Yn wreiddiol o Belfast, mae Elaine Canning yn arbenigwr mewn ymgysylltu â'r cyhoedd, yn awdur ac yn olygydd sy'n byw yn Abertawe, de Cymru. Mae ganddi MA a PhD mewn Astudiaethau Sbaenaidd gan Brifysgol y Frenhines Belfast ac MA mewn Ysgrifennu Creadigol gan Brifysgol Abertawe. Ar hyn o bryd, hi yw Pennaeth Prosiectau Arbennig ym Mhrifysgol Abertawe, gan gynnwys Gwobr Ryngwladol Dylan Thomas. Yn ogystal ag ysgrifennu monograff a phapurau am ddrama Sbaeneg o'r oes aur, mae hi wedi cyhoeddi nifer o straeon byrion. Cyhoeddwyd ei nofel gyntaf, Sandstone City, gan Aderyn Press yn 2022. Hi hefyd yw golygydd Maggie O'Farrell: Contemporary Critical Perspectives (i'w gyhoeddi yn 2023 gan Bloomsbury). Mae hi'n aelod o Bwyllgor Cynghori'r British Council ac yn Gymrawd o Gymdeithas Ddysgedig Cymru.
![Grwpiau o bobl yn gwneud crefftau wrth fyrddau gwyn](/cy/sefydliad-diwylliannol/amdanom-ni-sefydliad-diwylliannol/being-human.jpg)
Cwrdd â'r Tîm
![Dr Elaine Canning](/cy/sefydliad-diwylliannol/amdanom-ni-sefydliad-diwylliannol/elaine-canning.jpg)
![Matt Hughes photo](/cy/sefydliad-diwylliannol/amdanom-ni-sefydliad-diwylliannol/matthughes.jpg)
Gweinyddwr Marchnata ar gyfer prosiectau arbennig ym Mhrifysgol Abertawe yw Matthew Hughes. Ymunodd â'r Sefydliad Diwylliannol yn 2015 ac roedd am integreiddio ei sgiliau mewn ffotograffiaeth, dylunio creadigol a rheoli digwyddiadau mewn prosiectau a oedd yn amrywio o Wobr Dylan Thomas, Gŵyl Bod yn Ddynol a Gŵyl y Gelli. Mae ganddo ddiddordeb brwd yng nghelfyddydau a diwylliant Cymru ac mae wedi hyrwyddo gwaith llawer o bobl greadigol Cymru ar ddechrau eu gyrfaoedd dros y blynyddoedd.
Ymysg prosiectau creadigol eraill, mae Matthew wedi chwarae rôl allweddol fel curadur man geni Dylan Thomas yn Abertawe yn ystod dathliadau canmlwyddiant Dylan Thomas yn 2014 - gan ymchwilio'n helaeth ac ail-greu ystafell wely'r bardd ar adeg cyhoeddi ei lyfr cyntaf '18 Poems' ym 1934. Yn ei amser hamdden, bydd Mathew yn dogfennu tirwedd newidiol a thrigolion gorllewin Cymru drwy ei ffotograffiaeth.