Swoleg, BSc (Anrh)

Mae gennym ni leoedd ar draws ystod eang o bynciau ar gyfer mynediad ym Medi 2025 - ffoniwch ein Llinell Cymorth Clirio ar 0808 175 3071.

Rydym hefyd yn croesawu ymholiadau gan ymgeiswyr sy’n ymchwilio i ddechrau cwrs yn 2026 - gweler ein Tudalen Gofynion Mynediad i gael gwybod am ystodau cynnig nodweddiadol, e-bostiwch ni neu ffoniwch 01792 295111.

A ydych yn fyfyriwr rhyngwladol sy'n aros am ganlyniadau arholiad neu sgôr prawf Iaith Saesneg? Os felly, byddem yn eich annog i gyflwyno cais drwy ein system ymgeisio uniongyrchol gan efallai na fyddwch yn gymwys am gynnig amodol.

Yn Abertawe, byddwch yn elwa o addysg o ansawdd uchel, sy'n seiliedig ar ymchwil, sy'n cyfuno ystod o ddulliau addysgu effeithiol a chynhwysol, wedi'u teilwra'n ofalus i weddu i anghenion eich cwrs. Addysgir y rhan fwyaf o gyrsiau wyneb yn wyneb, ar y campws, gan roi'r cyfle i chi ymgysylltu'n weithredol â myfyrwyr eraill, staff academaidd, a chymuned ehangach y brifysgol.

Gallwch ddisgwyl cymysgedd o ddarlithoedd, seminarau, gweithdai a sesiynau ymarferol - gan gynnwys gwaith labordy, hyfforddiant sgiliau, neu addysgu mewn stiwdio lle bo'n berthnasol i'ch disgyblaeth. Mae'r sesiynau hyn wedi'u cynllunio i annog cyfranogiad gweithredol, cydweithio, a datblygu sgiliau penodol i'r pwnc a sgiliau trosglwyddadwy.

Defnyddir offer dysgu digidol hefyd i wella'ch profiad dysgu. Gall y rhain gynnwys:

• Darlithoedd wedi'u recordio i gefnogi astudio ac adolygu hyblyg.
• Labordai rhithwir neu amgylcheddau wedi’u hefelychu, yn enwedig mewn gwyddoniaeth, gofal iechyd a disgyblaethau technegol.
• Adnoddau ar-lein ar amgylchedd dysgu rhithwir y brifysgol (Canvas), gan gynnwys fideos, deunyddiau darllen, cwisiau a fforymau trafod.

Mae'r dull hwn yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.

Efallai bydd y cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth cyfrwng Cymraeg sydd ar gael, gweler yr ehangydd Darpariaeth Gymraeg isod.

N.B. Os ydych chi'n fyfyriwr rhyngwladol sy'n astudio gyda Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn digwydd ar y campws.Yn unol â phrotocol Fisâu a Mewnfudo'r Deyrnas Unedig, bydd y sesiynau hyn yn cael eu monitro a bydd data ar gael ar gais.

Rhywfaint o ddarpariaeth

Darperir rhai elfennau o'r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn.

Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
• Cyfle am gyfweliad trwy gyfrwng y Gymraeg wrth wneud cais am le.
• Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
• Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
• Tiwtor Personol Cymraeg ei iaith.
• Cefnogaeth un i un i wella eich sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Mae'r rhaglen hon wedi'i hachredu gan y Gymdeithas Fioleg Frenhinol ar ôl cael ei hasesu'n annibynnol ac yn drylwyr. Mae rhaglenni gradd achrededig yn cynnig sylfaen academaidd gadarn o ran gwybodaeth fiolegol a sgiliau allweddol, ac maent yn paratoi graddedigion i ddiwallu anghenion cyflogwyr. Mae'r meini prawf achredu yn gofyn am dystiolaeth bod graddedigion o raglenni achrededig yn cyflawni setiau penodedig o ddeilliannau dysgu, gan gynnwys gwybodaeth am y pwnc, gallu technegol a sgiliau trosglwyddadwy.

Cewch eich addysgu gan ddarlithwyr o'r radd flaenaf sydd i gyd yn ymchwilwyr gweithredol. Mae eu gweithgareddau ymchwil mewn meysydd fel cadwraeth amgylcheddol, dyframaethu cynaliadwy, bioreolaeth a monitro rhywogaethau yn helpu i newid y byd er gwell.

• Yr Athro Dan Eastwood – Pennaeth Adran
• Dr Penny Neyland – Cyfarwyddwr y Rhaglen
• Dr Miguel Lurgi – Tiwtor Derbyniadau
• Dr Gethin Thomas - Uwch Ddarlithydd cyfrwng Cymraeg

Gweld yr holl staff Biowyddorau

Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.

Bydd ffioedd ar gyfer myfyrwyr Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae myfyrwyr sy'n dilyn ein cynlluniau gradd mewn Bioleg, Sŵoleg a Bioleg Môr yn gymwys i gael Ysgoloriaethau Cymhelliant os ydynt am gyflawni rhywfaint o'u hastudiaethau drwy gyfrwng y Gymraeg. Gall myfyrwyr sy'n bwriadu astudio o leiaf 33% o'u pwnc drwy gyfrwng y Gymraeg wneud cais. Rydym yn cynnig 40 o gredydau yn y Gymraeg ar bob lefel.

Rhagor o wybodaeth am ysgoloriaethau

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

• Côt Labordy a chyfarpar dyrannu (Lefel 1 ar gyfer pob rhaglen radd) - tua £30
• Cwrs maes Bioleg y Môr Trofannol yn Puerto Rico - (costau ~ £1200 - £1700 i'w gadarnhau)
• Taith maes tramor i Sikkim (Bioleg a Sŵoleg Lefel 3 - dewisol) - mae myfyriwr yn cyfrannu £ 500 tuag at deithio a llety

* Rydym hefyd yn cynghori pob myfyriwr i gael dillad awyr agored addas ac esgidiau synhwyrol (esgidiau glaw)

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Os ydych yn frwd dros ein planed a'r amgylchedd ac yn ystyried dilyn gyrfa ym maes biowyddorau yn y dyfodol, byddwch yn cael cyfle i weithio gyda staff sy'n cymryd rhan mewn prosiectau ymchwil o'r radd flaenaf, a dysgu ganddynt. Ymhlith y prosiectau hyn mae cadwraeth ein cefnforoedd a'u hecosystemau, datblygu technegau dyframaethu cynaliadwy a defnyddio algâu mewn ffyrdd arloesol er mwyn datrys heriau byd-eang y newid yn yr hinsawdd.

Mae ein graddedigion sŵoleg yn cael eu rhoi ar ben y ffordd i gael amrywiaeth o gyfleoedd ysgogol. Efallai y gwelwch mai gyrfa fel biotechnolegwr, cadwraethwr neu arbenigwr iechyd anifeiliaid fydd yn addas i chi yn y dyfodol.

Mae swolegwyr yn gwneud cyfraniad pwysig ym maes cadwraeth ond, hefyd, maent yn aml yn dylanwadu ar ddatblygiadau mewn sectorau fel amaethyddiaeth, bioleg môr, meddygaeth, iechyd y cyhoedd a gwasanaeth milfeddygol.

Mae 95% o raddedigion mewn cyflogaeth, a/neu'n astudio neu'n ymgymryd â gweithgareddau eraill fel teithio 15 mis ar ôl gadael Prifysgol Abertawe. (Arolwg Hynt Graddedigion HESA 2023) 

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein darlithwyr yn dilyn polisi ‘drws agored’ felly gallwch sgwrsio â nhw am unrhyw bryderon sydd gennych.

Mae gan bob cwrs gynrychiolydd myfyrwyr. Eu rôl yw gwrando ar eich barn ac adrodd yn ôl, mynychu cyfarfodydd rheolaidd a gwneud yn siŵr bod y bobl sy'n gallu gwneud newidiadau yn gwrando ar y bobl sydd wir yn bwysig - chi!

Rydym yn cynnig mentora academaidd a mentora gan gyfoedion. Caiff Mentor Academaidd ei neilltuo i bob myfyriwr a bydd y Mentor yn cynnig arweiniad academaidd ac yn rhoi cyngor ar gael gafael ar gymorth gyda phroblemau personol.

Gallwch hefyd gael cymorth gyda phroblemau personol gan ein hystod eang o wasanaethau cymorth i fyfyrwyr, fel BywydCampws, Gwasanaethau Cymorth Cynhwysol i Fyfyrwyr a'r Gwyddor yr Amgylchedd a'r Argyfwng Hinsawdd, BSc (Anrh).

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

Mae'r cwrs hwn ar gael gyda blwyddyn dramor. Mae myfyrwyr Sŵoleg wedi cwblhau blwyddyn dramor mewn cyrchfannau cyffrous ym mhob cwr o'r byd, diolch i'r cymorth a'r cyllid rydym yn eu cynnig. Ewch i dudalen cwrs BSc Sŵoleg gyda blwyddyn dramor. 

Ymgeiswyr o'r DU: Gwnewch gais nawr trwy'r system Glirio

I gael rhagor o wybodaeth, gweler ein Canllaw Clirio.

Ymgeiswyr rhyngwladol: Os nad yw eich canlyniadau i gyd gennych eto, gwnewch gais gan ddefnyddio ein system ymgeisio uniongyrchol rhad ac am ddim a byddwn yn ystyried gwneud cynnig amodol i chi. Gwnewch yn siŵr eich bod yn gwirio ein dyddiadau cau cyn i chi gyflwyno.

Ymgeiswyr o’r UE: mae gwybodaeth fisa a mewnfudo ar gael a bydd yn cael ei ddiweddaru’n rheolaidd ar ein tudalen Gwybodaeth i fyfyrwyr yr UE.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Mae gan bob un o'n cyrsiau Biowyddorau fodiwlau sy'n cynnwys cwrs maes. Mae Prifysgol Abertawe yn lle delfrydol i astudio Biowyddorau gan fod gennym leoliadau rhagorol ar garreg y drws ar gyfer bioleg, sŵoleg a bioleg môr. Rydym yn manteisio i'r eithaf ar ein hardal leol drwy ymweld ag ardal arfordirol Penrhyn Gŵyr, teithio ar ein cwch, yr RV Mary Anning, o gwmpas Bae Abertawe ac ymchwilio i'r fflora a ffawna hardd ar y tir ac yn y môr yn Ne Cymru.

Mae'r cwrs wedi cynnwys cyrchfannau ymhellach i ffwrdd hefyd, gan gynnwys Puerto Rico, Borneo a Sikkim ym Mynyddoedd Himalaia India. Mae'r teithiau bythgofiadwy hyn yn ffordd wych o ddysgu am amgylcheddau eraill a dod i adnabod eich cyd-fyfyrwyr a'ch darlithwyr a chydweithio â nhw.

Fel rhan o'r cynllun gradd hwn, byddwch yn gallu astudio yn un o'n hystod anferth o brifysgolion partner yn ystod eich trydedd flwyddyn. Mae astudio dramor yn gyfle gwych i brofi diwylliant arall, gwneud ffrindiau o bob cwr o'r byd a magu profiad gwerthfawr er mwyn eich paratoi ar gyfer byd gwaith ar ôl i chi gwblhau eich astudiaethau.

Mae lleoedd ac argaeledd yn newid yn flynyddol felly ni ellir trefnu cyrchfannau penodol ond, yn y gorffennol, mae myfyrwyr Biowyddorau wedi cwblhau eu blwyddyn dramor yn Awstralia, Canada, Singapôr, De Korea, Sbaen ac UDA.

Nid yn unig y byddwn yn eich paru â phrifysgol bartner ac yn cynnig cymorth i chi ar bob cam o'r broses, rydym hefyd yn cynnig amrywiaeth o fwrsarïau a grantiau pwrpasol er mwyn eich helpu i ariannu eich profiad rhyngwladol. Ceir rhagor o wybodaeth ar ein tudalennau Ewch yn Fyd-eang.

Bydd y flwyddyn yr ydych yn ei threulio mewn diwydiant yn cyfoethogi eich profiad o’r byd go iawn, boed hynny yn lleol neu dramor, gan roi mantais gystadleuol i chi wrth ymgeisio am swyddi. Fel myfyriwr Biowyddorau mae gennych ystod eang o sgiliau yn barod y byddwch yn eu hymestyn ymhellach fyth yn ystod eich blwyddyn mewn diwydiant.