Momentwm - Medi 2023

Mae ymchwilwyr wrthi'n galw am ymagweddau newydd at leihau anghydraddoldebau gofal iechyd ar gyfer pobl awtistig pan fydd angen triniaeth feddygol arnynt ar ôl i ddiffygion difrifol ddod i'r amlwg yn y pasbortau iechyd a argymhellir gan NICE.

Mae gallu anifeiliaid i deithio ar draws rhwystrau mawr, megis cefnforoedd neu gadwyni mynyddoedd, wedi bod o ddiddordeb mawr i wyddonwyr ers amser maith oherwydd ei ddylanwad ar fioamrywiaeth y Ddaear. Mae astudiaeth newydd ym Mhrifysgol Abertawe wedi datgelu gwybodaeth sy'n torri tir newydd am y broses hon, gan ddangos sut mae nodweddion, megis maint corff a hanes bywyd, yn gallu dylanwadu ar ymlediad anifeiliaid dros y byd.

Mae tîm o Ysgol Feddygaeth Prifysgol Abertawe wedi ymweld â Zambia er mwyn hyfforddi meddygon, nyrsys a bydwragedd sy'n addysgu yn y wlad honno i ddefnyddio efelychu clinigol, sy'n galluogi myfyrwyr i ddysgu sgiliau newydd heb roi cleifion mewn perygl. Roedd yr ymweliad hefyd yn gyfle i'r tîm ddysgu gan eu cydweithwyr yn Zambia a thrafod partneriaethau ymchwil a chyfleoedd i fyfyrwyr yn y dyfodol.

Gallai dyfais sy'n cynhyrchu ffynnon o atomau cesiwm hybu dealltwriaeth o'r bydysawd drwy fesur amledd y golau sy'n cael ei amsugno gan wrthfater. Mae'r ddyfais, a adeiladwyd yn y DU gyda chefnogaeth gan y Cyngor Ymchwil Peirianneg a'r Gwyddorau Ffisegol (EPSRC), bellach wedi cael ei gosod yng nghyfleuster eiconig y Sefydliad Ewropeaidd ar gyfer Ymchwil Niwclear (CERN) i gynorthwyo arbrawf gwrthfater arloesol ALPHA (Cyfarpar Ffiseg Laser Gwrth-hydrogen).

Drwy ei ymchwil, mae’r Athro David Bewley-Taylor wedi canolbwyntio ar ailgalibradu sut mae llywodraethau, asiantaethau’r CU a sefydliadau rhyngwladol anllywodraethol yn mesur effeithiolrwydd polisïau rheoli cyffuriau a throseddu

Mae pŵer solar yn ateb delfrydol ar gyfer rhannau anghysbell o'r byd lle mae cysylltiad â'r grid yn wael neu nad oes cysylltiad o gwbl ac mae digon o heulwen. Yng ngoleuni hyn, cydweithrediad rhyngwladol SUNRISE, dan arweiniad yr Athro Dave Worsley a Dr Ian Mabbett, ei ffurfio i ddylunio a defnyddio technoleg pŵer solar oddi ar y grid i ddarparu ynni fforddiadwy, dibynadwy a chynaliadwy i gymunedau anghysbell.

Yn ei hymchwil gyfredol, mae'r Athro Jasmine Donahaye yn canolbwyntio ar brofiad menywod a phobl a chanddynt liw o gael eu hallgáu o fyd natur, ac ar ymyleiddio menywod ym maes ysgrifennu am natur.

Yn y bennod hon o Archwilio Problemau Byd-eang, Tymor 3, mae’r Athro Gareth Jenkins yn trafod sut gall y cemegau o’n cwmpas, ein dewisiadau ffordd o fyw a’n harferion gynyddu neu ostwng y tebygolrwydd y bydd ein DNA yn mwtadu ac yn datblygu i fod yn ganser.

Yn yr erthygl hon o The Conversation, mae Dr Jack Cooper yn archwilio'r gwirionedd am y meglodon Otodus sydd wedi darfod, a oedd y siarc mwyaf erioed, a pham y gallai'r ffilm wirion hon ysbrydoli paleontolegwyr y dyfodol.

Mae Dr Sara Sharifzadeh yn Uwch Ddarlithydd mewn Cyfrifiadureg. Mae ei phif feysydd ymchwil yn cynnwys dysgu peirianyddol, deallusrwydd artiffisial, dadansoddi data amlamryweb a’i ddefnyddio wrth ddadansoddi signalau/delweddau, iechyd digidol, dadansoddi delweddau lloeren a dadansoddi data cwmwl pwynt 3D a geir o synwyryddion sganiwr laser ar robotiaid.

Mae Dafydd Cotterell yn fyfyriwr PhD yn yr Ysgol Reolaeth sy'n gwerthuso gwydnwch trefniadol yng nghyd-destun y diwydiant manwerthu yn ystod pandemig Covid-19.

Mae Sefydliad Astudiaethau Uwch Morgan (MASI) yn canolbwyntio ar ddod â phobl at ei gilydd i gynnal ymchwil ryngddisgyblaethol a newid y byd er gwell trwy ddarganfod ac arloesi prosesau, deunyddiau, technolegau, damcaniaethau, cysyniadau, polisïau ac arferion.

Mae cwmni rhith-realiti o Gymru wedi ymuno â Phrifysgol Abertawe a Bwrdd Iechyd Prifysgol Hywel Dda i ddarparu hyfforddiant gofal iechyd arloesol. Mae'r Brifysgol a'r bwrdd iechyd wedi dewis Rescape, cwmni o Gaerdydd, i gyflwyno cyfres o fodiwlau hyfforddi Rith-realiti pwrpasol yn y Gymraeg a’r Saesneg fel rhan o brosiect £900,000 Cyngor Cyllido Addysg Uwch Cymru 'Virtual Reality a Welsh Reality.'

Mae pedwar uwch-arweinydd o brifysgol bartner Abertawe yn Wcráin yn ymweld â Chymru er mwyn helpu i gryfhau'r cydweithrediad rhwng y ddau sefydliad o ran ymchwil, addysgu a chreu cyfleoedd i fyfyrwyr. Daw'r grŵp o Brifysgol Genedlaethol Petro Mohyla'r Môr Du (PMBSNU), yn rhanbarth Mykolaiv, dinas o bwys a chanddi borthladd ac oddeutu 470,000 o bobl yn ne Wcráin.