Grace Simpson
Llenyddiaeth Saesneg a Hanes, BA
“Gall y broses o ddewis eich prifysgol achosi straen. Cofiwch anadlu a sylweddoli bod llawer o ddewisiadau ar gael i chi. Gan siarad o brofiad, os dewch chi i Brifysgol Abertawe trwy Glirio, fe gewch chi eich croesawu â breichiau agored.”
Fy Mhrofiad o Abertawe
Fe benderfynes i fynd trwy’r broses Glirio cyn y diwrnod canlyniadau arholiadau. Dros yr haf, fe ges i amser i fyfyrio ac roeddwn i’n gwybod ’mod i eisiau gallu newid fy newisiadau prifysgol. Fe ddewises i Brifysgol Abertawe ar sail profiad cadarnhaol ges i wrth ymweld ar gyfer diwrnod agored.
Fy Astudiaethau
Roedd y radd gydanrhydedd mewn Llenyddiaeth Saesneg a Hanes wedi fy ngalluogi i gyfuno fy nau hoff bwnc, ar yr un pryd â gallu astudio ystod eang o fodiwlau a thestunau diddorol. Rydw i wedi gallu teilwra fy newisiadau modiwlau a’m haseiniadau i’m diddordebau yn ogystal ag archwilio testunau a phynciau newydd.
Mae’r modiwlau rydw i wedi’u mwynhau eleni yn cynnwys: Gwneud Hanes, Ewrop Ganoloesol, y Gorffennol yn ei Le (modiwl taith faes), Hanfodion Saesneg, Byd y Ddrama Lwyfan a Llenyddiaeth a Chymdeithas yn Ewrop Ganoloesol.
Mae’r staff yn gymwynasgar, o’m tiwtor personol i staff y llyfrgell. Mae pawb yn y brifysgol eisiau i chi lwyddo.
Gweithgareddau Allgyrsiol
Fe ymunes i â’r Gymdeithas Hanes, sydd wedi fy ngalluogi i gyfarfod â chymaint yn fwy o bobl y tu hwnt i’m cydfyfyrwyr.
Rydw i hefyd wedi dechrau gwneud saethyddiaeth. Rydw i’n dwlu arni a bellach yn rhan o dîm cefnogol i saethu ag ef.
Pam Dewis Abertawe
Mae’r brifysgol yn rhyfeddol. Heblaw am fy narlithiau, rydw i’n dwlu ar Archifau Richard Burton y brifysgol a’r ffaith y galla’ i astudio yn union nesaf at y Gerddi Botanegol hardd.
Roedd fy mlwyddyn gyntaf ym Mhrifysgol Abertawe yn wych. Rydw i wedi cael rhai profiadau rhyfeddol; mae’r lleoliad yn wych, ac rydw i wedi gwneud cymaint o ffrindiau. Rydw i’n edrych ymlaen at barhau â’m taith ym Mhrifysgol Abertawe.
Efallai nad yw eich canlyniadau cystal ag roeddech chi'n gobeithio, neu efallai eich bod wedi newid eich meddwl am eich dyfodol ar y funud olaf, fydd hynny ddim yn eich rhwystro rhag astudio'r gyfraith yr hydref hwn. Mae Prifysgol Abertawe'n yma i helpu a byddwn yn rhoi i chi'r wybodaeth bydd ei hangen arnoch i sicrhau eich lle yn y brifysgol drwy'r system Glirio. Efallai eich bod yn teimlo’n llawn gofid ar hyn o bryd, ond ni fydd dod drwy'r system Glirio yn golygu diwedd eich gyrfa.
Hoffwn dy helpu i dynnu rhywfaint o'r straen o'r broses Glirio, felly rydw i wedi ateb ymholiadau cyffredin ac wedi darparu gwybodaeth ychwanegol, i dy helpu i baratoi ar gyfer Clirio a gwneud y gorau o'r broses gobeithio.
