Hanes yr Henfyd, BA (Anrh)

Gallwch archwilio ystod o gysyniadau hanesyddol wrth feithrin sgiliau trosglwydd

students speaking together

Trosolwg o'r Cwrs

Mae Hanes yr Henfyd yn archwilio cymdeithasau a diwylliannau'r Groegiaid a'r Rhufeiniaid, gan olrhain sut y gwnaethant ddatblygu yn ystod cyfnod o ymhell dros fil o flynyddoedd. Gall cymdeithasau a digwyddiadau'r byd Groeg-Rufeinig ymddangos yn bell ond maent yn parhau i fod yn ddylanwadol, hyd yn oed heddiw, ac mae ganddynt etifeddiaeth gymhleth.

Bydd y radd hon yn eich cyflwyno i'r damcaniaethau a'r methodolegau a fydd yn eich helpu i ddeall yr amrywiaeth o brofiadau byw a ddeilliodd o'r hen fyd. Byddwch yn cael eich cefnogi wrth i chi ddatblygu sgiliau newydd gam wrth gam, gan adeiladu ar ymarfer yn y dosbarth ac adborth adeiladol, i allu ymchwilio, dadansoddi a chyflwyno tystiolaeth o'r hen fyd yn effeithiol.

Byddwn yn eich cyflwyno i wahanol ddulliau hanesyddol; meddwl am fywydau a bywoliaethau hynafol, ffyrdd y bu pobl yn dylanwadu ar eu hamgylchedd, a sut maent yn datblygu syniadau i esbonio'r byd o'u cwmpas. 

Gallwch hefyd ddysgu am ryngweithiadau cymdeithasau hynafol â'u cymdogion o amgylch Môr y Canoldir a chenhedloedd ymhellach i ffwrdd, o Brydain i Bersia ac India. Gan ein bod hefyd yn cynnig Eifftoleg, cewch gyfle unigryw i ddysgu mwy am yr hen Aifft a Sudan.

Cewch gyfleoedd i ymdrin â ffynonellau archeolegol fel celf hynafol, olion deunydd a thirweddau, a byddwn yn gweithio ar y cyd i ddehongli testunau hynafol, o weithiau llenyddol i arysgrifau neu graffiti. Gallwch hefyd ddewis astudio Lladin neu Roeg hynafol i werthfawrogi'r ffynonellau hyn fel y'u hysgrifennwyd yn wreiddiol.

Ceir llawer o wahanol ffyrdd o astudio'r hen fyd, sy'n eich galluogi i fanteisio ar eich cryfderau a dilyn eich diddordebau penodol. Mae'r rhaglen wedi'i chynllunio i feithrin meddwl yn drylwyr, y gallu i ddadansoddi deunydd cymhleth, ac i gyfleu eich syniadau i wahanol gynulleidfaoedd; dyma sgiliau a fydd yn creu cyfleoedd gyrfa cyffrous mewn ystod eang o broffesiynau.

Pam Hanes yr Henfyd yn Abertawe?

Rydym ni ar Gampws Parc Singleton, lleoliad trawiadol sy'n edrych dros Fae Abertawe ar ymyl Penrhyn Gŵyr.

Byddwch yn astudio mewn adran lwyddiannus, lle mae'r Clasuron a Hanes yr Henfyd ym Mhrifysgol Abertawe yn y safleoedd canlynol ar hyn o bryd:

  • Yr 11eg safle yn y DU (Guardian University Guide 2026)
  • Y 5ed safle yn y DU am Agwedd Gadarnhaol Gyffredinol (Arolwg Cenedlaethol o Fyfyrwyr 2025) - a aseswyd o dan 'Y Clasuron'*
  • Yr 2il safle yn y DU am Ansawdd Addysgu (Times Good University Guide 2026)
  • Y 3ydd safle yn y DU am Brofiad Myfyrwyr (Times Good University Guide 2026)
  • Ymysg yr 15 adran orau yn y DU am Ragolygon Graddedigion (Complete University Guide 2026)
  • Ymhlith y 51-150 o brifysgolion gorau’r byd (Safleoedd Prifysgolion y Byd yn ôl Pwnc QS 2025)

*Yn seiliedig ar y sgôr agwedd gadarnhaol gyffredinol ar gyfer cwestiynau 1 i 26 yn Arolwg Cenedlaethol o Fyfyrwyr 2025 o’i gymharu â’r prifysgolion yn y Times Good University Guide

Eich Profiad Hanes yr Henfyd

Gallwch ddewis astudio amrywiaeth eang o bynciau yn y ddisgyblaeth hon, gan weithio gydag academyddion sy'n arbenigwyr a gydnabyddir yn fyd-eang yn y maes. Mae gennym arbenigedd mewn meysydd o ddinas-wladwriaethau Groeg a’u daearyddwyr, Cyprus drwy’r oesoedd, ac Alecsander Fawr i Syria Rufeinig, Pompeii, ac esgobion ac ymerodron yr ymerodraeth Rufeinig ddiweddarach.

Drwy gydol eich gradd, bydd gennych fentor academaidd personol a all roi cymorth i chi gyda'ch astudiaethau. Rydym yn gymuned glos ac yn mwynhau archwilio'r byd hynafol y tu hwnt i'r ystafell ddosbarth. Mae ein Cymdeithas yr 

Hen Fyd, dan arweiniad myfyrwyr, yn trefnu digwyddiadau cymdeithasol a diwylliannol rheolaidd, gan gynnwys teithiau i amgueddfeydd, sy'n ffordd wych i chi gwrdd ag unigolion o'r un meddylfryd.

Mae gennym gysylltiadau agos â'r sector treftadaeth, a gallwch wirfoddoli mewn nifer o amgueddfeydd lleol, gan gynnwys ein Canolfan Eifftaidd , sy'n gartref i dros 5,000 o arteffactau gwirioneddol o'r Aifft ar Gampws Singleton.

Mae'r rhaglen yn cynnwys cyfleoedd i ymgymryd â Semester neu Flwyddyn Dramor, sy'n eich galluogi i ymdrochi mewn diwylliant newydd, gwella eich dysgu a'ch dealltwriaeth, yn ogystal â chynnig profiad amhrisiadwy.

Mae'r cwrs hwn yn cynnig y cyfle i chi dreulio Blwyddyn mewn Diwydiant, yn y DU neu dramor, gan roi i chi brofiad gwerthfawr o'r gweithle. Mae'r Brifysgol yn ffafrio lleoliadau â thâl, sydd â chyflog gwerth mwy na £20,000 ar gyfartaledd. Mae lleoliadau di-dâl yn cael eu hystyried fesul achos.

Er mai'r myfyriwr sy'n gyfrifol am sicrhau lleoliad gwaith, rydym yn gweithio gyda nifer o sefydliadau sy'n darparu ystod o gyfleoedd lleoliad gwaith. Byddwch yn cael eich cefnogi drwy gydol eich taith ymgeisio â chyngor, arweiniad ac adnoddau ychwanegol. Os nad ydych chi'n sicrhau lleoliad erbyn diwedd ail flwyddyn eich astudiaethau, cewch eich trosglwyddo i'r rhaglen radd gyfatebol.

Cyfleoedd Cyflogaeth Hanes yr Henfyd

Fel myfyriwr Hanes yr Henfyd, byddwch fel arfer yn datblygu sgiliau cyfathrebu, cyflwyno ac ysgrifennu rhagorol sy'n gysylltiedig ag ymchwil, dadansoddi a datrys problemau. Byddwch yn dysgu i ddatblygu eich syniadau mewn amrywiaeth eang o fformatau sy'n uniongyrchol berthnasol i'ch bywyd ar ôl y brifysgol. Rydym yn disgwyl i'n graddedigion fod yn feirniadol ystwyth, yn feddylwyr dadansoddol, yn fedrus mewn ymchwil, ac yn meddu ar sgiliau datrys problemau cryf, gan gynnwys y gallu i wneud penderfyniadau gwybodus. 

Mae gennym gysylltiadau agos ag ysgolion lleol, yn rhannol drwy Hyb Clasuron Cymru yn ogystal â'n Modiwl Lleoliad Addysgu, lle gallwch hefyd ennill profiad gwerthfawr yn yr ystafell ddosbarth drwy addysgu disgyblion am yr hen fyd fel rhan o'ch cwrs.

Mae ein graddedigion yn mynd i yrfaoedd mewn amrywiaeth eang o sectorau, gan gynnwys:

•    Addysg
•    Treftadaeth a Thwristiaeth
•    Y Cyfryngau a Chysylltiadau Cyhoeddus
•    Marchnata
•    Busnes a Rheoli
•    Gwleidyddiaeth a'r Gwasanaeth Sifil

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Cynnig Nodweddiadol Safon Uwch

ABB-BBC

Hanes yr Henfyd

Hanes yr Henfyd gyda Blwyddyn Dramor

Hanes yr Henfyd gyda Blwyddyn mewn Diwydiant