Marchnata, MSc

Gallwch ddod yn un o arweinwyr marchnata llwyddiannus y dyfodol

Myfyrwyr

Trosolwg o'r Cwrs

Hoffech chi ragori yn y diwydiant marchnata cystadleuol? Mae gyrfa mewn marchnata'n cynnig cyfleoedd niferus i ddatblygu a'r hyblygrwydd i weithio mewn unrhyw sector, unrhyw le yn y byd, gan sicrhau bod y rôl berffaith i'ch sgiliau chi ar gael.

Yn seiliedig ar yr ymarfer a'r ymchwil marchnata diweddaraf, bydd y rhaglen MSc Marchnata ym Mhrifysgol Abertawe yn eich paratoi ar gyfer gyrfa lwyddiannus ym maes cyffrous marchnata byd-eang sy'n newid yn gyflym. Yn ogystal ag egwyddorion craidd marchnata, byddwch hefyd yn archwilio pynciau pwysig megis cyfathrebu integredig; marchnata digidol; marchnata cymdeithasol a moeseg; profiad y defnyddiwr ac ymchwil marchnata. Uchafbwynt y cwrs yw'r Her Marchnata Creadigol a fydd yn rhoi cyfle i chi ddangos eich gwybodaeth a'ch sgiliau wrth weithio ar her go iawn yn y diwydiant marchnata â'r nod o gael effaith gadarnhaol ar fusnes ac ar eich datblygiad chi.  

Pam Marchnata yn Abertawe?

  • Mae'r Ysgol Reolaeth wedi'i hachredu gan AACSB International, cymdeithas addysg fusnes fwyaf y byd, sy'n cysylltu ysgolion busnes, busnesau a dysgwyr, i greu'r genhedlaeth nesaf o arweinwyr gwych.
  • Caiff pob modiwl ei addysgu gan ein cyfadran o'r radd flaenaf sydd â gwybodaeth ddiwydiannol ac academaidd
  • Addysgir ein rhaglenni myfyrwyr yn adeilad gwerth £22 miliwn yr Ysgol Reolaeth ar gampws y Bae
  • Mae Astudiaethau Marchnata wedi cael ei gynnwys ymysg y 50 o Raglenni Gorau o’i bath yn Nhablau Prifysgolion y Byd QS fesul Pwnc 2024

Eich Profiad Marchnata

O'ch diwrnod cyntaf yn yr Ysgol Reolaeth, byddwn yn gweithio gyda chi er mwyn eich helpu i ddatblygu eich sgiliau a'ch profiad i wella eich rhagolygon gyrfa. Byddwch yn cael cyngor wedi'i deilwra i'ch anghenion gan ein tîm gyrfaoedd arbenigol drwy gydol eich rhaglen. Gallwch gymryd rhan yn Rhwydwaith Interniaeth â Thâl  Abertawe (SPIN) neu'r fenter Wythnos o Waith. Mae gennym gysylltiadau cryf ag amrywiaeth o sefydliadau proffil uchel gan gynnwys Dell ac Ernst and Young.

Mae ein holl fyfyrwyr yn elwa o rannu'r safle arloesol ar Gampws y Bae â phartneriaid diwydiannol. Mae ein cyfleusterau'n cynnwys mannau wedi'u neilltuo i addysgu ac astudio, a chyfleusterau TG helaeth â'r galedwedd a'r feddalwedd arbenigol ddiweddaraf.

Cyfleoedd Cyflogaeth Marchnata

Mae gennym hanes ardderchog o leoli ein graddedigion gyda chwmnïau amlwladol mawr.

Bydd eich rhaglen MSc Marchnata yn rhoi i chi'r sgiliau a fydd yn eich galluogi i feithrin gyrfa lwyddiannus mewn amgylchedd cystadleuol mewn amrywiaeth o sectorau yn unrhyw le yn y byd.

Gallai eich swydd nesaf fod yn unrhyw un o'r rolau canlynol:

  • Dadansoddwr Ymchwil i Farchnadoedd
  • Cynorthwy-ydd Brand
  • Ymgynghorydd Rheoli Marchnata

Modiwlau

Mae'r modiwlau fel arfer yn cynnwys: Marchnata mewn Cymdeithas, Marchnata Digidol, Rheoli Brand yn Strategol, a Chyfathrebu Integredig ym maes Marchnata.

Ymwadiad: Gall dewis modiwlau newid