Ffiseg, MPhys (Anrh)

Mae clirio ar agor!

Gwnewch gais nawr
Student

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Mae ffiseg yn cyfuno rhesymu dadansoddol a datrys problemau gan ddefnyddio iaith mathemateg i ddeall y bydysawd. Os oes gennych awydd dwfn i ddeall sut mae popeth yn gweithio o fyd  cwantwm isatomig i ehangder y bydysawd, ac mae gennych y cymhelliant i fod yn ffisegwr proffesiynol, mae'r cwrs gradd MPhys Ffiseg pedair blynedd yn ddelfrydol i chi. 

Byddwch yn dysgu cysyniadau ffisegol a thechnegau mathemategol ac yn eu cymhwyso er mwyn deall datblygiadau mewn gwybodaeth gwantwm, cosmoleg, lled-ddargludyddion, laserau, a ffiseg  niwclear a gronynnau.

Yn y flwyddyn olaf o'r rhaglen byddwch yn astudio modiwlau uwch megis modiwlau am ddysgu peirianyddol, gwybodaeth gwantwm, a theori maes cwantwm yn ogystal â ffiseg tyllau duon.

Byddwch yn gweithio ar brosiect uwch MPhys sy'n flwyddyn o hyd ac yn dysgu sut i gynnal ymchwil sydd ar flaen y gad yn y meysydd hyn, dan oruchwyliaeth academyddion a gydnabyddir yn rhyngwladol.

Pam Ffiseg yn Abertawe?

  • 11eg yn y DU (Guardian University Guide 2025) 

  • 3ydd yn y DU am Foddhad â’r Addysgu (Guardian University Guide 2025)

  • 5ed Yn Y Du Am Yr Addysgu Ar Fy Nghwrs * (NSS 2024)*Yn seiliedig ar y sgor gyfartalog ar gyfer agwedd gadarnhaol ar draws cwestiynau 1 i 4 yn Arolwg Cenedlaethol o Fyfyrwyr 2024 o'n cymharu ni a phrifysgolion eraill yn y Times Good University Guide.
  • Un o’r 201-250 o Raglenni Gorau yn y Byd (QS World University Rankings 2025)

Mae Ffiseg ym Mhrifysgol Abertawe yn radd a edmygir yn eang sy'n denu myfyrwyr o bob cwr o'r byd.

Bydd eich dysgu'n cael ei lunio gan academyddion ysbrydoledig a rhyngwladol gan gynnwys yr Athro Mike Charlton. Datblygodd yr Athro Charlton a'i dîm dechnegau arloesol a arweiniodd at ddal ac astudio atomau gwrth-hydrogen.

Eich Profiad Ffiseg

  • Byddwch yn astudio seryddiaeth, ffiseg niwclear, ffiseg lled-ddargludyddion, mecaneg gwantwm, ac yn dewis o amrywiaeth o fodiwlau ar astroffiseg, disgyrchiant a chosmoleg, prosesu gwybodaeth gwantwm a ffiseg hinsawdd.
  • Mae ein grwpiau ymchwil sy'n arwain y ffordd yn fyd-eang mewn Ffiseg Gronynnau a Damcaniaeth Cosmoleg, Deunyddiau Cymhwysol, a'r cydweithrediad gwrth-fater ALPHA sydd â chysylltiadau agos â CERN, yn sicrhau bod ein haddysgu ar ein
    gradd yn cael ei lywio gan yr ymchwil ddiweddaraf. Mae myfyrwyr yn cael cyfle i wneud interniaeth dros yr haf neu gynnal prosiect blwyddyn olaf (fel arfer ar lefel Meistr) gyda grŵp ALPHA yn CERN yn Genefa.
  • Byddwch yn meistroli ystod eang o ddulliau datrys problemau dadansoddol a mathemategol yn y labordy ac felly'n meithrin amrywiaeth o sgiliau trosglwyddadwy a fydd yn eich rhoi mewn sefyllfa hynod ddymunol yn y farchnad gyflogaeth.
  • Mae cynrychiolwyr myfyrwyr etholedig ar gyfer pob blwyddyn ac ar gyfer Cymdeithas Ffiseg Prifysgol Abertawe (PhySoc)
    yn sicrhau bod llais pob myfyriwr yn cael ei glywed drwy gyfarfodydd rheolaidd â Phenaethiaid Adrannau.
  • Mae'r adran Ffiseg a Chymdeithas Ffiseg Prifysgol Abertawe'n noddi digwyddiadau cymdeithasol a digwyddiadau academaidd rheolaidd megis cynulliadau adrannol a darlithoedd nodedig i ddod â myfyrwyr a staff at ei gilydd.
  • Mae ein mannau cyffredin i myfyrwyr a staff (the Event Horizon) sy'n meddu ar olygfeydd trawiadol o
    Fae Abertawe, yn lle delfrydol i astudio'n dawel, cynnal trafodaethau anffurfiol a chael cinio.

Cyfleoedd Cyflogaeth Ffiseg

Mae ein graddedigion wedi dod yn wyddonwyr data, yn beirianwyr deallusrwydd artiffisial, yn ddaroganwyr galw, yn ddadansoddwyr cyllid meintiol, yn ddadansoddwyr llofnodion electromagnetig, yn ddrafftwyr cost, yn archwilwyr patent ac yn beirianwyr meddalwedd mewn sectorau sy'n cynnwys ymchwil y llywodraeth, y sector preifat, awyrofod, amddiffyn, ynni, peirianneg ac archwilio’r gofod.

Mae canran sylweddol o'n graddedigion yn mynd ymlaen i ddilyn astudiaethau ac ymchwil ôl-raddedig gydag amrywiaeth eang o arbenigeddau.

5 rheswm dros astudio Ffiseg yn Abertawe

Ewch ar daith o amgylch ein cyfleusterau gyda Saba

Modiwlau

Byddwch yn dilyn llwybr gradd sy'n cynnwys y modiwlau 10 credyd gorfodol a dewisol canlynol, ac eithrio modiwl prosiect 60 credyd yn eich blwyddyn olaf.

Ffiseg

Ffiseg gyda Blwyddyn Dramor

Ffiseg gyda Blwyddyn mewn Diwydiant