Bydd y rhaglen Fesitr yn cyflwyno safbwyntiau cymdeithasol a diwylliannol ar faterion amgylcheddol a newidiadau byd-eang ar droed yn y byd o'n cwmpas. Gan gynnig ystod o ymagweddau beirniadol a dulliau ymchwil o faes daearyddiaeth dynol ynghyd â’r gwyddorau cymdeithasol, byddwn yn dysgu sut mae ymdrin â nifer o argyfyngau trawsbynciol, gan gynnwys mudo a newid hinsawdd, diogelwch dynol ac anghydraddoldeb byd-eang.
Mae'r rhaglen yn cynnig llwybr i astudio dynameg gymdeithasol a diwylliannol heriau byd-eang dybryd (e.e. newid yn yr hinsawdd, newidiadau gwleidyddol, trefoli, anghydraddoldebau). Mae'n addas i fyfyrwyr sydd ar fin graddio neu sydd wedi ennill gradd mewn pwnc perthynol yn ddiweddar. Mae'n addas hefyd ar gyfer myfyrwyr aeddfed sydd â phrofiad proffesiynol, ac sy'n awyddus i ehangu eu gwybodaeth a'u dealltwriaeth o faterion y byd go iawn.
"Roedd dod i Abertawe o Alabama braidd yn frawychus yn bendant ac yn naid ffydd, ond mae'r Adran Ddaearyddiaeth yma - a'm hathrawon a'm cyfoedion ar fy nghwrs - wedi gwneud i mi deimlo bod croeso mawr i mi. Rydw i wedi mwynhau dysgu am y damcaniaethau a'r dadleuon amlycaf ym maes Daearyddiaeth Ddynol, yn enwedig o ran newid yn yr hinsawdd. Mae hi wedi bod yn heriol, ond yn foddhaus, i symud fy meddylfryd o gefndir gwyddoniaeth daear i gwrs sy'n archwilio newidiadau ac argyfyngau byd-eang gan ddefnyddio offer sy'n amrywio o ddaearyddiaeth ddynol i GIS i'r gwyddorau cymdeithasol."
Taith gerdded i astudio cyfiawnder hinsawdd, hiliol a chymdeithasol yn Abertawe. Arweiniwyd gan artist Owen Griffiths, cyfarwyddydd Ways of Working. Gweler mwy o luniau yma.
Bydd graddedigion yn mynd i weithio mewn gyrfaoedd gyda'r gweithlu sifil, sefydliadau rhyngwladol anllywodraethol, y sector wirfoddol, sefydliadau trafod polisi a'r cyfryngau, ac mewn meysydd gan gynnwys ymchwil cymdeithasol, cynaladwyedd, yr amgylchedd, anghydraddoldeb, addysg ac adfywiad dinesig.
