Trosolwg
Ymunodd Mengnan Wang â Phrifysgol Abertawe yn 2024 fel Ddarlithydd mewn Peirianneg Gemegol. Mae ganddi PhD o Goleg Imperial Llundain a graddau BEng ac MSc o Brifysgol Genedlaethol Singapore.
Mae ymchwil Wang yn canolbwyntio ar ddatblygu deunyddiau cynaliadwy ar gyfer systemau electrocemegol amrywiol, gan gynnwys celloedd tanwydd, electrolysau, a batris sodiwm-ion. Mae ei gwaith yn archwilio sut mae effeithiau strwythurol aml-raddfa—o ddylunio moleciwlaidd i bensaernïaeth macrosgopig—yn effeithio ar berfformiad deunyddiau mewn trosi ac arbed ynni. Drwy gyfuno dulliau synthesis uwch ag arbrofion manwl o nodweddu deunyddiau, mae ei hymchwil yn anelu at ddatblygu atebion arloesol a graddadwy ar gyfer technolegau ynni cynaliadwy.
Gyda phrofiad helaeth ym maes trosglwyddo technoleg, mae Mengnan wedi gweithio gyda sefydliadau nodedig megis Innovate UK ac Enterprise Singapore. Mae’r cefndir diwydiannol hwn yn cryfhau ei gallu i drosi ymchwil academaidd yn gymwysiadau byd go iawn, gan feithrin arloesedd mewn atebion ynni glân.
Yn Abertawe, mae Dr Wang yn cyfrannu at y Sefydliad Addysg ar y Cyd gyda Phrifysgol Dechnegol Nanjing, gan gryfhau partneriaethau academaidd rhyngwladol a hyrwyddo dulliau rhyngddisgyblaethol i fynd i’r afael â heriau byd-eang ynni hanfodol.
Mae croeso cynnes i ymholiadau gan fyfyrwyr ymchwil ôl-raddedig sydd â diddordeb mewn gweithio ar brosiectau ymchwil ynni arloesol.