Mae Cathy Faulkner wedi addysgu ac arholi mewn ysgolion, colegau a phrifysgolion yn Ewrop a Japan ers mwy nag ugain mlynedd, ac mae'n addysgu Saesneg ym Mhrifysgol Bryste ar hyn o bryd. Graddiodd gyda rhagoriaeth o’r cwrs MA mewn Ysgrifennu ar gyfer Pobl Ifanc ym Mhrifysgol Bath Spa ac mae'n meddu ar BA (Anrh) mewn Llenyddiaeth Saesneg. Ar hyn o bryd, mae'n gweithio tuag at MSc mewn TESOL (Addysgu Saesneg i Siaradwyr Ieithoedd Eraill) ym Mhrifysgol St Andrews. Yn ogystal â darllen ac ysgrifennu, mae'n frwd dros sioeau cerdd, canu offerynnau bas mawr amrywiol, gwneud printiau a chreu ffenestri lliw. Mae'n byw yng Ngogledd Gwlad yr Haf gyda'i gŵr, ei thri phlentyn, pum cyw ac un gath.
![Cathy Faulkner photo](/cy/sefydliad-diwylliannol/digwyddiadau/gwyl-llenyddiaeth-plant-2023/awduron-a-llyfrau/cathy-faulkner/Cathy-Faulkner-main-web.jpg)
![Cathy Faulkner - Digging for Victory](/cy/sefydliad-diwylliannol/digwyddiadau/gwyl-llenyddiaeth-plant-2023/awduron-a-llyfrau/cathy-faulkner/Cathy-Faulkner-Digging-for-Victory-web.jpg)
'Digging for Victory' gan Cathy Faulkner
Wedi’i leoli yn Nyfnaint ym 1941, mae Digging for Victory yn adrodd hanes Bonnie Roberts, merch ddeuddeg oed sy’n ysu am gyfrannu at ymgyrch y rhyfel. Dydy trin gardd lysiau’r teulu ddim yn hanner digon iddi; mae hi eisiau bod yn arwr fel ei brawd Ralph, sy’n beilot yn yr Awyrlu.
Ond pan mae’r dieithryn Mr Fisher yn dod i letya yn ei ffermdy, a Ralph yn mynd ar goll yn ystod cyrch awyr, mae hi’n dechrau cwestiynu beth mae arwriaeth yn ei olygu mewn gwirionedd. Ac wrth i Bonnie geisio darganfod pwy yw Mr Fisher go iawn, mae hi’n cychwyn ar daith emosiynol ar drywydd y gwir sy’n newid ei bywyd.