Astudiaethau Cydymaith Meddygol, MPAS

I wneud cais ar gyfer y rhaglen hon, rhaid eich bod chi wedi cyflawni'r canlynol erbyn i chi wneud cais:

• O leiaf radd C mewn TGAU Mathemateg
• O leiaf radd C mewn TGAU Cymraeg/Saesneg

AC wedi cyflawni (neu disgwylir i chi gyflawni) o leiaf un o'r canlynol:

• 2:2 mewn gradd Baglor israddedig neu radd Meistr integredig mewn pwnc gofal iechyd neu'r biowyddorau (enghreifftiau isod), neu
• 2:1 mewn gradd Baglor israddedig neu radd Meistr integredig mewn pwnc ar wahân i ofal iechyd neu’r biowyddorau, gyda phrofiad gwaith perthnasol ac arddangos gwerthoedd yn unol â chyfansoddiad y GIG. Caiff ceisiadau eu hystyried ar sail unigol.

Mae enghreifftiau o raddau gofal iechyd a'r biowyddorau perthnasol yn cynnwys:

• Gwyddorau Bywyd: Anatomeg, Bioleg, Ffisioleg, Bioleg Ddynol, Niwrowyddoniaeth, Ffisioleg, Seicoleg, Gwyddor Fiolegol, Microbioleg

• Gofal iechyd: Ffisiotherapi, Delweddu Diagnostig; Radiotherapi, Astudiaethau Parafeddygol, Awdioleg, Deintyddiaeth, Ymarfer yn yr Adran Lawdriniaeth, Optometreg, Bydwreigiaeth

• Gwyddorau Biofeddygol: Gwyddor Fiofeddygol, Gwyddorau Meddygol Cymhwysol, Fferylliaeth, Gwyddor Fferyllol, Cemeg Feddyginiaethol, Biocemeg, Peirianneg Feddygol, Peirianneg Fiofeddygol, Geneteg Feddygol

*os ydych yn aros am ganlyniad gradd i ategu eich cais, rhaid ei gadarnhau erbyn 31 Gorffennaf fan bellaf yn y flwyddyn y bwriedir cofrestru. Caiff cynigion sy'n amodol ar ganlyniadau gradd eu tynnu'n ôl os nad yw'r canlyniad wedi'i gadarnhau ar ôl y dyddiad hwn.

Cofrestru cydamserol

Nid yw rheoliadau'r Brifysgol yn caniatáu i fyfyrwyr fod wedi’u cofrestru ar y rhaglen Astudiaethau Cydymaith Meddygol ac ar unrhyw raglen arall sy'n cynnig dyfarniad ar yr un pryd, boed yn y brifysgol hon neu mewn unrhyw brifysgol arall. Rhaid i bob rhaglen radd arall gael ei chwblhau cyn cofrestru ar y rhaglen hon.

Astudio blaenorol

Nid yw'r rhaglen hon ar gael i ymgeiswyr sydd wedi astudio ar raglen Astudiaethau Cydymaith Meddygol (yn llawn neu'n rhannol) o'r blaen, ac ni chaniateir trosglwyddo o raglenni Astudiaethau Cydymaith Meddygol eraill.

Nid ydym yn ystyried ceisiadau gan fyfyrwyr sydd wedi dechrau rhaglen Astudiaethau Cydymaith Meddygol, neu raglen sy'n ymwneud ag iechyd, o’r blaen ac sydd heb barhau ar y rhaglen oherwydd methiant academaidd, neu faterion addasrwydd i ymarfer neu broffesiynoldeb. Os yw ymgeisydd wedi gadael rhaglen flaenorol am resymau eraill, gallwn ystyried y cais ar sail ei rinweddau unigol. Rhaid darparu tystiolaeth gan y sefydliad addysg uwch blaenorol i gefnogi'r cais.

Cymhwysedd ar gyfer bwrsariaethau

Mae'r rhaglen MSc Astudiaethau Cydymaith Meddygol yn gyfyngedig i ymgeiswyr o'r DU/UE sy'n gymwys ar gyfer cyllid Bwrsariaeth y GIG. Mae gwybodaeth am sut i gadarnhau eich bod yn gymwys i'w gweld ar dudalen Asesiad Statws Ffioedd y Brifysgol. Mae gwybodaeth am Fwrsariaeth y GIG i'w gweld yma.

Rydyn ni'n falch o gynnig profiad addysgol rhagorol, gan ddefnyddio'r ymagweddau dysgu ac addysgu mwyaf effeithiol, sydd wedi cael eu teilwra'n ofalus i gydweddu ag anghenion penodol eich cwrs. Ar wahân i nifer fach o gyrsiau ar-lein yn unig, mae'r rhan fwyaf o'n cyrsiau yn cynnwys addysgu wyneb yn wyneb ar y campws, gan eich galluogi chi i ryngweithio’n llawn â'ch darlithwyr a'ch cyd-fyfyrwyr.

Cynhelir sesiynau sgiliau ymarferol, seminarau gwaith mewn labordai, a gweithdai sydd gan amlaf ar ffurf wyneb yn wyneb, gan alluogi gweithio mewn grwpiau, ac arddangosiadau. Rydyn ni hefyd yn gweithredu labordai rhithwir ac amgylcheddau dysgu efelychol a fydd yn galluogi myfyrwyr i achub ar gyfleoedd hyfforddiant yn y dyfodol. Fodd bynnag, mae ein hymagwedd hefyd yn cynnwys rhywfaint o ddysgu  ar-lein i ategu ac atgyfnerthu addysgu wyneb yn wyneb traddodiadol. 

Gellir cynnal dysgu ar-lein 'yn fyw' drwy ddefnyddio meddalwedd megis Zoom, gan eich galluogi i ryngweithio â'r darlithydd a'r myfyrwyr eraill ac i ofyn cwestiynau. Mae recordiadau o ddarlithoedd hefyd yn caniatáu am fwy o hyblygrwydd i ail-ymweld â deunyddiau, adolygu ar gyfer asesiadau ac atgyfnerthu dysgu y tu allan i'r ystafell ddosbarth. Mae gan rai modiwlau adnoddau ychwanegol yn Canvas, megis fideos, sleidiau a chwisiau sy'n galluogi rhagor o hyblygrwydd wrth astudio.  

Defnyddir amrywiaeth o ddulliau addysgu i gyflwyno sesiynau gan gynnwys ond heb fod yn gyfyngedig i ddarlithoedd, gwaith grŵp bach, labordy sgiliau clinigol ac efelychu. Mae lleoliadau clinigol yn rhan sylweddol o'r rhaglen sy'n darparu cyfleoedd dysgu rhagorol sy'n eich galluogi i gysylltu theori ag ymarfer. Mae lleoliadau ledled Cymru.

Byddwch yn cael eich asesu ar draws dwy flynedd y rhaglen gan ddefnyddio gwahanol ddulliau asesu; Profion Cynnydd, cyflwyniadau, traethodau, ac arholiad clinigol strwythuredig gwrthrychol (OSCE) ar y we ac e-ddysgu. Drwy gydol eich gradd, bydd y pwyslais ar sgiliau ymarferol yn ogystal â dadansoddol.

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Bydd myfyrwyr Astudiaethau Cydymaith Meddygol yn cael eu haddysgu gan ystod o feddygon cyswllt cymwys, meddygon, gweithwyr gofal iechyd proffesiynol eraill ac ymchwilwyr blaenllaw yn yr Ysgol Feddygaeth, gan roi mynediad heb ei ail i chi at addysgu ein hymchwil feddygol ddiweddaraf.

Y prif staff sy’n cefnogi cwrs Cydymaith Meddygol MPAS yw:

• Cyfarwyddwyr Rhaglen: Professor. Jeannie Watkins, PA-R
• Dirprwy Gyfarwyddwyr Rhaglen:
  • Dr Sharon Hartwell
  • Andrew Leckie, PA-R

Arweinwyr Modiwl

• Sgiliau Clinigol: Dr Sharon Hartwell
• Sylfeini mewn Meddygaeth Glinigol: Andrew Leckie PA-R
• Moeseg a'r Gyfraith: Angela Smith
• Ymchwil ac Ymarfer Seiliedig ar Dystiolaeth: Jeannie Watkins, PA-R
• Lleoliadau: Andrew Leckie, PA-R

Arweinwyr Eraill

• Sgiliau Trefniadol, Hyfforddiant Gorfodol a Mentor Academaidd: Mrs Collette Hill
• Arweinydd Anatomeg: Dr Chris Summers
• Arweinydd Dysgu yn y Gymuned: Dr Llinos Roberts
• Arweinydd Cymorth ac Arweiniad i Fyfyrwyr: Collette Hill
• Iechyd ac Ymddygiad Arweinydd: Mr Neil Price
• Arweinydd Ansawdd: Emma Westwood

Arweinwyr Asesu

• Asesiad Prawf Cynnydd: Mr Steve Capey
• Asesiad OSCE: Dr Sharon Hartwell

Arweinwyr Derbyn

• Dr Arun Ramachandran
• Dr Mike Gilbert

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Lleoedd a Ariennir

Cefnogir y rhaglen Cydymaith Meddygol ar hyn o bryd drwy fwrsariaeth Llywodraeth Cymru. Ar gyfer 2022/23 gallwn gadarnhau bod 36 o leoedd a ariennir wedi cael eu cynnig i ni ar y rhaglen Cydymaith Meddygol.

Mae Llywodraeth Cymru wedi ein hysbysu y bydd cyllid ar gyfer y cwrs hwn wedi ei gyfyngu i fyfyrwyr sy'n fodlon ymrwymo i weithio yng Nghymru am 18 mis ar ôl cymhwyso. Drwy dderbyn gwahoddiad i gyfweliad, rydych yn cadarnhau eich bod yn ymrwymo i hyn. Ni fydd y pecyn cyllido llawn ar gael ond i unigolion sy'n fodlon gwneud yr ymrwymiad hwn. Rhowch wybod i ni cyn gynted â phosib os hoffech dynnu'ch cais yn ôl neu os nad ydych am dderbyn eich gwahoddiad i gyfweliad. Ar hyn o bryd, ni allwn gynnig lleoedd i fyfyrwyr sy'n talu eu ffioedd eu hunain.

Cynllun Bwrsariaethau GIG Cymru

Mae Llywodraeth Cymru, drwy GIG Cymru, yn darparu cyllid ar gyfer y cwrs Cydymaith Meddygol yma yn Abertawe gan gynnwys cost ffioedd dysgu. Gellir gwneud cais am grant o £1000 nad yw'n dibynnu ar brawf modd. Mae bwrsariaeth arall sy'n ddibynnol ar brawf modd ar gael hefyd. Os ydych yn gymwys i gael bwrsariaeth sy'n dibynnu ar brawf modd, gallech gael cymorth ar gyfer teithio, llety (tra byddwch ar leoliad), gofal plant, Lwfans i Fyfyrwyr Anabl, Lwfans Dibynnydd a Lwfans Dysgu i Rieni.

*Am ragor o fanylion darllenwch ddogfen Telerau ac Amodau Cynllun Bwrsariaethau GIG Cymru, gan mai GIG Cymru sy'n gweinyddu’r bwrsariaethau hyn, nid Prifysgol Abertawe.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Bydd lleoliadau gwaith ar draws y rhanbarth a'r myfyriwr fydd yn gyfrifol am dalu costau teithio rhwng y safleoedd. Cysylltwch â Swyddfa Gwybodaeth Myfyrwyr ac Addysg yr Ysgol Feddygaeth am ragor o wybodaeth.

Efallai y byddwch yn wynebu costau ychwanegol yn ystod eich amser yn y Brifysgol, gan gynnwys y canlynol (ond heb fod yn gyfyngedig iddynt):

• Prynu stethosgop
• Llyfrau, deunyddiau cwrs a chostau argraffu neu lungopïo (mae llawer o'r llyfrau testun a argymhellir ar gyfer y cwrs hwn ar gael yn llyfrgelloedd y Brifysgol neu'r ysbytai)
• Parcio'n lleol a theithio i'r campws ac oddi yno neu i safle addysgu Ysbyty Treforys ac oddi yno
• Llungopïo a phrynu deunyddiau ysgrifennu, cofau bach
• Llogi gwisg academaidd ar gyfer graddio

Nid yw'r Arholiad Cenedlaethol Ardystio ar gyfer Cymdeithion Meddygol yn rhan o'r cwrs a bydd rhaid i fyfyrwyr wneud eu trefniadau eu hunain i sefyll yr arholiad hwn. Y myfyriwr fydd yn gyfrifol am yr holl gostau sy'n gysylltiedig â hyn.

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mentor Academaidd Personol: 

Neilltuir Mentor Academaidd i chi o blith staff academaidd cymwys yn yr Ysgol Feddygaeth, neu efallai o blith staff clinigol o Fyrddau Iechyd yn achos GEM a PA.  

Mentoriaid Academaidd Personol yw eich pwynt cyswllt cyntaf wrth astudio yn yr Ysgol Feddygaeth a gallant ddarparu cymorth a chyngor ar amrywiaeth o faterion a allai effeithio ar eich lles, eich presenoldeb a'ch cynnydd addysgol. Gallai Mentoriaid Academaidd Personol hefyd eich helpu gyda'ch cynllunio datblygu personol a chyngor gyrfaoedd. Gall eich mentor hefyd eich cyfeirio at y gwasanaeth Lles a gwasanaethau cymorth eraill, fel y bo'n briodol.  

Swyddfa Wybodaeth yr Ysgol Feddygaeth: 

Mae'n tîm o weinyddwyr a chydlynwyr gwybodaeth myfyrwyr wrth law i roi cymorth gyda'ch ymholiadau academaidd a'ch cyfeirio at wasanaethau ychwanegol pan fydd angen.  

Rhaid ymgeisio drwy UCAS, ac mae’r broses yn agor ddiwedd mis Medi bob blwyddyn.

Deallwn y gallai ymgeiswyr gynnwys mathau gwahanol o gyrsiau yn eu dewisiadau UCAS. O ganlyniad, efallai na fydd Datganiadau Personol rhai ymgeiswyr yn mynegi popeth maen nhw am ei ddweud am eu profiadau a'r hyn sy'n eu hysgogi i astudio i fod yn Gydymaith Meddygol. Byddem yn hapus i dderbyn Datganiadau Personol atodol a anfonir i Dîm Derbyn y rhaglen Cydymaith Meddygol. Bydd y rhain yn disodli Datganiadau Personol a gyflwynir drwy UCAS.

*Mae'r broses ymgeisio'n cael ei hadolygu drwy'r amser - sylwer, mae Ysgol Feddygaeth Prifysgol Abertawe'n cadw'r hawl i newid y broses asesu yn unol â’r hyn sy’n addas ar gyfer pob cylch ymgeisio.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Sgorio’r cais

Dim ond ar ôl y dyddiad cau y caiff ceisiadau eu hystyried. Bydd nifer penodol o gyfweliadau yn cael eu cynnig i ymgeiswyr cymwys gyda’r sgorau cais uchaf, a fydd yn cael eu cyfrifo gan ddefnyddio’r meini prawf canlynol:

• Cyflawniad academaidd – Y categori hwn sydd â'r sgôr uchaf. Bydd y pwysau yn amrywio yn seiliedig ar feini prawf cytunedig. Rhoddir pwysiad i ddosbarthiad gradd israddedig (Cyntaf > 2:1 >2:2) a TGAU (A/A* > B > C). Dyfernir sgorau ar gyfer unrhyw raddau uwch (PhD, Meistr, gradd ryng-gysylltiedig). Bydd pwysiad hefyd ar gyhoeddiadau a adolygir gan gymheiriaid. Mae'r sgorau academaidd yn ychwanegol. Golyga felly bod sgorau mewn adrannau amrywiol yn cael eu hadio at ei gilydd.
• Profiad gwaith – Rhoddir sgorau am brofiad cyflogedig neu ddi-dâl (gwirfoddoli) mewn meysydd meddygol neu anfeddygol. Rhoddir pwysiad uwch i brofiad blaenorol mewn gofal iechyd. Nid yw sgorau yn yr adran hon yn ychwanegol. Bydd y maes lle byddwch yn cael y sgôr uchaf yn cael ei ystyried.
• Ffactorau cyd-destunol – Rhoddir pwysiad i breswyliad yng Nghymru, gradd israddedig yng Nghymru a TGAU yng Nghymru. Bydd gwybodaeth wiriadwy sy'n dangos statws ariannol ac addysgol yr unigolyn neu ei deulu yn cael ei hystyried. Enghreifftiau fyddai derbyn cymhorthdal incwm, prydau ysgol am ddim, credyd cynhwysol, amser a dreulir mewn gofal, cymorth lloches, dim aelod arall o'r teulu yn cwblhau addysg uwchradd neu addysg uwch. Nid yw sgorau yn yr adran hon yn ychwanegol. Bydd y maes lle byddwch yn cael y sgôr uchaf yn cael ei ystyried.

Cyfweliad

Mae'r broses gyfweld wedi'i chynllunio i ystyried y rhinweddau personol ac academaidd sydd eu hangen fel Cydymaith Meddygol, a'r gallu i fodloni'r gofynion. Fframwaith Cymhwysedd a Chwricwlwm Cyfadran y Cymdeithion Meddygol, fel a ganlyn:

• Sgiliau Cyfathrebu (CS)
• Ymdopi â phwysau a gwydnwch (CP)
• Mewnwelediad ac Uniondeb (II)
• Angerdd am feddyginiaeth (PMR)
• Deall sgôp ymarfer rôl y cydymaith meddyg (US)

Ar ddiwrnod eich cyfweliad, byddwch yn cael eich gwahodd i fynychu dau gyfweliad ar wahân, pob un yn  20 munud o hyd. Cânt eu cynnal gan barau o gyfwelwyr hyfforddedig, sydd wedi eu cymryd o'n panel o glinigwyr, academyddion a chydweithwyr sy'n feddygon cyswllt. Bydd eich datganiad personol ac atebion prawf ysgrifenedig ar gael i’r rheiny sy’n cyfweld eu hadolygu ac efallai y gofynnir i chi amdanynt.

Amodau Cynnig

Mae unrhyw gynnig a wneir yn amodol, yn amodol ar dystiolaeth o gymwysterau, geirdaon boddhaol, gwiriad gan y Gwasanaeth Datgelu a Gwahardd (DBS) neu wiriad gan yr heddlu a chliriad iechyd galwedigaethol.

*Caiff y broses ymgeisio ei hadolygu'n barhaus - sylwch fod Ysgol Feddygaeth Prifysgol Abertawe yn cadw'r hawl i newid y broses asesu ar gyfer pob cylch ymgeisio.

Cynyddu Darpariaeth Gweithwyr Proffesiynol Perthynol i Ofal Iechyd yng Nghymru

Mae gennym ymrwymiad i gynyddu nifer y myfyrwyr sy'n feddygon cyswllt o Gymru. Datblygir rhestr safleoedd yn seiliedig ar y system sgorio wedi'i phwysoli ar sail pwyntiau. Bydd y cynigion cychwynnol ar gyfer cyfweliadau yn cael eu hanfon yn y drefn restrol. Bydd rhestr aros yn cael ei chynnal. Caiff cynigion o lefydd cyfweliad o'r rhestr aros eu penderfynu ar sail preswylfan, ysgol uwchradd a fynychwyd a rhanbarth tarddiad. Rhoddir blaenoriaeth i'r llefydd sy'n weddill i fyfyrwyr sy'n gwneud cais o Gymru.

Rhaid i ysgolion meddygol ystyried effaith cyflyrau iechyd ac anableddau ar addasrwydd myfyrwyr i ymarfer fel meddyg. Mae hyn o ganlyniad i'r ffaith bod ganddynt gyfrifoldeb am sicrhau bod myfyrwyr yn gymwys i gael eu cofrestru gyda'r Cyngor Meddygol Cyffredinol.   Mae pob cynnig yn amodol ar gadarnhad gan iechyd galwedigaethol o addasrwydd i ymarfer. Bydd y manylion y byddwch yn eu darparu hefyd yn ein helpu i ystyried pa addasiadau rhesymol sy'n bosib er mwyn cynorthwyo gyda'ch heriau iechyd a’ch anableddau penodol.

Os oes gennych anabledd, gwnewch yn siŵr eich bod yn nodi hyn ar y ffurflen UCAS drwy roi tic yn y blwch perthnasol.  Ni fydd datgelu hyn yn effeithio ar sgrinio eich cais. Os gwneir cynnig, bydd yr Adran Iechyd Galwedigaethol yn cysylltu â chi i drafod eich sefyllfa.

Os ydych yn ansicr sut bydd anabledd yn rhan o'r broses cyflwyno cais neu os oes angen rhagor o wybodaeth arnoch, e-bostiwch y tîm Iechyd Galwedigaethol yn occupational-health@abertawe.ac.uk. Dylech hefyd hysbysu'r tîm derbyn os ydych yn gymwys am ystyriaethau arbennig yn ystod y profion ysgrifenedig neu’r cyfweliadau ar sail eich anabledd.

Sgrinio Iechyd a Gwiriadau Datgelu a Gwahardd

Bydd yn rhaid i'r holl ymgeiswyr llwyddiannus sy'n derbyn lle gwblhau datganiad iechyd a ffurflenni imiwneiddio. Bydd gan eich Meddyg Teulu fynediad at fanylion eich hanes imiwneiddio a dylai allu rhannu hyn â chi ar gais.  Caiff y rhain eu sgrinio gan ein Hadran Iechyd Galwedigaethol. Bydd Meddyg Iechyd Galwedigaethol yn cysylltu â rhai myfyrwyr i gael rhagor o wybodaeth lle bo'n briodol.  Gallai adolygiad iechyd galwedigaethol gynnwys profion gwaed ac imiwneiddiadau i sicrhau'ch diogelwch chi yn ogystal â diogelwch cleifion.

Bydd yn rhaid i fyfyrwyr gwblhau gwiriad manwl llwyddiannus gan y Gwasanaeth Datgelu a Gwahardd cyn cael eu derbyn i’r cwrs.