Peirianneg Electronig a Thrydanol, MEng (Anrh)

Mae clirio ar agor!

Gwnewch gais nawr
MEng Peirianneg Electronig a Thrydanol

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

O'r we fyd-eang a rhwydweithiau ffôn symudol, i chwaraewyr cerddoriaeth digidol a ffynonellau ynni adnewyddadwy, mae'r pwnc hwn yn llywio'r byd o'n cwmpas. 

Mae galw mawr am raddedigion Peirianneg Electronig a Thrydanol medrus ac mae cyfleoedd iddynt weithio ym mhob cwr o'r byd.

Bydd y cwrs gradd hwn yn eich hyfforddi ar gyfer gyrfa mewn swyddi ym maes trydan, electroneg a nanobeirianneg mewn amrywiaeth o sectorau. Mae'r MEng yn radd integredig pedair blynedd o hyd. Mae'n mynd y tu hwnt i'r BEng, gan gynnig sgiliau technegol ac arweinyddiaeth uwch, lefel ddyfnach o arbenigo a llwybr uniongyrchol i achrediad proffesiynol.

Wrth i chi fynd yn eich blaen drwy'r cwrs, bydd y galluoedd dadansoddol y byddwch yn eu datblygu yn cyfuno â phrofiad ymarferol o ddefnyddio cyfarpar arbenigol soffistigedig, gan feithrin sgiliau sy'n hanfodol i sicrhau cyflogaeth yn y diwydiant ehangach.

Pam Peirianneg Electronig a Thrydanol yn Abertawe?

  • 9fed Yn Y Du Am Gymorth Academaidd* (NSS 2024)
  • 13eg yn y DU am Ragolygon Graddedig (The Guardian University Guide 2025)
  • Un o’r 301-250 o Brifysgolion Gorau yn y Byd ar gyfer Peirianneg - Drydanol ac Electronig (QS World University Rankings 2025)

Mae'r cwrs hwn yn cynnig cyfle i chi dreulio BLWYDDYN MEWN DIWYDIANT (UCAS H601) yn y DU neu dramor, gan roi profiad gwerthfawr yn y gweithle yn ogystal â chyflog sydd ar hyn o bryd dros £15,000 ar gyfartaledd. Darperir cymorth ac arweiniad I’ch helpu i sicrhau lleoliad.

Rydym hefyd yn cynnig cyfle i chi ASTUDIO DRAMOR (UCAS H600) mewn prifysgol bartner sy'n cyfoethogi'r radd, gan roi profiad diwylliannol ac ieithyddol gwerthfawr a all ehangu'ch gorwelion wrth drio am swydd.

*Yn seiliedig ar y sgor gyfartalog ar gyfer agwedd gadarnhaol ar draws cwestiynau 15 i 16 yn Arolwg Cenedlaethol o Fyfyrwyr 2024 o'n cymharu ni a phrifysgolion eraill yn y Times Good University Guide.
 

Eich Profiad Peirianneg Electronig a Thrydanol

Mae ein cyfleusterau o'r radd flaenaf yn llywio llawer o'r addysgu ac ymchwil. Gallwch gael profiad ymarferol yn gweithio gydag osgilagopi digidol, gorsafoedd sodro a generaduron signal.

Gallwch fagu profiad ymarferol o weithio ag osgilosgopau digidol, gorsafoedd sodro a generaduron signalau. Byddwch yn dod yn gyfarwydd â nifer o labordai, o'n labordy electroneg ein hunain a'r cyfleuster gwneuthuro byrddau cylched brintiedig, i labordy Electroneg Pŵer a Systemau Pŵer (PEPS) Wolfson, a'r labordy Dinas Glyfar ac Antena.

Ym Mhrifysgol Abertawe, byddwch yn gweithio mewn ac o amgylch amgylchedd ymchwil ffyniannus. Gwneir ymchwil fyd-enwog ym meysydd electroneg pŵer, telathrebu, nanodechnoleg a biometreg.

Cyfleoedd Cyflogaeth Peirianneg Electronig a Thrydanol

Mae graddedigion Peirianneg Electronig a Thrydanol yn cael eu rhoi ar ben y ffordd i gael amrywiaeth o gyfleoedd ysgogol. Gallai eich dyfodol fod yn unrhyw un o'r rolau canlynol.

  • Peiriannydd Darlledu
  • Peiriannydd Rheoli ac Offeru
  • Ymgynghorydd TG
  • Peiriannydd Rhwydwaith
  • Dadansoddwr Systemau
  • Rhaglennydd Amlgyfrwng

Mae graddedigion ym maes peirianneg electronig a thrydanol o Brifysgol Abertawe wedi symud ymlaen i fod yn uwch swyddogion gweithredol cwmnïau amlwladol, gan ymuno â sefydliadau fel y Weinyddiaeth Amddiffyn, Jaguar Land Rover a Babcock International.

Modiwlau

Yn bennaf, byddwch yn astudio cyfres benodedig o fodiwlau 10 credyd, gan arwain at brosiect ymchwil 30 credyd yn y flwyddyn olaf.

Peirianneg Electronig a Thrydanol

Peirianneg Electronig a Thrydanol gyda Blwyddyn Dramor

Peirianneg Electronig a Thrydanol gyda Blwyddyn mewn Diwydiant