Peirianneg Sifil, MEng (Anrh)

Mae clirio ar agor!

Gwnewch gais nawr
MEng Peirianneg Sifil

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Mae peirianwyr sifil yn rhan anhepgor o'r gwaith o ddylunio ein hamgylchedd adeiledig. O bontydd, twneli a systemau trafnidiaeth i adeiladau, amddiffynfeydd rhag llifogydd a systemau rheoli dŵr, mae eu gweithrediad yn hanfodol i gymdeithas fodern.

Mae'r cwrs gradd hwn yn rhoi sylfaen gadarn i chi ym maes dylunio a dadansoddi strwythurau peirianneg sifil. Byddwch yn meithrin sgiliau datrys problemau cymhleth a'r gallu i fraslunio a modelu datrysiadau peirianneg ac yn dod yn gyfforddus wrth baratoi adroddiadau technegol.

Mae'r MEng yn radd integredig pedair blynedd o hyd. Mae'n mynd y tu hwnt i'r BEng, gan gynnig sgiliau technegol ac arweinyddiaeth uwch, lefel ddyfnach o arbenigo a llwybr uniongyrchol i achrediad proffesiynol.

Wrth i chi fynd yn eich blaen drwy'r cwrs, bydd y galluoedd dadansoddol y byddwch yn eu datblygu yn cyfuno â phrofiad ymarferol o ddefnyddio cyfarpar o'r radd flaenaf, gan feithrin sgiliau sy'n hanfodol i sicrhau cyflogaeth mewn diwydiant peirianneg sifil.

Pam Peirianneg Sifil yn Abertawe?

  • 10fed Yn U Du Peirianneg Sifil (Daily Mail University Guide 2025)
  • Un o’r 201-275 o Brifysgolion Gorau yn y Byd ar gyfer Peirianneg - Sifil a Strwythurol (QS World University Rankings 2025)

Rydym hefyd yn cynnig cyfle i chi ASTUDIO DRAMOR (UCAS H207) mewn prifysgol bartner sy'n cyfoethogi'r radd, gan roi profiad diwylliannol ac ieithyddol gwerthfawr a all ehangu'ch gorwelion wrth drio am swydd.

Eich Profiad Peirianneg Sifil

Drwy astudio gradd fodern sydd â chysylltiadau agos â'r diwydiant sy'n datblygu'n gyflym, byddwch yn dysgu am arferion dylunio presennol a'r safonau peirianneg diweddaraf. Byddwn yn meithrin eich sgiliau modelu ar gyfrifiadur drwy eich annog i ddatblygu eich meddalwedd eich hun er mwyn dadansoddi problemau peirianneg sifil go iawn.

Byddwch yn cael budd o weithio â chyfleusterau soffistigedig gan gynnwys labordai o'r radd flaenaf ar gyfer addysgu strwythurau a phrofi deunyddiau.

Mae ein labordy hylifau yn cynnwys cafn arbrofi pum metr o hyd a labordy geomecaneg. Mae'n bosibl y byddwch hefyd yn defnyddio ein camerâu cyflym soffistigedig ar gyfer dadansoddi straen a delweddu 3D.

 

Cyfleoedd Cyflogaeth Peirianneg Sifil

Graddiodd Hannah Keating o Brifysgol Abertawe gyda gradd MEng mewn Peirianneg Sifil ac ymunodd â Laing O’Rourke fel Peirianydd Safle fel rhan o’u Rhaglen Raddedig.

"...Wnes i ddim cyrraedd lle’r ydw i heddiw heb gefnogaeth fy nheulu, fy ffrindiau, fy narlithwyr a’m hathrawon. Ches i ddim problemau wrth gael mynediad at faes sy’n cynnwys llawer iawn o ddynion ac mae hyn yn bennaf oherwydd yr anogaeth a gefais i gan y bobl sy’n agos ataf. Hoffwn achub ar y cyfle hwn i ymateb yn yr un modd a helpu i ysbrydoli peirianwyr ifanc drwy rannu fy stori."

Mae graddedigion MEng Peirianneg Sifil ym Mhrifysgol Abertawe yn cael eu rhoi ar ben y ffordd i gael amrywiaeth o gyfleoedd ysgogol yn y dyfodol. Gallai eich dyfodol fod yn unrhyw un o'r rolau canlynol.

  • Syrfëwr Rheoli Adeiladau
  • Peiriannydd Strwythurol
  • Peiriannydd Geotechnegol
  • Cynllunydd Tref
  • Peiriannydd Gwasanaethau Adeiladu
  • Daearegydd Peirianyddol
  • Ymgynghorydd Amgylcheddol
  • Syrfëwr Meintiau

Sam Ewetade - Peiriannydd Strwythur Sifil, Cavendish Nuclear

Cer ar daith dywys o amgylch ein cyfleusterau

Modiwlau

Byddwch yn astudio'r blociau canlynol o fodiwlau dros gyfnod eich astudiaethau, gan arwain at brosiect ymchwil 30 credyd yn eich blwyddyn olaf.

Peirianneg Sifil

Peirianneg Sifil gyda Blwyddyn Dramor

Peirianneg Sifil gyda Blwyddyn mewn Diwydiant