Daearyddiaeth Ffisegol, BSc (Anrh)

Mae clirio ar agor!

Gwnewch gais nawr
Satellite view of Europe

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Archwiliwch y prosesau daearyddol sy'n dylanwadu ar y Ddaear, a meithrin sgiliau mewn pynciau technegol a gwyddonol fel daeareg, gwyddor hinsawdd, rhewlifeg, fwlcanoleg a monitro newid amgylcheddol o loeren.

Mae ein rhaglen BA Daearyddiaeth Ffisegol, sydd wedi’i hachredu gan y Gymdeithas Ddaearyddol Frenhinol (gyda Sefydliad Daearyddwyr Prydain), yn archwilio meysydd sy'n gorgyffwrdd â phynciau fel geoffiseg, hinsoddeg, meteoroleg a gwyddor y ddaear. Mae ein rhaglenni gradd Daearyddiaeth Ffisegol yn canolbwyntio ar ddadansoddi amgylcheddau ffisegol amrywiol yma yn y DU ac ar ein cyrsiau maes rhyngwladol, gan gynnwys amgylcheddau arfordirol, folcanig, ynysoedd a thectonig. Un o’r themâu craidd yw deall sut mae gweithredoedd dynol yn effeithio ar yr amgylchedd a heriau creu dyfodol cynaliadwy.

Bydd gennych fynediad i labordai arbenigol a chyfarpar maes i wneud gwaith prosiect, yn ogystal â'n ‘llyfrgell’ o gyfarpar maes lle gallwch fenthyca dillad gwrth-ddŵr, esgidiau ac offer awyr agored.

Mae'r rhaglen radd hon yn addas ar gyfer myfyrwyr sydd am astudio daearyddiaeth ond nad ydynt am astudio pynciau Daearyddiaeth Ddynol yn fanwl. Mae myfyrwyr sydd am gynnwys Daearyddiaeth Ddynol yn cael eu hannog i ystyried y rhaglen BSc Daearyddiaeth hefyd.

Pam Daearyddiaeth Ffisegol yn Abertawe?

Mae Daearyddiaeth Ffisegol yn Abertawe'n cynnig:

  • Llwybr gradd hyblyg y gallwch ei deilwra drwy ddewis o gymysgedd o fodiwlau daearyddiaeth ddynol a ffisegol.
  • Y cyfle i astudio dramor am flwyddyn, neu weithio ym myd diwydiant.
  • Pwyslais cryf ar waith maes. Rydym yn manteisio ar Ardal o Harddwch Naturiol Eithriadol gyntaf y DU (Tirwedd Genedlaethol Gŵyr erbyn hyn) ar garreg ein drws, a pharciau cenedlaethol Cymru cyfagos i gynnal teithiau maes lleol rheolaidd.
  • Mae cyrsiau maes yn yr ail a'r drydedd flwyddyn yn rhoi cyfle i chi wneud gwaith maes yn Ewrop a Gogledd America, yn ogystal â modiwlau maes arbenigol yn Asia, gydag opsiynau carbon isel sy'n archwilio Ynysoedd Sili.
  • Adran o fri rhyngwladol â hanes cryf o gyflogadwyedd; un o'r 250 o’r adrannau gorau yn y byd ar gyfer y Gwyddorau Amgylcheddol (Safleoedd Byd-eang QS fesul pwnc, 2025).
  • 100 uchaf yn y Byd ar gyfer Daearyddiaeth (Global Ranking of Academic Subjects 2024).

Eich Profiad Daearyddiaeth Ffisegol

  • Gallwch astudio modiwlau sy'n darparu sgiliau a gwybodaeth i fynd i'r afael â heriau a all gynnwys: Monitro Newid Byd-eang o'r Gofod, Amgylcheddau'r Gorffennol a Newid yn yr Hinsawdd, Amgylcheddau Arfordirol a Rheoli Tir yn Gynaliadwy.
  • Mae ein modiwlau Cyfathrebu Gwyddonol ac Adroddiad Traethawd Hir yn rhoi sgiliau trosglwyddadwy allweddol i fyfyrwyr fel rheoli prosiect a galluoedd ymchwilydd annibynnol.
  • Gall myfyrwyr sy'n siarad Cymraeg ddewis astudio rhan o'r rhaglenni gradd hyn drwy gyfrwng y Gymraeg.

Cyfleoedd Cyflogaeth Daearyddiaeth Ffisegol

Mae ein graddedigion wedi dod yn Wyddonwyr Dalgylchoedd, Ecolegwyr, Proseswyr Data Daearyddol, Syrfewyr, Swyddogion Tai, Meteorolegwyr, Newyddiadurwyr, Cynghorwyr a Darlithwyr y Llywodraeth.

Mae ein myfyrwyr yn siarad am deithiau maes, cyfeillgarwch a mwy

Mae ein myfyrwyr yn siarad am eu profiadau a'u rhagolygon gyrfa

Modiwlau

Ar ôl cwblhau modiwlau gorfodol cynnar gan gynnwys wyneb newidiol y ddaear, newid amgylcheddol byd-eang a symudiadau byd-eang, byddwch yn gallu teilwra gweddill y radd Daearyddiaeth Ffisegol i ddiwallu'ch anghenion chi.

Byddwch yn dewis o blith amrywiaeth eang o fodiwlau dewisol, cyn i chi fynd ati i gwblhau traethawd hir yn eich blwyddyn olaf.

Daearyddiaeth Ffisegol

Daearyddiaeth Ffisegol gyda Blwyddyn Dramor

Daearyddiaeth Ffisegol gyda Blwyddyn mewn Diwydiant