Peirianneg Electronig a Thrydanol, BEng (Anrh)

Mae clirio ar agor!

Gwnewch gais nawr
Charging electric car

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

O'r We Fyd-eang a rhwydweithiau ffonau symudol byd-eang i liniaduron, cerbydau trydan, a ffynonellau ynni adnewyddadwy, mae Peirianneg Electronig a Thrydanol yn llunio'r byd pob dydd o'n cwmpas.

Mae galw mawr am raddedigion Peirianneg Electronig a Thrydanol medrus ac mae cyfleoedd iddynt weithio ym mhob cwr o'r byd. Bydd y cwrs gradd hwn yn eich hyfforddi ar gyfer gyrfa ym meysydd peirianneg drydanol, electronig a nanobeirianneg mewn amrywiaeth eang o sectorau.

Byddwch yn datblygu galluoedd dadansoddi wrth gael profiad ymarferol o gyfarpar arbenigol uwch, gan feithrin sgiliau sy’n hanfodol ar gyfer gweithio yn y diwydiant.

Pam Peirianneg Electronig a Thrydanol yn Abertawe?

  • 9fed Yn Y Du Am Gymorth Academaidd* (NSS 2024)
  • Yn y 13eg safle yn y Deyrnas Unedig ar gyfer Rhagolygon Graddedigion (Guardian University Guide 2025)
  • Ymysg y 301-350 gorau yn y Byd ar gyfer Peirianneg - Electronig a Thrydanol (Tablau Prifysgolion y Byd QS 2025)

Mae'r cwrs hwn yn cynnig cyfle i chi dreulio BLWYDDYN MEWN DIWYDIANT (UCAS H604), yn y DU neu dramor, gan roi profiad gwerthfawr i chi yn y gweithle yn ogystal â chyflog sydd ar hyn o bryd yn £22,000 ar gyfartaledd i'n myfyrwyr. Darperir cymorth ac arweiniad i'ch helpu i sicrhau eich lleoliad gwaith.

Rydym hefyd yn cynnig yr opsiwn i chi dreulio BLWYDDYN DRAMOR(UCAS H603) mewn prifysgol bartner sy'n cyfoethogi'r radd, gan roi profiad diwylliannol gwerthfawr i chi a all ehangu'ch gorwelion wrth i chi geisio am swydd.

*Yn seiliedig ar y sgor gyfartalog ar gyfer agwedd gadarnhaol ar draws cwestiynau 15 i 16 yn Arolwg Cenedlaethol o Fyfyrwyr 2024 o'n cymharu ni a phrifysgolion eraill yn y Times Good University Guide.
 

HYFFORDDI PEIRIANWYR Y DYFODOL

Yn Abertawe, rydym yn ymfalchïo mewn cynnig addysgu ac ymchwil academaidd sy'n hollbwysig i'r diwydiant peirianneg electronig a thrydanol, a chadw ar flaen y gad yn y maes prysur hwn sy'n newid drwy'r amser, gan gynnwys:

  • Lled-ddargludyddion a Nanodechnoleg (e.e., Modelu Atomistig a Dyfeisiau, Deunyddiau a Dyfeisiau Lled-ddargludol, Systemau micro-electromecanyddol a nano-electromecanyddol, a nanoelectroneg)
  • Peirianneg Ynni a Phŵer (e.e. Electroneg Pŵer Uwch, Ynni Adnewyddadwy a Microgrid, Systemau Pŵer, Systemau Rheoli a Roboteg)
  • Cyfathrebu, Systemau a Meddalwedd (e.e. Deallusrwydd Artiffisial, Rhwydweithiau Ffonau Symudol, Antenau, Y Rhyngrwyd Pethau, Micro-loerennau, Dylunio Cylchedau Analog a Digidol, a Thechnolegau Gwe Uwch

 

Eich Profiad Peirianneg Electronig a Thrydanol

Mae ein cyfleusterau o'r radd flaenaf yn llywio llawer o’r addysgu ac ymchwil.   Gallwch gael profiad ymarferol yn gweithio gydag offer mesur sy'n bodloni safon y diwydiant, byrddau microreolydd, osgilosgopau digidol, gorsafoedd sodro, generaduron signal a meddalwedd peirianneg.

Byddwch yn gyfarwydd â sawl labordy, o'n labordy addysgu electronig/trydanol a chyfleuster cynhyrchu PCB, i gyfleusterau gwerth miliynau o bunnoedd, gan gynnwys:

  • Yn benodol, mae ein labordy PEPS yn gartref i'n gwely profi arddangos ynni adnewyddadwy, rig rheoli modur, cyfarpar nodweddu dyfeisiau pŵer, dadansoddwr lled-ddargludyddion, gorsaf chwilied ar gyfer dyfeisiau pŵer electronig a rig profi dibynadwyedd dyfeisiau
  • Mae'r labordy Antenau Cyfathrebu 6G AI yn cynnal ymchwil arloesol i gwmnïau haen 1 y DU / yr UE / yr UD ar gyfer dyfeisiau a cherbydau diwifr modern
  • Hefyd, mae’r Ganolfan Deunyddiau Lled-ddargludol Integreiddiol (CISM) yn sefydliad ymchwil a datblygu lled-ddargludyddion, sy’n gartref i gyfleusterau ar gyfer twf lled-ddargludyddion manwl gywir, ystafelloedd glan wedi'u hachredu gan ISO ar gyfer creu dyfeisiau electronig a ffotonig, offer nodweddu deunyddiau nanoraddfa, ac offer profi dyfeisiau noeth ac wedi'u pecynnu.

Byddwch yn gweithio mewn amgylchedd ymchwil ffyniannus lle cynhelir ymchwil ryngwladol o fri yn y tri maes rydym yn flaenllaw ynddynt sef Lled-ddargludyddion a Nanodechnoleg, Peirianneg Ynni a Phŵer a Chyfathrebu, Systemau a Meddalwedd.

Cyfleoedd Cyflogaeth Peirianneg Electronig a Thrydanol

Gall ein graddedigion achub ar amrywiaeth o gyfleoedd gyrfa cyffrous gan gynnwys:

  • Peiriannydd Systemau Pŵer
  • Peiriannydd Ynni Adnewyddadwy
  • Peiriannydd Meddalwedd
  • Peiriannydd Dyfeisiau
  • Peiriannydd Prosesu Lled-ddargludol
  • Peiriannydd Rheoli ac Offeryniaeth
  • Peiriannydd Dylunio Cylchedau Electronig
  • Peiriannydd Systemau RF (Amleddau Radio)
  • Peiriannydd Rhwydwaith

Mae Peirianwyr Electronig a Thrydanol yn ennill cyflogau sydd ymysg y rhai uchaf ar draws ffrydiau peirianneg gwahanol; y cyflog cychwynnol canolrifol ar gyfer Peiriannydd Electronig graddedig yn y DU yw £32,000. Mae llawer o'n graddedigion yn symud ymlaen i yrfaoedd diddorol gyda chwmnïau megis Tata Steel, Renishaw, Siemens, Babcock, Dyson, GE Power, Ericsson, Ministry of Defence, ac Airbus, gyda rhai yn symud ymlaen i uwch-swyddi gweithredol mewn cwmnïau amlwladol megis y Weinyddiaeth AmddiffynJaguar Land Rover a Babcock International.

Modiwlau

Yn bennaf, byddwch yn astudio cyfres benodedig o fodiwlau 10 credyd, gan arwain at brosiect ymchwil 30 credyd yn y flwyddyn olaf.

Peirianneg Electronig a Thrydanol

Peirianneg Electronig a Thrydanol gyda Blwyddyn Dramor

Peirianneg Electronig a Thrydanol gyda Blwyddyn Mewn Diwydiant