath yn y byd (Tabl Prifysgolion y Byd QS 2024), a
100% o'n gwaith ymchwil o safon fyd-eang ac yn rhagorol yn rhyngwladol (REF 2021), a
Chydnabyddir bod 97% o'n hallbynnau ymchwil yn arwain y ffordd yn fyd-eang ac yn rhagorol yn rhyngwladol (REF 2021)
Eich Profiad Cadwraeth ac Adfer Morol
Mae'r rhaglen hon yn pwysleisio dysgu rhyngweithiol ac ymarferol drwy waith maes a phrosiectau labordy, gan eich annog i feithrin sgiliau allweddol sy'n eich galluogi chi i fynd i'r afael â heriau adfer a chadwraeth morol go iawn.
Mae'r sgiliau sydd eu hangen ar gyfer rhaglenni adfer a chadwraeth llwyddiannus wedi cael eu hadolygu a'u cynnwys yn y cwrs MSc, er enghraifft hwsmonaeth anifeiliaid, meithrin larfaol, mapio cynefinoedd a monitro a modelu amgylcheddol gyda GIS, arolygon maes, asesiadau o'r Rhestr Goch, cynlluniau gweithredu i adfer rhywogaethau, ystadegau a dylunio arbrofol, ysgrifennu a chyfathrebu gwyddonol. Er bod llawer o sgiliau allweddol yn rhan o raglenni gradd cyfan, rydym yn galluogi myfyrwyr i feithrin gafael cryf ar themâu o bwys a'u heffaith ar adfer a chadwraeth.
Yn ogystal, byddwch hefyd yn meithrin arbenigedd hanfodol ym meysydd cadwraeth ac adfer drwy ddefnyddio technegau asesu a gydnabyddir yn rhyngwladol (e.e Rhestr Goch o Rywogaethau dan Fygythiad yr Undeb Rhyngwladol dros Gadwraeth Natur (IUC), cyfrannu at waith maes sy'n canolbwyntio ar gynllunio cadwraeth mewn amgylcheddau morol trofannol neu fwyn, ac ymgymryd â gwaith maes adfer mewn ecosystemau mwyn.
Bydd mentora academaidd rheolaidd, sesiynau datblygu gyrfa a digwyddiadau rhwydweithio â gweithwyr proffesiynol y diwydiant yn sicrhau eich bod yn cael eich cefnogi'n academaidd ac yn broffesiynol.
Drwy gydol y rhaglen hon, byddwch yn:
Arwain y ffordd mewn cadwraeth forol. Dysgu technegau adfer a chadwraeth sydd ar flaen y gad, o ailadeiladu dolydd morwellt i adfer morfeydd heli ac ailadeiladu poblogaethau o bysgod.
Cael profiad ymarferol. Cymryd rhan mewn gwaith maes, ymchwil mewn labordai a llunio rhaglenni adfer rhywogaethau, gan ennill sgiliau go iawn y mae cyflogwyr yn eu gwerthfawrogi.
Gallu gwerthuso ffynonellau gwyddonol i wneud penderfyniadau ar gadwraeth sy'n seiliedig ar dystiolaeth.
Rhoi gwyddoniaeth ar waith. Deall sut mae adfer yn cyd-fynd â mentrau byd-eang o bwys, megis Degawd y CU ar Adfer Ecosystemau a Chyfraith Adfer yr UE.
Adeiladu gyrfa ag effaith. Paratoi am rolau cyffrous mewn sector sy'n tyfu'n gyflym.
Cyfleoedd Cyflogaeth mewn Adfer a Chadwraeth Morol
Mae newidiadau mewn polisi a mentrau ariannu byd-eang yn cynyddu'r angen yn gyflym am wyddonwyr cadwraeth ac adfer hyfforddedig, gyda biliynau o bunnoedd yn cael eu haddo gan lywodraethau i ddiogelu ein cynefinoedd.
Ar ben hyn, wrth i lywodraeth y DU symud tuag at weithredu ei gofynion budd net morol, ac wrth i Lywodraeth Cymru arwain ymdrechion yn y maes, gan gynnwys Cynllun Gweithredu Morwellt cenedlaethol cyntaf y byd, bydd y galw am wyddonwyr adfer medrus ond yn cynyddu.
Nod yr MSc mewn Adfer a Chadwraeth Morol yw eich datblygu i fod yn fyfyriwr graddedig hynod fedrus ac entrepreneuraidd sy'n gallu addasu, sy'n barod i fynd i'r afael â heriau adfer a chadw ecosystemau morol, a manteisio ar y cyfleoedd cyflogaeth cyffrous a buddiol sy'n cael eu cynnig yn y maes.
Drwy gyfuno arbenigedd gwyddonol, arloesedd, arweinyddiaeth a gallu proffesiynol, byddwch wedi'ch paratoi’n dda am yrfaoedd yn y maes hwn sy'n datblygu'n gyflym. Mae cyfleoedd cyflogaeth posibl i raddedigion yn cynnwys y canlynol:
Sefydliadau Cadwraeth ac Amgylcheddol
Cyrff Anllywodraethol Rhyngwladol (WWF, The Nature Conservancy, Project Seagrass, a Conservation International)
Elusennau Cadwraeth Forol (Marine Conservation Society, Blue Marine Foundation)
Prosiectau Adfer Arfordirol a Morol ledled y byd
Rolau mewn Llywodraeth a Pholisi
Cyrff Llywodraeth y DU (DEFRA, Natural England, Marine Management Organisation)
Llywodraeth Cymru (Cyfoeth Naturiol Cymru, Rolau mewn Polisi Morol a Chynaliadwyedd)
Y Comisiwn Ewropeaidd a Chyrff Rheoleiddiol Rhyngwladol (UNEP, IUCN, IPBES)
Asiantaethau Rheoli a Gorfodi Ardaloedd Morol Gwarchodedig
Ymgynghoriaeth Amgylcheddol a Morol
Asesiadau o Effaith Amgylcheddol ac Ymgynghoriaethau Adfer Ecolegol (CEFAS, APEM, Grŵp RPS)
Ymgynghoriaeth Hinsawdd a Charbon Glas (Yr Ymddiriedolaeth Garbon, Cwmnïau Ymgynghori ar Gynaliadwyedd)
Rheoli Pysgodfeydd a Rolau Ymgynghori ar Adnoddau Morol
Ymchwil a'r Byd Academaidd
PhD a swyddi ymchwil mewn cadwraeth, adfer morol a Gwyddoniaeth Carbon Glas
Rolau mewn Prifysgolion a Sefydliadau Ymchwil (Y Ganolfan ar gyfer Ymchwil Ddyfrol Gynaliadwy, Labordy Morol Plymouth)
Rolau Cyfathrebu Gwyddonol ac Ymgysylltu â'r Cyhoedd
Rolau yn y Farchnad Credydau Carbon a Bioamrywiaeth sy'n gysylltiedig ag Ariannu Adfer Morol
Modiwlau
Drwy gydol y rhaglen, byddwch yn astudio 180 o gredydau, sy'n cynnwys chwe modiwl 20 credyd a addysgir (pedwar gorfodol a dau dewisol), gyda phrosiect ymchwil unigryw 60 credyd i gloi rhwng mis Mehefin a mis Medi.
Modiwlau
Blwyddyn 1 (Lefel 7T)
FHEQ 7 Taught Masters / PGDip / PGCert
Mae myfyrwyr yn dewis 120 o gredydau o'r opsiynau canlynol:
Nodyn ar gyfer ymgeiswyr rhyngwladol ac Ewropeaidd:
gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.
Yn ddelfrydol, bydd gan ymgeiswyr radd israddedig 2:2 (gyda chyfartaledd o 55%) neu gyfwerth, mewn disgyblaeth gysylltiedig.
Os nad Saesneg yw eich iaith gyntaf, bydd angen marc llwyddo derbyniol arnoch mewn cymhwyster iaith Saesneg cymeradwy megis prawf IELTS (â sgôr gyffredinol o 6.5 neu’n uwch ac o leiaf 6.0 ym mhob elfen).
Caiff myfyrwyr eu haddysgu gan ymchwilwyr blaenllaw, sy'n rhan weithgar o brosiectau adfer a chadwraeth morol, gan sicrhau eich bod yn gallu dysgu gan arbenigwyr yn y maes hwn. Drwy brosiectau ymchwil annibynnol a grŵp, byddwch yn archwilio materion allweddol megis adfer rhywogaethau, adfer ecosystemau a pholisi cadwraeth.
Rhoddir pwyslais mawr ar ddysgu arbrofol ac yn y maes, gan gydnabod bod adfer morol yn ymarferol ei natur a rhaid ei gymhwyso yn y byd go iawn. Byddwch yn rhan o gyrsiau maes ymdrochol ar draws amgylcheddau amrywiol, gan roi technegau adfer ar waith mewn ecosystemau arfordirol, aberoedd ac alltraeth.
Bydd cydweithio â phartneriaid diwydiannol, cyrff anllywodraethol ac asiantaethau llywodraeth yn rhoi profiad i chi o brosiectau cadwraeth. Mae hyn yn eich galluogi i gyfrannu at adfer cynefinoedd morol, drwy roi damcaniaeth a ddysgwyd ar waith, ac ennill profiad ymarferol amhrisiadwy.
Mae'r rhaglen hefyd yn sicrhau eich bod yn datblygu sgiliau digidol hanfodol. Bydd cael hyfforddiant mewn System Gwybodaeth Ddaearyddol gyda'r potensial i ddefnyddio data synhwyro o bell yn eich galluogi i ddadansoddi a delweddu data cadwraeth. Yn ogystal, bydd gweithdai'n eich cyflwyno i ddefnyddio data mawr wrth gynllunio cadwraeth.
Mae ein prosiectau grŵp rhyngddisgyblaethol yn eich galluogi i lunio a chyflwyno strategaethau adfer i randdeiliaid. Bydd efelychu polisi a llywodraethu morol yn datblygu ymhellach eich gallu i amgyffred fframweithiau rheoleiddio, tra bydd prif brosiect cadwraeth yn eich galluogi i ddylunio, gweithredu a gwerthuso eich mentrau adfer eich hun.
Mae'r rhaglen hefyd yn cynnig cyfleoedd am fentora a rhwydweithio yn y diwydiant, gan gynnwys darlithoedd gwadd gan weithwyr proffesiynol blaenllaw. Mae lleoliadau gwaith ac interniaethau'n cynnig profiad ymarferol, gan eich galluogi i gymhwyso eich dysgu a meithrin cysylltiadau allweddol.
Yn anffodus, does dim darpariaeth cyfrwng Cymraeg ffurfiol ar y cwrs hwn ar
hyn o bryd. Os hoffet ti roi gwybod i ni bod gennyt ddiddordeb mewn dilyn elfen
o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny
gan nodi'r flwyddyn mynediad ac fe wnawn ein gorau i weld beth sy'n bosib.
Er nad yw'r cwrs hwn yn darparu cynnwys academaidd trwy'r Gymraeg ar hyn o
bryd, mae'r Brifysgol yn gallu darparu'r canlynol ar dy gyfer, ac mae
cefnogaeth ar gael i ti trwy Academi Hywel
Teifi:
Cyfweliad trwy gyfrwng y Gymraeg wrth wneud cais am le.
Gohebiaeth bersonol yn Gymraeg, yn Saesneg neu'n ddwyieithog.
Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
Tiwtor Personol Cymraeg ei iaith.
Cefnogaeth un i un i wella dy sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
Cewch eich addysgu gan ddarlithwyr o’r radd flaenaf sy’n ymchwilwyr brwd. Mae eu gweithgareddau ymchwil mewn meysydd megis cadwraeth amgylcheddol, adfer morol, cadwraeth gymhwysol, mudo oherwydd newid yn yr hinsawdd a monitro rhywogaethau, yn helpu i newid y byd er gwell.
Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.
Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Efallai y byddwch yn gymwys i gael arian i helpu i gefnogi eich astudiaethau.
I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.
Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Mae’n bosib eich bod yn gymwys i gael cymorth ariannol tuag at eich astudiaethau.
Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau.
I gael mwy o wybodaeth, ewch i'n tudalen benthyciadau Ôl-raddedig.
I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen
ysgoloriaethau a bwrsariaethau'r Brifysgol.
Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog.
I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi
Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.
Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):
Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio
Gwaith Maes: mae'r holl gostau wedi'u talu ar gyfer gwaith maes drwy gydol y modiwlau a addysgir yn y DU. Wrth gymryd rhan mewn cyrsiau maes rhyngwladol, bydd angen i chi dalu am gostau teithio a llety ac unrhyw fisâu ac imiwneiddiadau sydd eu hangen. Dangosir amcan o'r costau yn nisgrifiadau'r modiwlau.
Sylwer y bydd angen i chi ddarparu eich cyfarpar personol arbenigol eich hun sy’n briodol ar gyfer cyrchfan y cwrs maes e.e. snorcel, ysbienddrychau.
Gall fod costau ychwanegol ar gyfer eich prosiect ymchwil, gan ddibynnu ar yr hyn rydych am ei astudio.
Yn ogystal â chymorth pwnc penodol gan staff addysgu'r coleg a'ch tiwtor
personol, mae'r
Ganolfan Llwyddiant Academaidd yn darparu cyrsiau, gweithdai a chymorth un-i-un mewn
meysydd fel:
Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)
Yn ogystal, os oes gennych Anhawster Dysgu Penodol (ADP/SpLD), anabledd,
cyflwr iechyd meddwl neu gyflwr meddygol, mae gan y Ganolfan Llwyddiant
Academaidd Diwtoriaid Arbenigol i gefnogi'ch dysgu. Bydd y tiwtoriaid yn
gweithio ochr yn ochr â'r Swyddfa Anabledd
a'r Gwasanaeth Lles i gefnogi eich holl anghenion a
gofynion tra byddwch yn astudio ym Mhrifysgol Abertawe.
Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer
cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae
rhagor o wybodaeth ar gael ar ein tudalen we Dyddiadau
cau ar gyfer cyflwyno cais.
