Astudiaethau Meddygol a Gofal Iechyd, M.D.

Nodyn ar gyfer ymgeiswyr rhyngwladol ac Ewropeaidd: gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.

I wneud cais am y rhaglen PhD byddai angen i chi fod â, neu fod yn astudio ar gyfer gradd Meistr, tra bod ein rhaglen MPhil yn gofyn am radd gyntaf neu ail radd uwch mewn disgyblaeth sy'n gysylltiedig â'r prosiect ymchwil arfaethedig, neu gymhwyster ôl-raddedig perthnasol, cymeradwy. Mewn rhai achosion, efallai y bydd cyfleoedd i fyfyrwyr MPhil barhau â'u hastudiaethau fel myfyriwr PhD.

PhD: Fel rheol rhaid i ymgeiswyr am PhD feddu ar radd israddedig ar lefel 2.1 a gradd meistr. Fel arall, bydd ymgeiswyr sydd â gradd anrhydedd dosbarth cyntaf yn y DU (neu gyfwerth nad yw'n rhan o'r DU fel y'i diffinnir gan Brifysgol Abertawe) nad oes ganddynt radd meistr, yn cael eu hystyried yn unigol.

Rydym yn croesawu ceisiadau gan ddarpar fyfyrwyr o bob cwr o'r byd ac yn edrych am dystiolaeth o astudiaeth flaenorol sy'n cyfateb i'r gofynion mynediad a nodwyd uchod. Mae'r Swyddfa Derbyn Ôl-raddedig yn hapus i'ch cynghori ynghylch a yw'ch cymwysterau'n addas ar gyfer mynediad i'r cwrs yr hoffech eu hastudio. E-bostiwch admissions@swansea.ac.uk i gael mwy o wybodaeth.

Os nad Saesneg yw eich iaith gyntaf bydd angen pas derbyniol mewn cymhwyster Iaith Saesneg cymeradwy i sicrhau eich bod yn cael y budd llawn o astudio yn Abertawe. Rydym yn ystyried ystod eang o gymwysterau, gan gynnwys Prawf Saesneg Prifysgol Abertawe, prawf IELTS y Cyngor Prydeinig (gyda sgôr o 6.5 o leiaf ym mhob cydran). Mae rhestr lawn o brofion Saesneg derbyniol i'w gweld yma.

Byddai disgwyl i chi fodloni'r gofynion mynediad lleiaf a nodir uchod. Mae'r Coleg / Ysgol yn cadw'r hawl i ofyn am raddau a chymwysterau academaidd uwch. Mae penderfyniadau derbyn yn ystyried nid yn unig gymwysterau academaidd blaenorol, ond hefyd ffactorau gan gynnwys safon y crynodeb / cynnig ymchwil a gyflwynwyd, eich perfformiad yn y cyfweliad (os oes angen), dwyster y gystadleuaeth am lefydd cyfyngedig a phrofiad proffesiynol perthnasol (lle bo hynny'n briodol).

Yn ogystal â chymwysterau academaidd, gall penderfyniadau derbyn fod yn seiliedig ar ffactorau eraill, gan gynnwys (ond heb fod yn gyfyngedig i): safon y crynodeb / cynnig ymchwil, perfformiad mewn cyfweliad, dwyster y gystadleuaeth am leoedd cyfyngedig, a phrofiad proffesiynol perthnasol.

Yn ogystal â chymwysterau academaidd, gellir seilio penderfyniadau ynghylch derbyn myfyrwyr ar ffactorau eraill, gan gynnwys ond heb fod yn gyfyngedig i: safon y crynodeb/cynnig ymchwil, perfformiad yn ystod y cyfweliad, lefel y gystadleuaeth am leoedd cyfyngedig a phrofiad proffesiynol perthnasol.

Gofyniad am eirda

Yn arferol, gofynnir am ddau eirda cyn y gallwn anfon ceisiadau i Diwtor Derbyn rhaglenni ymchwil y Coleg/Ysgol i'w hystyried.

Caiff ceisiadau a dderbynnir heb ddau eirda wedi'u hatodi atynt eu gohirio nes y derbynnir y geirda sy'n weddill. Sylwer y gall oedi hir wrth dderbyn y geirda sy'n weddill arwain at ohirio'ch cais tan ddyddiad cychwyn/mis derbyn posib diweddarach, o'i gymharu â'r dyddiad y rhestroch yn gychwynnol fel y dyddiad dechrau o'ch dewis.

Efallai yr hoffech ystyried cysylltu â'ch canolwr (canolwyr) i'n cynorthwyo wrth dderbyn y geirda sy'n weddill neu, fel arall, gallwch ohirio cyflwyno'ch cais nes eich bod wedi dod o hyd i'ch geirda. Sylwer nad cyfrifoldeb Swyddfa Derbyn y Brifysgol yw dod o hyd i'r geirda sy'n weddill ar ôl i ni anfon e-bost cychwynnol at y canolwyr (canolwyr) a enwebwyd gennych, gan ofyn am eirda ar eich rhan chi.

Gall y geirda hwn fod ar ffurf llythyr ar bapur pennawd swyddogol neu gellir ei gyflwyno ar ffurflen geirda safonol y Brifysgol. Cliciwch ar y ddolen hon i lawrlwytho ffurflen geirda'r Brifysgol.

Fel arall, gall canolwyr anfon geirda mewn e-bost o'u cyfrif e-bost gwaith. Sylwer na ellir derbyn geirda a anfonir oddi wrth gyfrifon e-bost preifat, (h.y. Hotmail, Yahoo, Gmail).

Gellir cyflwyno geirda i pgradmissions@abertawe.ac.uk.

Rhoddir tîm goruchwylio i chi a fydd yn cynnwys prif oruchwyliwr a goruchwylwyr eilaidd. Bydd y tîm yn rhoi cymorth academaidd a bugeiliol i chi tra byddwch yn cwblhau eich ymchwil.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Noder: Mae ffi 2025/2026 y DU yn ddangosol hyd nes y ceir cadarnhad gan UKRI.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Mae arian gan y llywodraeth bellach ar gael ar gyfer myfyrwyr o Gymru, Lloegr a'r UE sy'n dechrau ar raglenni ymchwil Ôl-raddedig ym Mhrifysgol Abertawe. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae manylion am y broses ymgeisio am raddau ymchwil ar gael.

Fel rhan o'ch cais, dylech gynnwys cynnig ymchwil sy'n amlinellu'ch pwnc astudio arfaethedig. Mae arweiniad ar ysgrifennu cynnig ymchwil hefyd ar gael.

Gallwch ddisgwyl cael eich cyfweld yn dilyn eich cais i drafod eich pwnc o ymchwil a dangos y lefel angenrheidiol o ymrwymiad i'ch astudiaethau a'ch hyfforddiant.

Fe'ch cynghorir i gysylltu â ni drwy ebostio pgr-medicinehealthlifescience@swansea.ac.uk cyn cyflwyno'ch cais. Bydd hyn yn sicrhau ein bod yn gallu nodi goruchwylwyr priodol, a lle bo angen, gweithio gyda chi i fireinio'ch cynnig. 

Os ydych chi'n fyfyriwr rhyngwladol, cewch wybod mwy am wneud cais am y cwrs yma yn ein tudalennau gwe myfyriwr rhyngwladol.

 

Amseroedd Arfaethedig ar gyfer Cyflwyno Cais

Er mwyn caniatáu digon o amser i'ch cais gael ei ystyried gan academydd, ac i ganiatáu i amodau cynnig posib megis teithio/adleoli gael eu bodloni, argymhellwn eich bod yn cyflwyno cais cyn y dyddiadau a nodir isod. Sylwer y gellir cyflwyno ceisiadau y tu allan i'r dyddiadau a awgrymir isod o hyd, ond mae'n bosib y gall fod angen gohirio'ch cais/eich cynnig posib i'r dyddiad derbyn priodol nesaf.

Cofrestru ym mis Hydref

Ymgeiswyr o'r DU – 15 Awst

Ymgeiswyr o'r UE/ymgeiswyr rhyngwladol – 15 Gorffennaf

Cofrestru ym mis Ionawr

Ymgeiswyr o'r DU – 15 Tachwedd

Ymgeiswyr o'r UE/ymgeiswyr rhyngwladol – 15 Hydref

Cofrestru ym mis Ebrill

Ymgeiswyr o’r Deyrnas Unedig – 15 Chwefror

Ymgeiswyr o'r UE/ymgeiswyr rhyngwladol – 15 Ionawr

Cofrestru ym mis Gorffennaf

Ymgeiswyr o'r DU – 15 Mai

Ymgeiswyr o'r UE/ymgeiswyr rhyngwladol – 15 Ebrill