Strategaeth a Pholisi Cynaliadwyedd

Darllen Methodoleg Asesu People and Planet ar gyfer y Polisi a'r Strategaeth.

1. Polisi Cynaliadwyedd Prifysgol Abertawe

Caiff y Polisi Cynaliadwyedd hwn ei adolygu'n flynyddol fel rhan o  System Rheoli Amgylcheddol ISO14001. Adolygiad Rheoli 23-24

 2. Mae Prifysgol Abertawe'n gweithio i strategaeth cynaliadwyedd amgylcheddol, gan bennu targedau SMART er mwyn lleihau effaith amgylcheddol.

Mae'r Pwyllgor Strategaeth Gynaliadwyedd bellach wedi cael ei greu ac yn cwrdd yn rheolaidd i adolygu darpariaeth y Strategaeth Gynaliadwyedd a chysoni gwaith ar draws y Brifysgol. Isod, ceir enghreifftiau o gofnodion:

Cofnodion y Pwyllgor Cynaliadwyedd 20-02-24

Cofnodion y Pwyllgor Cynaliadwyedd 14-05-24

Tabl Mapio Strategaeth

Darllenwch Assessment Methodology for Environmental Auditing & Management Systems gan People and Planet.

Mae Prifysgol Abertawe wedi ymrwymo i broses o Reoli Amgylcheddol (EMS) trwy’r achrediad ISO 14001:2015 a’r achrediad EcoCampus a ddilysir yn allanol.

Gweld y ISO 14001:2015 Certificate.

Gweld Methodoleg Asesu People and Planet ar gyfer Rheoli Carbon.

1. Yn unol â'n Strategaeth Gynaliadwyedd, mae Prifysgol Abertawe wedi ymrwymo i fod yn ddi-garbon ar gyfer allyriadau uniongyrchol (cwmpas 1 a 2) erbyn 2035, gydag o leiaf gostyngiad o 70% erbyn 2030*. Gyda tharged Cwmpas 3 i gyflawni gostyngiad (ar gyfartaledd) o 2.5% flwyddyn ar ôl blwyddyn mewn allyriadau cwmpas 3, gostyngiad o 50% erbyn 2035 (35% erbyn 2030) o linell sylfaen y cytunwyd arni gan CCAUC yn 2015.

Ar hyn o bryd, mae'r Brifysgol yn pennu cyllideb ddatgarboneiddio flynyddol gwerth £3 miliwn sy'n cael ei hintegreiddio i gynllunio prosiectau Ystadau ac sy'n cyd-fynd â chyllideb Sero Net Cynllun Gweithredu Datgarboneiddio Prifysgol Abertawe, Ystadau a Gwasanaethau Campws. Mae Prif Swyddog Gweithredu a Chyfarwyddwr Ystadau a Gwasanaethau Campws y Brifysgol yn gyfrifol am y cynllun gweithredu datgarboneiddio. Caiff monitro perfformiad, adrodd a gweithredu ymyriadau datgarboneiddio eu rheoli gan dimau’r Gwasanaethau Cynaliadwyedd ac Isadeiledd.

Rydym yn adrodd yn gyhoeddus am allyriadau carbon pob cwmpas yn flynyddol ochr yn ochr â Sefydliadau Addysg Uwch eraill y DU ar wefan yr Asiantaeth Ystadegau Addysg Uwch (HESA) ac yn cyhoeddi Adroddiad Perfformiad Blynyddol Llwybr i Sero 2022-2023 fel rhan o'n System Rheoli Amgylcheddol ISO14001. Caiff targedau a pherfformiad eu monitro drwy berfformiad cynlluniau blynyddol y brifysgol, yr Adolygiad Rheoli Amgylcheddol a'r Pwyllgor Cynaliadwyedd strategol.

2a. Mae allyriadau Cwmpas 3 yn cael eu hadrodd i'r Asiantaeth Ystadegau Addysg Uwch drwy wefan yr EMR: gwefan yr Asiantaeth Ystadegau Addysg Uwch (HESA) o dan Gofnodion Rheoli Ystadau.

2b. Mae gan Brifysgol Abertawe bolisïau ac arweiniad ynghylch teithio cynaliadwy (ceir dolenni isod) sy'n pennu targedau ac yn gweithredu cynlluniau ar gyfer lleihau allyriadau carbon teithio yn unol â'n Adroddiad Perfformiad Blynyddol Llwybr i Sero 2022-2023.

• Polisi a Threfniadau Cerbydau Trydan a Gwefru
• 8.1.17 Polisi a threfniadau Teithio Busnes
• Ein Teithio

2c. Mae'r Brifysgol yn cyfrifo cyfanswm yr allyriadau carbon a briodolir i lety preswyl (llety mewnol a llety gan ddarparwyr allanol). Mae hynny wedi'i gynnwys yn ein Adroddiad Perfformiad Blynyddol Llwybr i Sero 2022-2023.

3. Gwnaeth Adroddiad Perfformiad Blynyddol Llwybr i Sero 2022-2023 gynnwys gwaelodlin a thargedau ar gyfer lleihau  allyriadau Cwmpas 3, wedi'u cyfrifo yn y meysydd canlynol:

• Gwastraff
• Dŵr
• Caffael (y gadwyn gyflenwi)
• Teithiau busnes staff a myfyrwyr e.e. teithiau i gynadleddau a theithiau maes
• Staff a myfyrwyr yn teithio i'r brifysgol yn ddyddiol
• Allyriadau carbon sy'n gysylltiedig â'r teithio rhwng cartrefi myfyrwyr a'r Brifysgol ar ddechrau ac ar ddiwedd y tymor (gan gynnwys myfyrwyr rhyngwladol yn teithio i'w mamwlad ac oddi yno)

 * Caiff allyriadau eu holrhain yn unol â thargedau o'n blwyddyn waelodlin 2015/16 y cytunwyd arni gan CCAUC.

Darllen Methodoleg Asesu People and Planet ar gyfer Bwyd Cynaliadwy.

Ym Mhrifysgol Abertawe, rydym yn gwybod bod ein gwasanaethau arlwyo yn hollbwysig i lwyddiant ein hymrwymiad i gynaliadwyedd. Dyna pam mae gennym Bolisi Bwyd Iach Cynaliadwy .

Rhoddwyd contract arlwyo newydd i Chartwells gan ddechrau ym mis Ionawr 2022. Mae hyn yn cynnwys holl fannau arlwyo a gwasanaethau lletygarwch y Brifysgol ac eithrio mannau Undeb y Myfyrwyr. Fel rhan o'r broses tendro a chaffael, roedd yn rhaid i'r holl ddarpar gontractau arlwyo fod â’u polisïau arlwyo cynaliadwy eu hunain gan adlewyrchu egwyddorion Gweledigaeth Strategol a Phwrpas Prifysgol Abertawe, yn ogystal â Strategaeth Cynaliadwyedd ac Argyfwng Hinsawdd 2021-25.

Dyma gopi o gwestiynau’r fanyleb gwerthuso tendr arlwyo  ar gyfer Cyfrifoldeb Cymdeithasol Corfforaethol a wnaeth asesu ymgeiswyr ar sail  y fframwaith yr oeddent yn bwriadu ei ddefnyddio yn Abertawe i sicrhau bod dull wedi'i gydnabod gan y diwydiant a’i archwilio'n annibynnol ar waith ar gyfer gwelliant parhaus mewn arlwyo iach a chynaliadwy. Mae gan Compass Group Gynllun Pontio manwl, sy'n helpu i lywio amrywiaeth o benderfyniadau a gweithredoedd ar gynaliadwyedd yn Chartwells.

Caiff ein tîm arlwyo ei asesu'n flynyddol o dan ISO:14001 a Systemau Rheoli Amgylcheddol Eco-gampws i sicrhau bod fframwaith cynhwysfawr ar gyfer archwilio allanol a gwella.  O ganlyniad i ofynion ein contract arlwyo a gwaith caled y tîm, mae'r rhan fwyaf o'r mannau arlwyo wedi cyflawni achrediad 1 seren Bwyd am Oes y Gymdeithas Bwytai Cynaliadwy. Darllenwch Adroddiad Sgorio Chartwells ym Mhrifysgol Abertawe 2022. Cynhelir cyfarfodydd misol gyda Chartwells i adolygu cynnydd yn erbyn eu Cynllun gweithredu cynaliadwyedd gan gynnwys cynnydd parhaus tuag at achrediad 3 seren Bwyd am Oes y Gymdeithas Bwytai Cynaliadwy. Llwyddiant arall yn y maes hwn oedd lansio a pharhad rhaglen o ddigwyddiadau cegin gymdeithasol, lle caiff myfyrwyr eu gwahodd i geginau Chartwells i ddysgu sut i goginio prydau bwyd iach a chynaliadwy.

Mae'r Tîm Cynaliadwyedd hefyd yn gweithio’n agos gyda chydweithwyr yn Chartwells i ddarparu a chefnogi prosiectau bwyd cynaliadwy. Mae hyn yn cynnwys Prosiect Tyfu Tawe  sydd wedi parhau yn 23/24, a phartneriaeth ag elusen leol, Goleudy, i ddod â'u Hoergell Gymunedol i'r campws ar gyfer staff a myfyrwyr. Rydym wedi cynnal dau ddigwyddiad Oergell Gymunedol ar y campws (Tachwedd 2023 a Mawrth 2024), pan helpodd myfyrwyr gwirfoddoli i atal cannoedd o gilogramau o fwyd rhag cael eu gwastraffu drwy eu dosbarthu i staff, myfyrwyr ac aelodau'r gymuned. Yn 2023/24 cydweithredodd y Brifysgol a Chartwells i gynnal sesiynau glanhau'r traeth bob mis, gyda staff arlwyo yn ymuno â'r digwyddiadau ac yn darparu te a choffi Masnach Deg i'r gwirfoddolwyr!

Cymerwch ran gyda Chynaliadwyedd a Tyfu Tawe

Enghreifftiau o weithgareddau diweddar

Cynllun Gweithredu Bioamrywiaeth 2022-2025

Cymuned Instagram y Tîm Cynaliadwyedd

Gallwch gael mwy o wybodaeth yn yr adran Bwyta'n Iach a Chynaliadwy ar y dudalen we Caffael Cynaliadwy a'n tudalen we Cymerwch Ran.

Darllen Methodoleg Asesu People and Planet ar gyfer Buddsoddi a Bancio Moesegol.

Polisi Bancio a Buddsoddi Moesegol Prifysgol Abertawe.

Mae Prifysgol Abertawe yn integreiddio cynaliadwyedd ac ystyriaethau moesegol i bob elfen o wasanaethau gyrfaoedd yn unol â'n Polisi Gyrfaoedd Moesegol.

Darllen Methodoleg Asesu People and Planet ar gyfer Staff.

Mae gan Brifysgol Abertawe dîm Cynaliadwyedd ymroddedig sy’n gweithio tuag at nodau, uchelgeisiau a llwyddiant Prifysgol Abertawe a’r tu hwnt i gyflawni llwyddiant sylweddol, hirdymor, sydd ag adnoddau digonol ym maes cynaliadwyedd amgylcheddol. Mae gan y Tîm Cynaliadwyedd ei gyllideb flynyddol ei hun sy’n ariannu’r gwaith o gyflawni ymrwymiadau’r Strategaeth Cynaliadwyedd. 

Cefnogir y Tîm Cynaliadwyedd i gyflawni'r Strategaeth Cynaliadwyedd drwy gyllideb flynyddol sy'n cynnwys cyllid mewnol ac allanol (e.e. y Brifysgol, CCAUC, Llywodraeth Cymru a'r trydydd sector). Mae'r gyllideb yn newid bob blwyddyn ac fel arfer mae'n werth rhwng £500,000 ac £1m. Bob blwyddyn, buddsoddir tua £3m mewn prosiectau sero net, gan gynnwys: gosod celloedd solar ffotofoltäig, prosiectau effeithlonrwydd ynni ac isadeiledd a meddalwedd systemau rheoli adeilad.

Mae gan y Brifysgol rwydwaith o Gydlynwyr Amgylcheddol. Mae'r rhwydwaith hwn yn helpu i wella perfformiad amgylcheddol ar draws y Brifysgol ac ers i'r Cyfadrannau gael eu sefydlu, mae'r rhwydwaith hwn bellach yn awyddus i ehangu yn ystod 2024/25. 

Mae Pwyllgor Cynaliadwyedd yn y Brifysgol wedi’i gyd-gadeirio gan Niamh Lamond, Cofrestrydd a Phrif Swyddog Gweithredu, a Helen Griffiths, Dirprwy Is-ganghellor Ymchwil ac Arloesi. Mae gan y pwyllgor hwn gyfrifoldeb uniongyrchol dros wireddu ein Strategaeth Gynaliadwyedd, gyda chynrychiolwyr o Gyfadrannau ac Unedau Gwasanaethau Proffesiynol. 

Cylch Gorchwyl y Pwyllgor Cynaliadwyedd

Gweler ein tudalen we Cymerwch Rhan am ragor o fanylion am ddod yn Gydlynydd Amgylcheddol a'n rhaglen Cynaliadwyedd a Lles (SWell).

Gweler yr adran Polisi a Strategaeth am fanylion am y Pwyllgor Cynaliadwyedd a'r Cylch Gorchwyl.

Cewch ddarllen Methodoleg Asesu People and Planet ar gyfer Hawliau Gweithwyr yma.

Prifysgol Cyflog Byw

1.  Caiff y Brifysgol ei hachredu gan y Living Wage Foundation fel cyflogwr Cyflog Byw.

Datganiad newyddion: Mae'r Living Wage Foundation (LWF) wedi achredu Prifysgol Abertawe fel cyflogwr cyflog byw go iawn.

2.  Yn unol â'n hymrwymiad i'n Strategaeth Cynaliadwyedd ac Argyfwng Hinsawdd, bydd y Brifysgol yn:

Amgylchedd Gwaith 11. Ystyried cynnwys cyfeiriad ym mholisïau neu drefniadau perthnasol y Brifysgol at sicrhau a monitro cydraddoldeb o ran cyflog, amodau a thelerau a phensiynau rhwng staff ar gontractau mewnol a staff ar gontractau allanol.

Darllenwch am ein cynnydd yma: Cyflog Teg a Chyfartal

3.  Darllenwch am ein harferion Arlwyo Iach a Chynaliadwy yn y Brifysgol.

4.  Mae Electronics Watch yn cefnogi cadwyni cyflenwi TGCh y Brifysgol. Prifysgol Abertawe oedd y sefydliad cyntaf yng Nghymru i ymuno ag Electronics Watch. Mae hyn yn cynnwys cysylltiad uniongyrchol ag Electronics Watch a lle bynnag y bo'n bosibl, ddefnyddio Fframweithiau TGCh sy'n gysylltiedig ag Electronic Watch hefyd e.e:

• Prifysgolion sy'n aelodau o'r NWUPC
• Prifysgolion sy'n aelodau o'r LUPC

Rhagor o wybodaeth am gaffael Cynaliadwy'r Brifysgol.

Darllen Methodoleg Asesu People and Planet ar gyfer Ymgysylltu â Staff a Myfyrwyr.

Strategaeth Ymgysylltu â Myfyrwyr Prifysgol Abertawe

Mae ein Cynllun Cyfathrebu ac Ymgysylltu Cynaliadwyedd yn sicrhau bod y Brifysgol yn cyfathrebu ac ymgysylltu'n effeithiol â phob aelod o'n prifysgol a'r gymuned leol, gan gynnwys busnesau a rhanddeiliaid eraill. Mae hyn yn ein helpu ni i gyd i wneud datblygiadau cynaliadwy sy'n gwella bywydau ein staff a'n myfyrwyr, ynghyd â'r rhai sy'n byw yn ein cymuned leol ac ehangach.

Dysgwch fwy am sut i gymryd rhan mewn cynaliadwyedd ym Mhrifysgol Abertawe. 

Mae Ymgysylltu â Staff a Myfyrwyr yn elfen allweddol o feysydd eraill yn ein strategaeth hefyd, a gellir gweld y gwaith yn:

• Strategaeth Cynaliadwyedd ac Argyfwng Hinsawdd a’r Adolygiad Rheoli blynyddol cysylltiedig fel rhan o'n System Reoli Amgylcheddol. Gweler Performance Report 2024 ISO14001 , sy'n cynnwys “Cyfathrebu, Ymgysylltu, Cynnwys”
• Adroddiad Perfformiad Blynyddol Llwybr i Sero 2022-2023
• Cynllun Gweithredu Bioamrywiaeth 2022-2025
• Cynllun Gweithredu Rheoli Gwastraff 2021-2025
• Addysg ar gyfer Datblygu Cynaliadwy
• Cyfleoedd i staff a myfyrwyr i oruchwylio a chymryd rhan ynghylch y Strategaeth a Polisi Cynaliadwyedd
• Mae rhaglen sefydlu gyffredinol ar gael i fyfyrwyr, yn ogystal â hyfforddiant ar sail pynciau ar gyfer Cyfadrannau penodol a ddarperir gan y Tîm Cynaliadwyedd.  Mae enghreifftiau i'w gweld ar ein tudalen we Sefydlu a Hyfforddiant  ac ar Canvas er enghraifft: Sesiwn Sefydlu Diogelwch a Chynaliadwyedd y Gyfadran Gwyddoniaeth a Pheirianneg i Fyfyrwyr Ôl-raddedig a Chyflwyniad Diogelwch a Chynaliadwyedd i Labordai y Gyfadran Meddygaeth, Iechyd a Gwyddor Bywyd i Fyfyrwyr Ôl-raddedig.
• Mae Pwyllgor Cynaliadwyedd Undeb y Myfyrwyr yn fecanwaith allweddol ar gyfer ymgysylltu’n uniongyrchol â’r myfyrwyr am Strategaeth Cynaliadwyedd ac Argyfwng Hinsawdd y Brifysgol, a’r Cynllun Trywydd i Sero cysylltiedig. Rheolir y Pwyllgor gan yr Undeb a cheir mewnbwn gan Dîm Cynaliadwyedd y Brifysgol. Mae pob menter ymgysylltu â myfyrwyr sy’n cynnwys rheoli carbon yn cael ei thrafod yma a gwneir cynlluniau ar y cyd ar gyfer cydweithio parhaus rhwng staff a myfyrwyr ar newid yn yr hinsawdd. Darllenwch Gylch Gorchwyl Pwyllgor Cynaliadwyedd Undeb y Myfyrwyr i ennyn diddordeb staff, myfyrwyr a'r gymuned leol mewn cynaliadwyedd.
• Mae Prifysgol Abertawe a'i myfyrwyr hefyd yn cymryd rhan yng nghynllun Switch Off SOS UK hefyd.

Wythnos Byddwch yn gwyrdd

Ym mis Ebrill 2024, cydweithiodd y Tîm Cynaliadwyedd gyda dros 30 o gwmnïau a sefydliadau lleol, yn ogystal â Chymdeithasau Myfyrwyr a grwpiau ymchwil, i gynnal y ffair byddwch yn gwyrdd ac dros 30 digwyddiad ar campws i ymgysylltu staff, myfyrwyr, a'r gymuned leol mewn cynaladwyedd. 

Prosiectau Cynaliadwyedd Undeb y Myfyrwyr

Isod mae rhai o brosiectau allweddol Undeb y Myfyrwyr ar gyfer 2023/24:

• Ym mis Ebrill 2024, cydweithiodd Undeb y Myfyrwyr a'r tîm Cynaliadwyedd i recriwtio myfyrwyr i dîm casglu sbwriel ar gyfer digwyddiad Varsity Cymru i'w gynnal ym Mharc Chwaraeon Bae Abertawe.
• Ymgyrch ‘Cynaliadwyedd am Geiniog a Dimau' i amlygu sut i fyw'n gynaliadwy ar gyllideb.
• Pasiwyd Cynnig Gyrfaoedd Di-ffosil yn un o'r Fforymau Myfyrwyr.
• Cynnig cynhyrchion mislif di-blastig i bob myfyriwr yn ein swyddfeydd Undeb y Myfyrwyr.
• Yn 22/23, cyflawnodd Undeb y Myfyrwyr sgôr 'Rhagorol' yn ein gwobr Effaith Werdd gydag Undebau Myfyrwyr eraill ledled y DU, sef y sgôr uchaf, a nhw oedd â'r sgôr uchaf ymhlith yr holl genhedloedd (Cymru, yr Alban a Gogledd Iwerddon).

Cymorth i Bartneriaethau Cymunedol Lleol

• • Rydym wedi ymrwymo i hwyluso gwirfoddoli gan staff a myfyrwyr ar gyfer cynaliadwyedd a llesiant yn y gymuned leol a thu hwnt. Mae'r tîm Cynaliadwyedd yn gweithio ochr yn ochr â'n helusen ar y campws, Discovery, i gynnig cyfleoedd i fyfyrwyr a staff gefnogi partneriaethau cymunedol lleol, gan gynnwys hwyluso a hyrwyddo gwirfoddoli drwy ein gwaith cynaliadwyedd ac yn benodol ym maes Bioamrywiaeth a chadwraeth. Rydym wedi gweithio gyda Discovery hefyd i weithredu polisi gwirfoddoli staff sy'n galluogi staff i wirfoddoli gyda Discovery mewn amrywiaeth o ffyrdd. 
  • Mae'r Tîm Cynaliadwyedd wedi gweithio'n agos gyda Chanolfan yr Amgylchedd Abertawe i ddod â'u Repair Cafe i'r campws ar ddau achlysur yn 2023. Daeth myfyrwyr a staff ag eitemau megis dillad, gliniaduron ac offer i'w hatgyweirio, gan leihau'r angen i brynu eitemau newydd. 
  • Mae cymdeithas Cadwraeth Undeb y Myfyrwyr, gyda chefnogaeth yr Adran Ystadau a'r Gyfadran Gwyddoniaeth a Pheirianneg, wedi gweithio i ennill achrediad Aur o dan y cynllun Campws Cyfeillgar i Ddraenogod yn 2022/23.
  • Mae staff yn cael eu gwobrwyo am wirfoddoli drwy ein ap SWell ac mae myfyrwyr yn cael eu hannog a'u cefnogi i wirfoddoli fel rhan o'r profiadau sydd eu hangen i ennill ein Gwobr Cynaliadwyedd Prifysgol Abertawe HEAR.
  • Dyma rai enghreifftiau diweddar o wirfoddoli cymunedol a gweithredu dros Gynaliadwyedd a Llesiant yn Abertawe:
  • Sesiwn Codi Sbwriel Prifysgol Abertawe 2023 i Nodi Coroni'r Brenin
  • Creu ymylon blodau gwyllt yn Abbey Meadow
  • Diwrnod allgymorth ecoleg i ddisgyblion ysgol lleol mewn partneriaeth ag Ymestyn yn Ehangach
  • Oergell Gymunedol ar y campws mewn partneriaeth â Goleudy
  • Wythnos Go Green 2023  

Cronfeydd ar gyfer prosiectau cynaliadwyedd a lles wedi'u harwain gan fyfyrwyr

Gall myfyrwyr gael cyllid i wneud prosiectau sy'n ymwneud â Chynaliadwyedd a Lles drwy nifer o fentrau, gan gynnwys:

• Lleoliadau gwaith cynaliadwyedd, rhai gwirfoddol a rhai â thâl, gydag Academi Cyflogadwyedd Abertawe - mae enghreifftiau diweddar yn cynnwys: Interniaethau â Thâl Abertawe (SPIN) gyda'r Swyddog Teithio Cynaliadwy i ddadansoddi data allweddol am deithio myfyrwyr, a'r Swyddog Bioamrywiaeth i gwblhau asesiadau gwaelodlin o gynefinoedd y campysau.
• Mae'r tîm Cynaliadwyedd wedi ariannu'n rhannol MRes ar Effeithiau Amgylcheddol Hanner Marathon Abertawe a Digwyddiadau Mawr Eraill o ran Symud tuag at Sero Net.
• Mae'r Tîm Cynaliadwyedd yn cefnogi myfyrwyr a chymdeithasau Undeb y Myfyrwyr i gael cyllid, e.e. drwy gynllun SOS Student Eats Undeb Cenedlaethol y Myfyrwyr - mae prosiectau diweddar yn cynnwys: Prosiect tyfu ar y campws, Tyfu Tawe a gefnogir gan yr Ymddiriedolaeth Cadwraeth Dŵr.
• Gall cymdeithasau myfyrwyr hefyd wneud cais i'r Tîm Cynaliadwyedd am arian o Gronfeydd Grant Gwyrdd gwerth hyd at £250 ar gyfer prosiectau sy'n gysylltiedig â chynaliadwyedd. Mae'r cynllun hwn yn cael ei gynnal ochr yn ochr â'n cydweithwyr yn Undeb y Myfyrwyr.

• Dyfarnwyd Gwobr gwerth £15,000 i fyfyrwyr fel rhan o gyfranogiad y Brifysgol a’i chyfraniad at adroddiad y Royal Anniversary Trust, sy'n amlinellu cynllun uchelgeisiol ar gyfer datgarboneiddio’r sector addysg drydyddol. Teitl y prosiect oedd Atebion ar sail natur i gynyddu bioamrywiaeth a dal carbon o'r dirwedd ar y campws ac oddi arno. Cafodd y prosiect hwn, a arweiniwyd gan fyfyrwyr,  ei ddewis gan Brifysgol Abertawe a’i ddethol i gael cymorth cyllid gan Gronfa Gwobr Her Myfyrwyr Jiwbilî Platinwm y Frenhines.  Defnyddiodd fannau presennol y Brifysgol i greu darpariaethau ar gyfer bioamrywiaeth a dal carbon ar y campws ac yn yr ardal leol drwy gynhyrchu deunyddiau i helpu i adfer mawndiroedd ar raddfa eang ledled y rhanbarth, a chreu neu wella ardaloedd ar y safle i dyfu rhywogaethau cynhenid, megis migwyn a blodau gwyllt, a all wella cynefinoedd yn gyflym ac yn sylfaenol at ddibenion dal carbon a byd natur.

Sefydlu Staff

• Rhaid i bob aelod staff newydd gwblhau rhestr wirio sefydlu AD sy'n cynnwys hyfforddiant sefydlu gorfodol y mae cynaliadwyedd yn rhan ohono - gweler y sleid enghreifftiol: Sesiwn sefydlu i staff, gan yr adran AD
• Sesiynau sefydlu i gontractwyr - bydd hwn yn dod yn weminar ar-lein, gweler hefyd 8.1.10 Anghenion a Disgwyliadau o Gontractwyr.

Ymgysylltu â'r Undebau Llafur

• Mae'r Pwyllgor Cynaliadwyedd yn cynnwys aelodau o'r Undebau Llafur sy'n cymryd tro i anfon cynrychiolydd i gyfarfodydd
• Cylch Gorchwyl y Pwyllgor Cynaliadwyedd

• Ymgynghoriad ar Strategaeth Cynaliadwyedd ac Argyfwng Hinsawdd Prifysgol Abertawe 2021:
• Rhestr o Ymgyngoreion y Strategaeth Cynaliadwyedd
• Neges yr Is-ganghellor i Staff a Myfyrwyr am y Strategaeth Cynaliadwyedd

Cynrychiolaeth Myfyrwyr

Cynrychiolaeth myfyrwyr ar Bwyllgorau'r Brifysgol (h.y. Ystadau, Cynllunio, Cyllid a gwneud penderfyniadau strategol)

Dau bwyllgor lle mae myfyrwyr yn aelodau llawn:

• Y Pwyllgor Partneriaeth ac Ymgysylltu â Myfyrwyr
• Y Pwyllgor Partneriaeth ac Ymgysylltu â Myfyrwyr
• Y Pwyllgor Cynaliadwyedd
  • Cylch Gorchwyl y Pwyllgor Cynaliadwyedd

 Undeb y Myfyrwyr

Mae Prifysgol Abertawe yn gweithio'n gydweithredol gydag Undeb y Myfyrwyr i gefnogi eu gwaith tuag at wella cynaliadwyedd yn barhaus a lleihau'r effaith ar yr amgylchedd, drwy gyfres o fesurau rhagweithiol megis: mentrau Undeb y Myfyrwyr fel siopau Root a Root Zero, darparu cyngor a chymorth arbenigol, cynnal archwiliadau mewnol gan weithio tuag at achrediad EMS ISO 14001, creu Cynlluniau Gweithredu Cynaliadwyedd a gweithio gydag Undeb y Myfyrwyr a’i gymdeithasau i helpu i wireddu eu nodau cynaliadwyedd. Darllenwch ddatganiad Ymrwymiad Cynaliadwyedd Undeb y Myfyrwyr.

Yn 22/23, dyfarnwyd statws ‘Ardderchog’ i Undeb y Myfyrwyr yng Ngwobr Effaith Werdd SOS-UK.

Mae’r holl staff, gan gynnwys staff Undeb y Myfyrwyr, yn cael eu gwobrwyo am eu gweithredoedd cynaliadwyedd a llesiant yn y gwaith (yn y swyddfa ac yn eu cartrefi) ar SWell. Gall staff Undeb y Myfyrwyr gwblhau gweithgareddau cynaliadwyedd neu gymryd rhan mewn digwyddiadau i ennill pwyntiau SWell sy'n eu helpu i ddringo'r tabl ac ennill gwobrau. Gyda thalebau a gwobrau i'w hennill, yn ogystal â rhoddion elusennol i'r perfformwyr gorau, mae digon o ffyrdd i ennill gwobrwyon. Dysgu mwy a chofrestru gyda  SWell.

Dechreuodd Prifysgol Abertawe raglen Effaith Gwyrdd SOS-UK ym mis Hydref 2023, gan fabwysiadau’r pecyn cymorth sy’n cyd-fynd â'n Strategaeth Cynaliadwyedd ac Argyfwng Hinsawdd (2021-2025)

Gallwch weld cylchlythyrau diweddar SWell isod:

Mai 2024- Anghofiwch y Peiriant Torri Gwair. Mae’n fis Mai Di-dor!

Ebrill 2024- Peidiwch â cholli'r...🦔

Mawrth 2024- Diffodd, Ymgolli: Awr y Ddaear 2024

Chwefror 2024- Canfod Llonyddwch Yn Y Storm Hinsawdd

Ionawr 2024- A yw ‘Veganuary’ yn mynd â’ch bryd?

Rhagfyr 2023-  Gwersi COP28

Tachwedd 2023- Bargeinion Cynaliadwy Dydd Gwener Du

Hydref 2023- Eich Effaith drwy Ymgyrch #CleanUpOurAct

Medi 2023 - Tynnu, Codi ac Ennill: Ymgyrch Glanhau a Gweithredu mis Medi

Awst 2023- Grym Y Pedal

Darllenwch Fethodoleg Asesu People and Planet ar gyfer Addysg ar gyfer Datblygu Cynaliadwy

1.  Gweledigaeth Strategol a Diben Prifysgol Abertawe

Ym Mhrifysgol Abertawe, rydym yn cydnabod bod arfogi myfyrwyr â'r wybodaeth a'r ddealltwriaeth, yn ogystal â'r sgiliau a'r rhinweddau, i weithio mewn ffordd sy'n diogelu lles amgylcheddol, cymdeithasol ac economaidd, yn angenrheidiol wrth allu llywio dyfodol cynaliadwy. Mae Prifysgol Abertawe yn ymrwymedig ar y lefel uchaf i wreiddio cynaliadwyedd mewn addysgu, fel yr amlinellir yng Ngweledigaeth Strategol a Diben y Brifysgol.

Yn benodol, ar y lefel strategol uchaf, prif ymrwymiad ein Prifysgol yw “alinio ein gwaith â’r Nodau Datblygu Cynaliadwy."

Gweledigaeth Strategol a Diben Prifysgol Abertawe:

Ein hymrwymiadau: (tudalen 7)

Argyfwng yr hinsawdd yw'r bygythiad mwyaf sy'n wynebu ein cymdeithas o hyd. Byddwn yn alinio ein gwaith â'r nodau Datblygu Cynaliadwy a byddwn yn brifysgol ddi-garbon erbyn 2040.

Cyfrifoldeb cymdeithasol: (tudalen 22)

Byddwn yn gweithio i wreiddio'r Nodau Datblygu Cynaliadwy ym mhob rhan o'n cwricwlwm, gan gysylltu addysgu â heriau cymdeithasol. Byddwn yn cynyddu'r gyfran o'n staff sy'n dod o gefndiroedd BAME ar bob lefel a byddwn yn cynnwys rhagor o safbwyntiau Du, Asiaidd a Lleiafrifoedd Ethnig yn ein cwricwlwm i leihau'r bwlch mewn cyrhaeddiad. Rydym hefyd yn cydnabod y dylai dysgu fod yn weithgarwch gydol oes a byddwn yn cynyddu cyfleoedd i oedolion sy'n dysgu feithrin sgiliau newydd a dilyn trywydd eu diddordebau deallusol.

Ein Hymchwil: (tudalen 26)

Mae ein hymchwil yn newid bywydau, yn ysgogi arloesi a thwf rhanbarthol ac mae'n cydweddu â Nodau Datblygu Cynaliadwy'r Cenhedloedd Unedig. Mae'n effeithio ar ein diwylliant a'n cymdeithas, yn ogystal ag ar ein hiechyd a'n lles, ein heconomi a'n planed. Rydym yn ysgogi newidiadau mewn polisi yn genedlaethol ac yn rhyngwladol. Rydym ar flaen y gad mewn llawer o feysydd, gan gynnwys: gweithgynhyrchu uwch ac arloesi ym maes ynni glân a'r economi ddigidol; nanoiechyd a dadansoddi data iechyd ar raddfa fawr; gwerthuso'r farchnad lafur, defnydd gan derfysgwyr o'r rhyngrwyd a chadwraeth ein treftadaeth ddiwydiannol. Rydym yn archwilio ffyrdd newydd o asesu a lliniaru'r risgiau sy'n gysylltiedig ag argyfwng yr hinsawdd ac rydym yn gweithio i amddiffyn y bobl fwyaf agored i niwed yn ein cymdeithas ac i gyfoethogi bywydau pawb drwy ein dealltwriaeth o hanes a'r celfyddydau.

Ein Blaenoriaethau Ymchwil: (tud 29)

Byddwn yn sefydlu'r Sefydliad Uwch-astudiaethau cyntaf yng Nghymru â phwyslais penodol ar ymchwil ryngddisgyblaethol sy'n cael effaith ac sy'n berthnasol i bolisïau ac yn ymateb i'r nodau Datblygu Cynaliadwy.

2.  Gweithredu ac Olrhain Cynnydd mewn Addysg ar gyfer Datblygu Cynaliadwy

Mae'r Tîm Cynaliadwyedd wrthi’n recriwtio asiant newid Addysg ar gyfer Datblygu Cynaliadwy ar hyn o bryd ac mae'n trafod ag Undeb y Myfyrwyr er mwyn ein galluogi ni i fynd ati i gyflawni achrediad Dyfodol Cyfrifol Undeb Cenedlaethol y Myfyrwyr. Yn y cyfamser, rydym yn defnyddio ein system rheoli amgylcheddol allanol a chyfres o brosesau archwilio mewnol, ynghyd â mapio gwaith Nodau Datblygu Cynaliadwy ar draws y Brifysgol, gan gynnwys addysgu ac ymchwil yn yr holl gyfadrannau, fel rhan o ofyniad y Cytundeb Nodau Datblygu Cynaliadwy.

Rhestr gyfoes o gyrsiau a rhaglenni Prifysgol Abertawe wedi'u mapio i Addysg ar gyfer Datblygu Cynaliadwy; gweler: Crynodeb o gyrsiau sy'n gysylltiedig â'r Amgylchedd a Chynaliadwyedd Mawrth 2022

Cynnydd Prifysgol Abertawe ym maes Addysg ar gyfer Datblygu Cynaliadwy

Cyfadran y Dyniaethau a'r Gwyddorau Cymdeithasol Prifysgol Abertawe – Mae'r Ysgol Reolaeth yn aelod o Egwyddorion y Cenhedloedd Unedig: ar gyfer Addysg Rheolaeth Gyfrifol (PRME).

"Gan weithio trwy'r Chwe Egwyddor, mae PRME yn ymgysylltu ag ysgolion busnes a rheolaeth i sicrhau eu bod yn darparu arweinwyr y dyfodol sydd â'r sgiliau y mae eu hangen arnynt i gydbwyso nodau economaidd a chynaliadwyedd, wrth dynnu sylw at y Nodau Datblygu Cynaliadwy (SDG) a chydweddu sefydliadau academaidd â gwaith Cytundeb Byd-eang y Cenhedloedd Unedig." Mae PRME y Cenhedloedd Unedig yn gofyn i aelodau gwblhau asesiad bob dwy flynedd ac adrodd ar gynnydd yn erbyn chwe egwyddor PRME sy'n cynnwys cydweddu cwricwla ac ymchwil ag ymrwymiadau ac agenda'r Nodau Datblygu Cynaliadwy. Adroddiad perfformiad diweddaraf Prifysgol Abertawe. Ragor o wybodaeth am PRME y Cenhedloedd Unedig a sut i gymryd rhan.

Cynnydd Prifysgol Abertawe ym maes Addysg ar gyfer Datblygu Cynaliadwy drwy dablau Cynaliadwyedd QS

Dyfarnwyd bod Prifysgol Abertawe rhwng 80fed safle ymysg prifysgolion y byd yn ôl tablau Cynaliadwyedd QS. Mae'r tablau'n cynnwys asesu a meincnodi addysg ac ymchwil cynaliadwy, cyflogadwyedd a chyfleoedd, effaith amgylcheddol a chymdeithasol, cydraddoldeb, ansawdd bywyd, effaith addysg a sefydliadau cynaliadwy Prifysgol Abertawe.

Cynnydd Prifysgol Abertawe ym maes Addysg ar gyfer Datblygu Cynaliadwy drwy asesiadau effaith, adroddiadau a thablau Nodau Datblygu Cynaliadwy Addysg Uwch TIMES.

Mae Prifysgol Abertawe wedi bod yn cymryd rhan yn nhablau Effaith ar gyfer Nodau Datblygu Cynaliadwy Addysg Uwch TIMES ers 2022 ac mae hi rhwng 65ain safle ar hyn o bryd ymysg prifysgolion y byd ac mae hi wedi ennill yrsafle 9 ar gyfer SDG12. Tablau perfformiad byd-eang yw Tablau Effaith Addysg Uwch Times, sy'n asesu prifysgolion sy'n cymryd rhan yn erbyn Nodau Datblygu Cynaliadwy’r  Cenhedloedd Unedig (SDG). Mae dangosyddion perfformiad yn rhoi gwybodaeth gymharol ar draws pedwar maes eang: ymchwil, stiwardiaeth, allgymorth ac addysgu. Mae hyn yn cefnogi Prifysgol Abertawe drwy ddarparu meincnod a fframwaith blynyddol, er mwyn llywio cynnydd a strategaeth yn erbyn amrywiaeth o ddangosyddion cynaliadwyedd gan gynnwys Addysg ar gyfer Datblygu Cynaliadwy. Prifysgol Abertawe yn adrodd ar gynnydd yn erbyn Nodau Datblygu Cynaliadwy'r Cenhedloedd Unedig.

Gwybodaeth a dolenni defnyddiol:

Sefydliad Ymchwil i Weithredu ar yr Hinsawdd Prifysgol Abertawe

3.  Cefnogi Staff Academaidd

Mae'r Brifysgol wedi ailwampio ei Gwobr Dinesydd Byd-eang (GCA), a gydnabyddir gan HEAR, yn ddiweddar. Mae gwobr GCA bellach yn cydweddu â Nodau Datblygu Cynaliadwy'r Cenhedloedd Unedig ac mae’n seiliedig ar egwyddorion cymwyseddau Addysg ar gyfer Datblygu Cynaliadwy UNESCO. Bellach, mae'r fformat diwygiedig yn integreiddio Addysg ar gyfer Datblygu Cynaliadwy yn fwy ffurfiol fel rhan o'r cwricwla ar draws cyfadrannau a chyrsiau. Mae'n gweithio'n uniongyrchol ag academyddion, ymchwilwyr a darlithwyr gwadd yn ogystal â chynnig cyfleoedd i wirfoddoli ac ymgysylltu â chymuned ehangach Prifysgol Abertawe.

Mae gwaith Addysg ar gyfer Datblygu Cynaliadwy'n cynnwys gofynion safonol, ond mae ef hefyd yn cynnig cyfleoedd am addasiadau penodol a chynnwys teilwredig gan ddibynnu ar y gyfadran/cwrs. Yr enghraifft ddiweddaraf oedd y cwrs wythnos o hyd a luniwyd yn benodol ar gyfer myfyrwyr MBA yn yr Ysgol Reolaeth. Gweler Amserlen Gwobr MBA Yr ysgol Reolaeth Ionawr 2024.

Yn ogystal â hyn, mae rhaglen Hyfforddiant Llythrennedd Carbon sefydliad-eang yn cael ei chyflawni ar hyn o bryd i staff a myfyrwyr. Mae cwrs ar-lein yn cael ei ddatblygu a chynhelir sesiynau hyfforddiant rheolaidd drwy gydol y flwyddyn.

4. Camau Gweithredu Addysg ar gyfer Datblygu Cynaliadwy

Mae Prifysgol Abertawe yn aelod o Addysg Egwyddorion Rheolaeth Gyfrifol ac mae wedi llofnodi'r rheini, sydd â'r nod o integreiddio agweddau ar Addysg ar gyfer Datblygu Cynaliadwy a Dinasyddiaeth Fyd-eang a chyfrifoldeb cymdeithasol corfforaethol ar draws cwricwla. Mae'r Brifysgol yn dangos ei chefnogaeth a'i hymroddiad i Addysg ar gyfer Datblygu Cynaliadwy drwy ystod o brosiectau arloesol ac amlddisgyblaethol ledled ein holl gyfadrannau ac adrannau.

Mae enghreifftiau o waith adrannau academaidd a chyfadrannau i hyrwyddo a chynnig cyfleoedd academaidd i fyfyrwyr i gymryd rhan a dysgu drwy ddysgu yn y byd go-iawn, yn cynnwys:

• Gwaith yr adran Wyddoniaeth a'i gwaith ymgysylltu cymunedol y maent yn ei wneud drwy Oriel Science a'i gwaith tuag at Nodau Datblygu Cynaliadwy'r Cenhedloedd Unedig.
• Y teithiau maes sydd ar gael drwy'r adrannau Biowyddoniaeth.
• Y cyfleoedd i ymgysylltu y mae'r tîm ymchwil yn yr adran Ddaearyddiaeth yn eu cynnig.
• Mae Dau ar Bymtheg yn brosiect sydd ar ddod gan y tîm Cynaliadwyedd â'r nod o godi ymwybyddiaeth a dealltwriaeth o bob un o 17 Nod Datblygu Cynaliadwy'r Cenhedloedd Unedig, drwy ddal lleisiau ein cenhedlaeth nesaf yn Abertawe drwy gystadleuaeth ar-lein.

Labordai Byw - Tystiolaeth o Brosiectau

Enghreifftiau o labordai byw mewn perthynas â Bioamrywiaeth ar y campws:

• Mae myfyrwyr israddedig Bioleg wedi bod yn defnyddio maglau camera i archwilio sut mae draenogod yn defnyddio Campws Singleton (Dr Daniel Forman (Athro Cysylltiol, Biowyddorau) – Academydd ym Mhrifysgol Abertawe sy’n defnyddio Campysau fel Labordai Byw, gwybodaeth am ein Tiroedd).
• Mae SoDdGA Twyni Crymlyn yn cael ei ddefnyddio at ddibenion gwaith maes israddedigion, ac mae myfyrwyr bioleg yn eu hail flwyddyn yn cynnal archwiliadau i effaith gweithgaredd pobl ar fioamrywiaeth planhigion, ac mae myfyrwyr yn eu trydydd blwyddyn yn cynnal arolygon cynefinoedd cam un estynedig.
• Mae SoDdGA Twyni Crymlyn yn cael ei ddefnyddio at ddibenion ymchwil israddedig ac ôl-raddedig, gan gynnwys effaith pori ar gymunedau o beillwyr ar y morfeydd heli, effaith rhywogaethau goresgynnol a rheolaeth ar gynefinoedd twyni tywod ac effaith mynd â chŵn am dro ar y defnydd o'r glannau gan adar rhydiol, ymysg llawer o bethau eraill.
• Mae myfyrwyr peirianneg sifil israddedig yn defnyddio'r twyni i ddatblygu sgiliau arolygu a Amrywiad Gofodol mewn Esblygiad Twyni Arfordirol mewn Amgylchedd Amrediad Penllanw.

Enghreifftiau o labordai byw mewn perthynas ag Ynni a Charbon ar y campws:

Mae campws y bae yn gartref i SPECIFIC: ADEILADAU YMCHWIL SOLAR A GWEITHREDOL. Mae ymchwilwyr ar y prosiect, gan gynnwys yr Athro Dave Worsley o Brifysgol Abertawe’n rhan o’r ystafell ddosbarth ynni cadarnhaol gyntaf yn y DU, sy’n cynhyrchu, yn storio ac yn rhyddhau ei hynni solar ei hun.

Fel rhan o'r rhaglen Meistr Peirianneg EG-M85, mae myfyrwyr Prifysgol Abertawe yn gweithio gyda thîm Gwasanaethau Technegol Ystadau ar y modiwl Rheoli Prosiect i adrodd ar sut y gall y campws weithio mewn ffordd fwy cynaliadwy. Darperir data defnyddio amwynderau manwl a chyfoes i fyfyrwyr (drwy'r prif ddarlithydd, Dr Kiyohide Wada). Mae hyn yn gwella'r profiad dysgu, gan ei droi o brosiect "ffuglennol" i sefyllfa "byd go iawn" lle gall Prifysgol Abertawe ddefnyddio canlyniadau prosiect y myfyrwyr at ddibenion gwella cynaliadwyedd yn y dyfodol.

Ar y rhaglen Meistr hon, cynigir teithiau o amgylch y campws hefyd i ddangos y dechnoleg beirianneg sy'n darparu gwres a phŵer i adeiladau'r brifysgol ar hyn o bryd, yn enwedig y Rhwydwaith Gwres Rhanbarthol a'r Ganolfan Ynni ar Gampws Singleton.

Yn ogystal, mae adeiladau campws y Brifysgol wedi'u harolygu gan fyfyrwyr BEng i nodi lle gall mesurau goleuo LED ac arbed dŵr gael eu cyflwyno gydag amcangyfrif o gostau cyfalaf ac arbedion amwynderau a charbon posib.

Mae'r Brifysgol hefyd wedi datblygu nifer o grwpiau cysylltiedig sy'n gweithio tuag at y Grwpiau Addysg Uwch ar gyfer Cenedlaethau'r Dyfodol i Gymru. Drwy'r grŵp hwn, rydym yn canolbwyntio ar rannu arferion da ynghylch Addysg ar gyfer Datblygu Cynaliadwy a chynaliadwyedd, ac yn ddiweddar gwnaethom ddechrau rheoli Canolfan Ragoriaeth Ranbarthol y Cenhedloedd Unedig yng Nghymru. Mae grwpiau eraill sy'n gysylltiedig â'r Grwpiau Addysg Uwch ar gyfer Cenedlaethau'r Dyfodol i Gymru yn cynnwys:

• Grŵp Ymchwil ac Arloesi'r Economi Gylchol (y cadeirydd yw Gavin Bunting, Prifysgol Abertawe).
• Dysgu ac Addysgu ar gyfer Addysg ar gyfer Datblygu Cynaliadwy a Dinasyddiaeth Fyd-eang, Prifysgolion Iach.
• Cydweithredu â Byrddau Gwasanaethau Cyhoeddus.
• Adfywio a Chymunedau Cydlynol, Cyfathrebu Effeithiol.

Mae'r Brifysgol hefyd wedi datblygu nifer o grwpiau cysylltiedig sy'n gweithio tuag at y Grwpiau Addysg Uwch ar gyfer Cenedlaethau'r Dyfodol i Gymru. Drwy'r grŵp hwn, rydym yn canolbwyntio ar rannu arferion da ynghylch Addysg ar gyfer Datblygu Cynaliadwy a chynaliadwyedd, ac yn ddiweddar gwnaethom ddechrau rheoli Canolfan Ragoriaeth Ranbarthol y Cenhedloedd Unedig yng Nghymru. Mae grwpiau eraill sy'n gysylltiedig â'r Grwpiau Addysg Uwch ar gyfer Cenedlaethau'r Dyfodol i Gymru yn cynnwys:

• Grŵp Ymchwil ac Arloesi'r Economi Gylchol (y cadeirydd yw Gavin Bunting, Prifysgol Abertawe).
• Dysgu ac Addysgu ar gyfer Addysg ar gyfer Datblygu Cynaliadwy a Dinasyddiaeth Fyd-eang, Prifysgolion Iach.
• Cydweithredu â Byrddau Gwasanaethau Cyhoeddus.
• Adfywio a Chymunedau Cydlynol, Cyfathrebu Effeithiol.

5.  Ehangu mynediad at addysg uwch 

Mae Prifysgol Abertawe’n cynnig ystod o ysgoloriaethau i fyfyrwyr, gan gynnwys myfyrwyr rhyngwladol israddedig ac ôl-raddedig.  Mae hyn yn cynnwys pedair ysgoloriaeth ar gyfer myfyrwyr sy'n geiswyr lloches neu sydd wedi cael caniatâd yn ôl disgresiwn i aros ar sail Diogelwch Dyngarol.  Mae’r ysgoloriaethau yn talu'r costau dysgu llawn ar gyfer hyd y rhaglen radd.

Yn ogystal, roedd 8 ysgoloriaeth arall ar gael i fyfyrwyr israddedig rhyngwladol ar gyfer 2024 ac roedd cyfanswm o £12 miliwn ar gael ar gyfer ysgoloriaethau i fyfyrwyr ôl-raddedig y llynedd, gyda 24 o ysgoloriaethau ymchwil ôl-raddedig ar gael ar hyn o bryd i’r holl fyfyrwyr, gan gynnwys ceiswyr lloches a ffoaduriaid, (yn gywir ym mis Gorffennaf 2024 - bydd y niferoedd yn amrywio yn amodol ar ddyddiadau cau ceisiadau). Mae cyllid pellach ar gael ar gyfer ysgoloriaethau i fyfyrwyr rhyngwladol.

Yn ogystal â'r ysgoloriaethau, mae ein cydweithwyr BywydCampws wedi creu banc defnyddiol o adnoddau i geiswyr lloches a ffoaduriaid, y gellir eu cyrchu ar eu tudalennau gwe.

Darllenwch Fethodoleg Asesu People and Planet ar gyfer Ffynonellau Ynni.

Asesir yr adran hon ar sail data perfformiad blynyddol y Brifysgol yr adroddir amdano'n gyhoeddus, sydd ar gael ar wefan Asiantaeth Ystadegau Addysg Uwch o dan Gofnodion Rheoli Ystadau.

Darllenwch Fethodoleg Asesu People and Planet ar gyfer Gwastraff ac Ailgylchu.

Cynllun Gweithredu Rheoli Gwastraff 2021 - 2025

Asesir yr adran hon ar sail data perfformiad blynyddol y Brifysgol yr adroddir amdano'n gyhoeddus, sydd ar gael ar wefan Asiantaeth Ystadegau Addysg Uwch o dan Gofnodion Rheoli Ystadau.

Mae Prifysgol Abertawe wedi ymuno â'r platfform ailddefnyddio ar-lein, Warp It, sy'n galluogi staff Prifysgolion i hysbysebu celfi diangen, dod o hyd i eitemau a'u hawlio.Mae hyn y cyfrannu at well effeithlonrwydd adnoddau, mae'n lleihau nifer yr eitemau celfi sy'n cael eu hailgylchu'n ddiangen ac yn cefnogi'r economi gylchol.

Mae defnyddio Warp It yn helpu'r Brifysgol i leihau nifer yr eitemau celfi mewn cyflwr da sy'n cael eu gwaredu, gan leihau ein costau gwaredu a'n hôl troed carbon. Gall staff chwilio am eitemau a'u hysbysebu o fewn y sefydliad, a gallant hyd yn oed lunio rhestr o'r pethau mae eu hangen arnynt a chael eu hysbysu pan fyddant ar gael. Mae hyn yn arbed arian, amser yn gwacáu ystafelloedd a lle.

Yn 2023, cyflawnodd Prifysgol Abertawe achrediad Dim Gwastraff i Safle Tirlenwi gan yr Ymddiriedolaeth Garbon, sy’n cydnabod ymrwymiad y Brifysgol at arallgyfeirio’r holl wastraff a gynhyrchir ar ei champysau o safleoedd tirlenwi, a rheoli gwastraff yn fwy effeithiol drwy wella atal, ailddefnyddio neu ailgylchu. Bydd defnyddio platfform Warp It yn cyfrannu at ymdrechion parhaus y Brifysgol i gyflawni'r ymrwymiadau a'r targedau lleihau hyn, yn ogystal â'n hymrwymiadau mewn perthynas â'r Argyfwng Hinsawdd, Caffael a Gwastraff a amlinellwyd yn Strategaeth Cynaliadwy ac Argyfwng Hinsawdd 2021-25, a bydd yn helpu i alinio'n gwaith i'r Nodau Datblygu Cynaliadwy a amlinellwyd yn y Weledigaeth Strategol a Phwrpas.

Gallwch ddarllen rhagor am ein gweithdrefnau a'n cyflawniadau Gwastraff ac Ailgylchu yma.

Darllenwch Fethodoleg Asesu People and Planet ar gyfer Lleihau Carbon.

Asesir yr adran hon ar sail data perfformiad blynyddol y Brifysgol yr adroddir amdano'n gyhoeddus, sydd ar gael ar wefan Asiantaeth Ystadegau Addysg Uwch o dan Gofnodion Rheoli Ystadau.

Darllenwch Fethodoleg Asesu People and Planet ar gyfer Lleihau Dŵr.

Asesir yr adran hon ar sail data perfformiad blynyddol y Brifysgol yr adroddir amdano'n gyhoeddus, sydd ar gael ar wefan Asiantaeth Ystadegau Addysg Uwch o dan Cofnodion Rheoli Ystadau.