Mae Health and Social Care Heroes yn bodlediad newydd gan Brifysgol Abertawe, sydd â'r nod o ddangos y gyrfaoedd anhygoel sydd ar gael yn y sector iechyd a gofal cymdeithasol yn y DU. Caiff ei gyflwyno gan Sara Jones, Cyfarwyddwr Rhaglen y radd Iechyd a Gofal Cymdeithas, ar y cyd â Simeon Smith, Arbenigwr Cyflogadwyedd, a Sarah.
Pennod 1 - Dai Williams - Ffisioleg Gardiaidd
Yn y bennod hon o Health and Social Care Heroes, rydym yn sgwrsio â Dai Williams, Ffisiolegydd Cardiaidd Arbenigol ym Mwrdd Iechyd Prifysgol Cwm Taf Morgannwg. Mae Dai yn sôn am rôl allweddol ffisiolegwyr cardiaidd wrth roi diagnosis a thrin clefydau'r galon a sut mae'n cydbwyso arbenigedd technegol â gofal y claf. Darganfyddwch sut olwg sydd ar ei ddiwrnod arferol, heriau a buddion y rôl, a chyngor Dai i'r rheiny sydd â diddordeb yn yr yrfa gofal iechyd ddiddorol hon.
Dysgwch fwy am Yrfaoedd Iechyd y GIG: Cardiac sciences | Health Careers
Archwiliwch gyrsiau gwyddor gofal iechyd Abertawe: Healthcare Science (Cardiac Physiology), BSc (Hons) - Swansea University
Pennod 2 - Dr Bala Bhargav Parvatham - Rhoi'r gorau i Ysmygu ac Iechyd y Cyhoedd
Yn y bennod hon o Health and Social Care Heroes, Mae Dr. Bala Bhargav Parvtham, Ymgynghorydd Rhoi'r Gorau i Ysmygu yn Redbridge Quits Smoking a sylfaenydd Quiit Buddies, menter i gefnogi rhoi'r gorau i ysmygu yn India yn ymuno â ni. Mae Dr. Bala yn rhannu gwybodaeth am ei rôl, strategaethau allweddol i helpu pobl i roi'r gorau i ysmygu, a'r sgiliau rhyngbersonol sy'n allweddol i hybu iechyd. Fel un o gyn-fyfyrwyr Prifysgol Abertawe, mae hefyd yn cynnig cyngor i fyfyrwyr sy'n dilyn gyrfaoedd mewn Iechyd Cyhoeddus.
Dysgwch fwy am Redbridge Quits Smoking: redbridge.gov.uk/health-and-wellbeing/stop-smoking
Archwiliwch MSc Iechyd Cyhoeddus a Hybu Iechyd Abertawe: swansea.ac.uk/postgraduate/taught/health-social-care/public-health-and-health-promotion-msc-pgdip/
Pennod 3 - Lisa Brunt - Entrepreneur Cymdeithasol
Yn y bennod hon o Health and Social Care Heroes, mae Lisa Brunt, sylfaenydd CREW Cymru a Future Focus - dwy fenter gymdeithasol arloesol sy'n cefnogi pobl ifanc trwy fentoriaeth a mentrau lles yn ymuno â ni. Mae Lisa'n rhannu ei thaith o'i gyrfa gynnar i sbardunwr newid arobryn, gan drafod realiti entrepreneuriaeth gymdeithasol. P'un a ydych chi'n fyfyriwr, yn weithiwr proffesiynol, neu'n entrepreneur, mae stori Lisa'n cynnig gwybodaeth hollbwysig ac ysbrydoliaeth i ddilyn llwybr sydd wedi'i gymell gan bwrpas. Ymunwch i glywed sut gall busnes a newid cymdeithasol ddod ynghyd er gwell.
Dysgwch fwy am Crew Cymru:crewcymru.co.uk
Archwiliwch BSc mewn Iechyd a Gofal Cymdeithasol: swansea.ac.uk/undergraduate/courses/health-social-care/health-and-social-care-bsc-hons/
Pennod 4 - Carla Dewick - Gweithiwr Cymdeithasol
Yn y bennod hon o Health and Social Care Heroes, rydym yn siarad â Carla Dewick - gweithiwr cymdeithasol profiadol a darlithydd presennol ym Mhrifysgol Abertawe. Mae Carla'n rhannu ei thaith bersonol i waith cymdeithasol, yn myfyrio ar gymhlethdodau emosiynol a moesegol y proffesiwn, ac yn cynnig cyngor gwerthfawr i fyfyrwyr sy'n ystyried yr yrfa lawn effaith hon. O reoli penderfyniadau diogelu plant, i bwysigrwydd gwaith tîm, meithrin ymddiriedaeth, a darparu gwasanaethau yn Gymraeg, mae Carla'n darparu golwg byd go iawn ar yr hyn mae'n ei gymryd i ffynnu yn y maes hwn. Os ydych chi'n chwilfrydig am waith cymdeithasol, mae'r bennod hon yn taflu goleuni ar heriau, buddion a diben y llwybr gyrfa hwn.
Archwiliwch gyrsiau Gwaith Cymdeithasol: swansea.ac.uk/undergraduate/courses/health-social-care/social-work-bsc-hons/
Pennod 5 - Tara Hughes - Ymchwilydd Gofal Cymdeithasol
Yn y bennod hon o Health and Social Care Heroes, rydym yn siarad â Tara Hughes, Swyddog Ymchwil Gofal Cymdeithasol sy'n gweithio gyda Phrifysgol Abertawe a Gofal Cymdeithasol Cymru. Mae Tara'n rhannu ei thaith i ymchwil, ei chefndir amrywiol mewn rolau megis Cyd-drefnu Ardal Leol, a sut mae ymarfer ar sail tystiolaeth yn llywio dyfodol gofal. Rydym yn archwilio effaith ymchwil ar bolisi, gwasanaethau cymunedol, a datblygiad proffesiynol, yn ogystal â'r sgiliau sydd eu hangen i ffynnu yn y maes hwn. P'un a ydych chi'n fyfyriwr, yn ymarferwr, neu'n chwilfrydig am ymchwil mewn gofal cymdeithasol, mae gwybodaeth Tara'n cynnig cyngor ymarferol ac ysbrydoliaeth i wneud gwahaniaeth ystyrlon.
Archwiliwch gyfleoedd gwyddor data poblogaethau ym Mhrifysgol Abertawe: popdatasci.swan.ac.uk
Dysgwch fwy am Ofal Cymdeithasol Cymru: socialcare.wales
Croeso i'r Podlediad
Dewch i adnabod eich gwesteiwyr wrth i ni gyflwyno ein podlediad newydd sbon; croesawu gwesteion o bob rhan o’r sector a fydd yn eich ysbrydoli a’ch arwain drwy’r rolau amrywiol a gwerth chweil sy’n gwneud gwahaniaeth yn y cymunedau iechyd a gofal cymdeithasol.
Pennod 1 - Health and Social Care Heroes: Emma Gardiner, Age Cymru Gorllewin Morgannwg
Yn y bennod gyntaf hon, rydym yn clywed gan Emma Gardiner, Cydlynydd Gwasanaethau Cleientiaid yn Age Cymru, Gorllewin Morgannwg, i ddeall ei rôl a gwaith ymroddedig yr elusen wrth gefnogi pobl hŷn yn y gymuned. Mae Emma'n rhannu gwybodaeth am y gwasanaethau maen nhw'n eu darparu, o eiriolaeth i gymorth ymarferol, ac yn trafod y sgiliau sy’n angenrheidiol am yrfa yn y sector hollbwysig hwn. Gwrandewch i glywed am ei thaith gyrfa wobrwyol a'i chyngor i'r rhai sy'n ystyried llwybr tebyg.
Pennod 2 – Health and Social Care Heroes: Miranda Griffiths, Prosiect Teuluoedd Ifanc JIGSO
Yn y bennod hon, rydym yn sgwrsio â Miranda Griffiths, Arweinydd Tîm gyda Phrosiect Teuluoedd Ifanc JIGSO yn Abertawe. Mae JIGSO yn rhoi cymorth hanfodol i rieni ifanc a'u teuluoedd, gan roi arweiniad o ran sgiliau magu plant, cymorth iechyd meddwl a lles yn gyffredinol.Mae Miranda'n rhannu ei phrofiadau wrth helpu teuluoedd i lywio'r heriau, meithrin gwydnwch a chreu amgylchoedd iachach i'w plant.Gwrandewch i ddysgu mwy am y gwaith llawn effaith hwn a darganfod llwybrau i yrfaoedd yn y gwasanaethau cefnogi teuluoedd a chymunedau.
Pennod 3 – Health and Social Care Heroes: Emily Murphy – Elusen Digartrefedd Ieuenctid Llamau
Ar gyfer ein trydedd bennod, rydym yng nghwmni Emily Murphy, Rheolwr Codi Arian Cymunedol yn Llamau, elusen flaenllaw yng Nghymru sy'n canolbwyntio ar gefnogi pobl ifanc sy'n wynebu digartrefedd a menywod y mae cam-drin domestig yn effeithio arnynt. Mae Emily yn rhannu'r gwaith llawn effaith y mae Llamau'n ei wneud i ddarparu tai diogel, gwasanaethau cymorth ac eiriolaeth, wrth hefyd drafod llwybrau gyrfaol yn y sector nid-er-elw a'r sgiliau angenrheidiol ar gyfer ffynnu.
Pennod 4 – Health and Social Care Heroes: Alan Burnell OBE, Family Futures
Yn y bennod hon, rydym yn sgwrsio ag Alan Burnell OBE, sefydlydd a chyn-brif swyddog gweithredol Family Futures, sefydliad nid er elw yn Llundain sy'n ymroddedig i fabwysiadu a chymorth ar ôl mabwysiadu. Mae Family Futures yn darparu gofal therapiwtig arbenigol i blant sydd wedi profi trawma cynnar, ynghyd â rhoi cymorth i'r teuluoedd sydd wedi'u mabwysiadu nhw. Mae Alan yn rhannu ei daith dros 30 mlynedd o weithio yn y maes hwn, yn trafod datblygu Family Futures a'i ymagwedd unigryw a chyfannol at iachau. Mae hefyd yn cynnig cipolwg gwerthfawr i fyfyrwyr sydd â diddordeb mewn gyrfa ym maes therapiwtig, y gwasanaethau cymdeithasol a chymorth i deuluoedd.
Pennod 5 - Health and Social Care Heroes: Lowri Bernard – Clwyd Primary School
Ar gyfer ein pennod olaf o Arwyr Iechyd a Gofal Cymdeithasol, rydym yn eistedd i lawr gyda Lowri Bernard, Swyddog Cyswllt Teuluol yn Ysgol Gynradd Clwyd. Mae Lowri yn rhoi cipolwg mewnol ar ei rôl yn cefnogi myfyrwyr a theuluoedd, cryfhau'r cysylltiad cartref-ysgol, a sicrhau bod myfyrwyr yn ffynnu yn academaidd ac yn bersonol. Mae hi’n rhannu heriau a gwobrau ei gwaith o ddydd i ddydd, yn ogystal â’r sgiliau a’r ymroddiad sydd eu hangen ar gyfer gyrfa ym maes cefnogi teuluoedd o fewn y sector addysgol.
Mae Lowri hefyd yn cynnig cyngor gwerthfawr i fyfyrwyr sy’n dyheu am wneud gwahaniaeth ym mywydau plant trwy rolau tebyg mewn ysgolion a chymunedau.
