Rhwydwaith Hawliau Plant yn y Blynyddoedd Cynnar

• Pontio'r bwlch rhwng ymarfer, polisi ac ymchwil
• Gwella hygyrchedd ymchwil, polisi a phrofiadau ymarferol drwy ddarparu fforwm ar gyfer cymunedau ymarfer, polisi ac academaidd i gwrdd a chydweithio
• Datblygu fforwm er mwyn creu gweithgarwch ymchwil y dyfodol, sy'n gydweithredol ac yn rhychwantu sawl sector. Bydd aelodau'n dysgu am hawliau plant ac yn gallu cyflwyno eiriolaeth gryfach ar gyfer hawliau plant ifanc ar draws eu meysydd gwaith
• Cyfnewid gwybodaeth rhwng gweithwyr proffesiynol sy'n rhannu diddordebau o ran hawliau plant ifanc, gan sicrhau bod yr wybodaeth a rennir yn nodi arfer gorau a materion perthnasol
• Cefnogi datblygu sylfaen dystiolaeth i ddeall yn well hawliau plant ifanc yng Nghymru gan gynnwys barn plant ifanc

Gall unrhyw weithiwr proffesiynol sydd â diddordeb mewn hawliau plant fod yn aelod.Gall aelodau gadw eu haelodaeth am ba bynnag gyfnod y mynnant.Gofynnir i'r holl aelodau ysgrifennu 'portread' bras i'w rannu ar-lein.

I leihau maint y cyfarfodydd, bydd thema ar gyfer y rhan fwyaf o’r cyfarfodydd fel y gall aelodau fynd i'r cyfarfodydd hynny sy'n berthnasol iddyn nhw.

Am ragor o wybodaeth, cysylltwch â naill ai Dr Jacky Tyrie, e-bost: j.tyrie@abertawe.ac.uk neu Anna Westall (Swyddog Polisi), e-bost: anna.westall@childreninwales.org.uk 

Cynhadledd Flynyddol: “Hawliau'r Blynyddoedd Cynnar mewn Ymarfer: Ymarfer wedi'i gyfeirio gan ymchwil”

Wedi'i chynnal yng Nghaerdydd ym mis Mai 2025, daeth ail gynhadledd CREYN, a gynhelir bob dwy flynedd, â chynadleddwyr o bob cwr o Gymru a'r DU ynghyd i archwilio hawliau plant mewn ymarfer. Roedd y digwyddiad yn cynnwys anerchiadau cyweirnod gan yr Athro Jane Murray a'r Athro Jane Williams, a gweithdai dan arweiniad sefydliadau gan gynnwys Achub y Plant Cymru, Ysgol y Goedwig a Meithrinfa Gymunedol Tŷ Plant. Lansiodd y gynhadledd yr Adduned i Fabanod yng Nghymru, galwad i weithredu ar gyfer gweithwyr proffesiynol a chymunedau i roi anghenion a lleisiau babanod wrth wraidd gwneud penderfyniadau.

Yr Adduned i Fabanod yng Nghymru

Mae'r fenter hon yn cydnabod anghenion datblygiadol unigryw babanod ac yn annog y rhai hynny sy'n rhoi gofal, gweithwyr proffesiynol a chymunedau, i gefnogi eu lles emosiynol, corfforol a chymdeithasol. Mae'n rhoi pwyslais ar y pwysigrwydd o wrando ar fabanod a chreu amgylchoedd i feithrin babanod lle gallant ffynnu. 

Adnoddau ar gyfer Ymarferwyr a Theuluoedd

Mae CREYN wedi datblygu cyfres o daflenni sydd wedi'u teilwra i grwpiau oedran gwahanol (0-5 mlwydd oed), gan helpu rhieni  ac ymarferwyr i ddeall a chefnogi hawliau plant. Mae'r rhain yn cynnwys:

• Dyma Fi! (0-12 mis oed)
• Dwi'n archwilio! (1-2 mlwydd oed)
• Edrychwch arna i nawr! (2-3 mlwydd oed)
• Gwyliwch fi'n mynd, bant â fi! (3-5 mlwydd oed)

CODI YMWYBYDDIAETH O HAWLIAU PLANT - Y Rhwydwaith CREY mewn dogfennau arweiniad

Mae'r strategaeth a gyhoeddwyd yn ddiweddar yn nodi'r cynllun o ran sut bydd Llywodraeth Cymru'n codi ymwybyddiaeth o Gonfensiwn y Cenhedloedd Unedig ar Hawliau'r Plentyn yng Nghymru tan ddiwedd 2023. https://gov.wales/sites/default/files/publications/2021-11/raising-awareness-of-childrens-rights.pdf

Mae Rhwydwaith CREY yn cael sylw penodol yn yr adran Blynyddoedd Cynnar i gefnogi'r rhwydwaith hawliau plant yn y blynyddoedd cynnar. Byddwn yn cefnogi'r rhwydwaith hwn i ddod â rhanddeiliaid allweddol ynghyd i rannu ymarfer da o ran hawliau plant.