Mae ein Daearyddiaeth BSc pedair blynedd sydd â gradd blwyddyn sylfaen yn ddelfrydol i fyfyrwyr nad ydynt yn bodloni'r gofynion angenrheidiol i gael lle ar y radd ym mlwyddyn un. Cewch gyfle i ddatblygu dealltwriaeth sy'n hanfodol er mwyn cwblhau'r radd yn llwyddiannus.
Ar ôl cwblhau'r Flwyddyn Sylfaen yn llwyddiannus, gallwch naill ai fynd ymlaen i astudio'r cwrs BSc Daearyddiaeth neu'r cwrs BA Daearyddiaeth.
Mae Daearyddiaeth yn bwnc poblogaidd ym Mhrifysgol Abertawe. Dysgir y cyrsiau daearyddiaeth ar gampws Parc Singleton yn edrych dros Fae Abertawe.
Caiff yr hyn y byddwch yn ei ddysgu ei lywio gan academyddion ysbrydoledig a gydnabyddir yn rhyngwladol gan gynnwys yr Athro Tavi Murray, y ferch gyntaf i ennill Medal Polar am ei gwasanaeth eithriadol i ymchwil begynol; a'r Athro Adrian Luckman, a gafodd sylw yn y cyfryngau byd-eang am ei ymchwil i gwymp llen iâ Larsen C ym maes newid yn yr hinsawdd.
Mae ein graddau BA a BSc Daearyddiaeth wedi'u hachredu gan y Gymdeithas Ddaearyddol Frenhinol (gydag IBG).
Llwybr gradd hyblyg strwythuredig y gellir ei addasu gyda chymysgedd o fodiwlau daearyddiaeth dynol a chorfforol. Bydd myfyrwyr yn cael cyfle i astudio dramor am flwyddyn neu weithio mewn diwydiant am flwyddyn, naill ai'n lleol, yn genedlaethol neu dramor.
Yn Abertawe rydym yn rhoi pwyslais cryf ar waith maes. Mae ein cyrsiau maes yn mynd â myfyrwyr i ardaloedd o harddwch naturiol eithriadol fel Penrhyn Gŵyr, ac i leoliadau ar draws y byd fel Borneo, Himalayas India a Mallorca.
Mae ein graddedigion wedi dod yn Wyddonwyr Dalgylchoedd, Ecolegwyr, Proseswyr Data Daearyddol, Syrfewyr, Swyddogion Tai, Meteorolegwyr, Newyddiadurwyr, Cynghorwyr a Darlithwyr y Llywodraeth.
Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.
Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.
CDD - DDD
Mae ein rhaglenni wedi'u hachredu gan y Gymdeithas Ddaearyddol Frenhinol (gydag IBG). Mae rhaglenni gradd achrededig yn cynnwys sylfaen academaidd gadarn mewn gwybodaeth a sgiliau daearyddol, ac maent yn paratoi graddedigion i fynd i'r afael ag anghenion y byd y tu hwnt i addysg uwch. Mae'r meini prawf achredu yn gofyn am dystiolaeth bod graddedigion rhaglenni achrededig yn bodloni cyfres ddiffiniedig o ddeilliannau dysgu, gan gynnwys gwybodaeth am y pwnc, gallu technegol a sgiliau trosglwyddadw.
