Rygbi Dynion

Hugh Gustafson, Rheolwr Perfformiad Rygbi

Mae Hugh yn rheoli ac yn cyfrannu at y gwaith o bennu cyfeiriad strategol, arwain a goruchwylio rygbi perfformiad ym Mhrifysgol Abertawe. Mae Hugh yn sicrhau llwyddiant parhaus mewn cystadlaethau BUCS a Farsiti, gan feithrin diwylliant ac amgylchedd rygbi perfformiad uchel. Mae'n sicrhau llwybr clir a chadarn i'r gêm broffesiynol ac i chwarae rygbi rhyngwladol ar draws y rhaglenni perfformiad rygbi dynion a merched. Mae Hugh yn un o hyfforddwyr sgiliau academi'r Gweilch ac yn brif hyfforddwr ar gyfer Prifysgol Abertawe a Chlwb Rygbi Abertawe. Bu'n chwarae yn y rheng flaen dros y Gweilch, y Dreigiau a thîm Cymru o dan 20 oed.

Hyfforddwyr cynorthwyol:

• Joe Thomas, Prif Hyfforddwr

Mae Joe yn brif hyfforddwr lefel 3 UKCC ym Mhrifysgol Abertawe. Mae Joe yn hyfforddwr chwaraewyr ymosod a chefnwyr tîm rygbi Abertawe yng nghystadleuaeth Rygbi Uwch Cymru. Dechreuodd Joe hyfforddi gyda'r tîm lleol, Treforys RTFC, lle bu'n chwarae i dîm rygbi'r Gweilch yn ogystal â hyfforddi.   Roedd Joe'n Swyddog Hyb URC yn Ysgol Gyfun Treforys lle dechreuodd flociau oedran rhanbarthol cyn symud i rygbi'r brifysgol yma yn Abertawe.

• Foard Cooksley, Prif Hyfforddwr y Menywod

Mae Foard yn Hyfforddwr Cymwysedig lefel 3. Mae Foard yn hyfforddwr â meddylfryd ymosodol sy'n mwynhau gadael i'r chwaraewyr wneud penderfyniadau ar y cae. Mae gan Foard amrywiaeth o brofiad mewn sawl amgylchedd gwahanol gan gynnwys: Ysgol Uwch Millfield, RAG y Gweilch a thîm cyntaf dynion Aberavon Green Stars, felly mae'n cynnig cyngor o safon a thactegau sefyllfaol.

• Lloyd Evans, Hyfforddwr Amddiffyn / Sgiliau

Bu Lloyd yn chwarae i'r Gweilch a chafodd Anrhydedd wrth chwarae i dîm saith bob ochr Cymru. Bu Lloyd yn ymwneud â hyfforddiant gradd oedran ac Academi Chwaraeon Gen 7s.

• Joe Grabham, Hyfforddwr Amddiffyn

Mae Joe'n hyfforddwr amddiffyn lefel 2 UKCC ym Mhrifysgol Abertawe ynghyd â'i rôl fel hyfforddwyr amddiffyn a blaenwyr tîm dan 16 Ardal Pen-y-bont ar Ogwr.   Trodd Joe at hyfforddi gan y bu'n rhaid iddo ymddeol o chwarae rygbi'n broffesiynol oherwydd iddo gael anaf wrth ddechrau ar lefel ranbarthol y Gweilch. Yna aeth ymlaen i gael ymgyrch lwyddiannus gydag Ardal Pen-y-bont ar Ogwr gan ennill cystadleuaeth o fri Tarian Dewer. O'r fan honno, symudodd Joe i her Rygbi Uwch BUCS gyda Phrifysgol Abertawe. Mae Joe yn hoffi seilio ei arddull hyfforddi ar ysgogi anghysur wrth hyfforddi er mwyn creu enillwyr ar y cau ac oddi arno.

• Thomas Jones, Hyfforddwr Cryfder a Chyflyru

Thomas yw'r Hyfforddwr Cryfder a Chyflyru Rygbi sy'n gweithio gyda Phrifysgol Abertawe, Academi'r Gweilch a Dewiniaid Aberafan. Mae profiad blaenorol Thomas yn cynnwys hyfforddi tîm dan 18 Cymru.   Y tu hwnt i rygbi, mae gan Thomas ddiddordeb mawr mewn chwaraeon gornest a chroes-hyfforddi. Mae ei athroniaeth hyfforddi'n seiliedig ar gofleidio'r gwaith caled a chanfod llawenydd yn y broses o ddatblygiad corfforol.

Sawl gwaith mae'r tîm rygbi Perfformiad Uchel yn hyfforddi bob wythnos?

Cyn dechrau'r tymor, mae'r sgwad yn hyfforddi bedwar diwrnod yr wythnos, gan gynnwys hyfforddiant cryfder a chyflyru. Yn ystod y tymor, mae'r sgwad yn hyfforddi deirgwaith yr wythnos, gan gynnwys tair sesiwn cryfder a chyflyru. Caiff pob sesiwn yn ystod y tymor ei chynnal cyn darlithoedd neu ar ôl hynny.

Pa gynghrair mae'r tîm cyntaf yn chwarae ynddi?

Mae'r tîm cyntaf yn chwarae yng nghynghrair Uwch Rygbi BUCS, sef y safon uchaf o rygbi dynion prifysgolion.

Sut mae'r ddarpariaeth cryfder a chyflyru yn gweithio?

Mae gennym hyfforddwr cryfder a chyflyru arweiniol sy'n cynllunio rhaglenni unigol i ddiwallu anghenion yr unigolyn a'r sgwad. Rydym hefyd yn defnyddio Teambuilder er mwyn gallu anfon rhaglenni o bell at chwaraewyr a diweddaru'r rhaglenni hynny. Mae hyn yn cynnig yr hyblygrwydd i chwaraewyr hyfforddi o amgylch eu hamserlenni astudio a'u darlithoedd.

Ble mae'r tîm cyntaf yn chwarae?

Mae'r tîm cyntaf yn chwarae ar gae Rygbi a Chriced Sain Helen.

A oes treialon ar gyfer dod yn rhan o sgwad HPG?

Nid oes unrhyw dreialon uniongyrchol, ond gallwch anfon e-bost o'ch CV rygbi a deunydd fideo at ein Rheolwr Perfformiad Uchel. Caiff unrhyw gwestiynau neu ymholiadau eu hateb yn uniongyrchol.

Mae rhaglen rygbi perfformiad uchel Prifysgol Abertawe'n cynnwys chwaraewyr ein tîm cyntaf yn cystadlu yng nghystadlaethau Rygbi Uwch Chwaraeon Prifysgolion a Cholegau Prydain (BUCS) a elwir yn BSR. Mae'r tîm rygbi perfformiad uchel yn cynnwys casgliad cryf o chwaraewyr cartref a rhyngwladol ar gyfer tymor 2023/24, lle bydd Peter Vickers yn arwain y tîm fel capten y tîm cyntaf.

Mae Rygbi Uwch BUCS yn cynrychioli'r lefel uchaf o Rygbi Prifysgol i Ddynion, sy'n cynnwys 10 tîm prifysgol ledled y DU yn cystadlu yn erbyn ei gilydd i ennill teitl Pencampwyr BSR, gan alluogi tîm y dynion i brofi'r gemau rygbi o safon orau bob wythnos.

Drwy gystadlu yng nghynghrair BSR mae'n gyfle i dîm ein dynion wella eu perfformiad drwy brofi dulliau a heriau rygbi cyferbyniol, a chystadleuaeth iach ar lefel debyg.

Edrychwch ar y timau ar gyfer tymor 2024/25.