Gweithio ar Broblemau Anodd mewn Cyd-destunau Heriol

Pensaernïaeth systemau cydweithio hyblyg ar gyfer rhyngweithiadau rhwng y bod dynol a robotiaid ar y llinell gydosod. Mae robotiaid awtomataidd yn chwarae rôl bwysig mewn gweithgynhyrchu modern, yn arbennig ar y llinell gydosod. Daw cyflymder cynyddol cyflwyno cynhyrchion newydd, yn arbennig y rheiny sydd â sawl amrywiaeth a hyd oes byr, ag ansicrwydd sylweddol i ddyluniad llinellau cydosod; ymhellach, er mwyn lleihau buddsoddiad cychwynnol, gallai cydosod â llaw fod yn fwy ffafriol. Felly, mae'n hynod ddymunol gallu datblygu systemau gweithgynhyrchu hyblyg a rhai y gellir eu hail-ffurfweddu. Bydd ymchwilwyr PhD yn archwilio datrysiadau i ecsbloetio cydweithrediad corfforol rhwng y bod dynol a robotiaid gan ystyried sut gall ffactorau dynol a materion diogelwch ynghyd â dealltwriaeth gweithwyr o waith effeithiol a boddhaus arwain at dechnegau rhyngweithio amlfodd newydd a phensaernïaeth systemau y gellir eu haddasu'n rhwydd i gau'r bwlch rhwng llinellau cydosod â llaw yn llwyr a llinellau gweithgynhyrchu llwyr awtomataidd.

Deallusrwydd cymysg: Ymgorffori dulliau gweithredu torfoli a deallusrwydd artiffisial. Mewn prosiect peilot rydym wedi lleoli system seinydd clyfar a bwerir gan ddyn ar strydoedd Dharavi (ardal eang o slym ym Mumbai). Ar yr un pryd mewnosodasom ddyfeisiau safonol Google "Home" a bwerir gan ddeallusrwydd artiffisial. Byddwn yn defnyddio'r data o'r ddau leoliad i ystyried sut gall dull gweithredu deallusrwydd cymysg ddarparu atebion gwell, mwy dynol eu natur. Gellir cymhwyso'r bensaernïaeth hon i sawl cyd-destun arall, yn eu dyheadau i gymysgu persbectifau cymuned leol ar lefydd gyda'i setiau data eang ac amrywiol a ysgogir gan synhwyryddion a rhai eraill.

Arloesi ffurfweddau a rhyngwynebau systemau drwy ddinoethiad i ddealltwriaeth o grwpiau terfysgol yn ecsbloetio technolegau a ysgogir gan ddata a deallusrwydd. Gyda chymdeithas yn dibynnu'n fwyfwy ar y systemau hyn, byddant yn dod yn dargedau cynyddol i ddrwgweithredwyr a bydd y grwpiau hyn hefyd yn defnyddio eu systemau eu hunain i ysgogi effeithiau negyddol. Gan ddefnyddio dealltwriaeth a gyfarwyddwyd gan ein timau bygythiadau seiber ar ddulliau gweithredu a chymhellion grwpiau o'r fath, bydd ymchwilwyr PhD yn dadorchuddio technegau dilysu newydd a all adnabod unrhyw ymyrraeth â systemau allweddol.

Dulliau prosesu darluniau newydd i fodloni anghenion gweithwyr iechyd proffesiynol drwy greu labordy patholeg rhithwir. Mae gweithwyr iechyd proffesiynol yn hynod fedrus yn ystyried canlyniadau profion amrywiol a chymhleth eu cleifion. Drwy ystyried eu prosesau a'u hymarferion, gall prosiectau PhD arwain at biblinau awtomatiaeth sy'n cefnogi'r galluoedd hyn yn well. Er enghraifft, gwneir miliynau o brofion gwaed bob blwyddyn yn y DU. Fel rheol, mae'r prosesau a ddefnyddir yn hynod awtomataidd ond mae'r mewnbwn cenedlaethol yn gyfyngedig. Yn ogystal, ni ellir gwneud nifer o archwiliadau ochr yn ochr â'i gilydd, felly'r mwyaf y rhagnodir, y mwyaf costus yw'r bil. Dull gweithredu aflonyddgar fyddai ystyried dichonoldeb labordy patholeg rhithwir ble gellir cael samplau gan naill ai ficrosgopeg 3D, neu ddyfeisiau nano-CT. Yn ddelfrydol, byddai labordy patholeg rhithwir yn sganio un sampl dynol ac yn creu hynny o allbynnau archwiliadau â phosibl ar unwaith gan na fyddai cost y profion hyn i gyd yn fwy na chost un prawf sengl.

Byddai hyn yn caniatáu i weithwyr iechyd proffesiynol gael trosolwg eang o iechyd y claf ac arwain at lai o oediad wrth roi diagnosis.

Dysgu dwfn i gynorthwyo â gwneud penderfyniadau cymhleth er budd cymdeithasol ac economaidd. Mae'r gallu i egluro'r rhesymwaith y tu ôl i benderfyniad yn bwysig mewn sawl cymhwysiad, megis mewn modelu trafodion ariannol i ddeall cyfleoedd buddsoddi posibl neu ddiagnosis meddygol lle fyddai clinigwyr yn hoff o wirio a dehongli'r penderfyniad a wnaed gan fodelau dysgu peirianyddol. Er bod modelu ar sail data wedi dangos ei fod yn gallu cynhyrchu perfformiad ar lefel dynol, mae gwneud penderfyniadau'r modelau cymhleth hyn yn afloyw ac mae ei broses gasglu yn wahanol iawn i brosesu dynol. Felly, mae dysgwyr yn cael trafferthion i ddeall eu canlyniadau neu ymddiried ynddynt. Y nod yw gwneud prosesau dysgu dwfn yn ddeongladwy gan fodau dynol drwy gyflwyno dulliau newydd ac ymgorffori technegau delweddu sy'n newid y dysgu dwfn "bocs du" hwn yn gyfrifiadura "bocs gwydr"/"bocs gwyn".