Newyddiaduraeth, y Cyfryngau a Chyfathrebu, BA (Anrh)

Mae clirio ar agor!

Gwnewch gais nawr
students filming

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Fel bodau dynol, rydym yn treulio mwy o amser yn darllen neu’n gwrando ar y cyfryngau nag unrhyw weithgaredd arall. Dim ond cysgu sy’n cymryd mwy o’n hamser. Yn yr oes ddigidol, mae platfformau newyddion a chyfryngau traddodiadol yn cael eu disodli ymhellach gan nifer enfawr o blatfformau ar-lein. Nid yw dewis, felly, erioed wedi bod yn fwy ac nid yw ansawdd erioed wedi bod yn mor amrywiol. Yn yr oes “newyddion ffug”, er enghraifft, nid yw’r gallu i wahaniaethu rhwng ffaith wrthrychol a rhethreg ddyfaliadol erioed wedi bod yn fwy pwysig. Mae graddedigion heddiw yn ddefnyddwyr llu o wybodaeth ond maent hefyd yn guraduron a chreawdwyr arni, ac mae angen yn awr i ddarpar newyddiadurwyr ddatblygu eu brandiau personol eu hunain mewn marchnad orlawn.  

Nod y rhaglen, felly, yw darparu set o sgiliau dadansoddol, ymarferol a chyflogadwyedd i fyfyrwyr a fydd yn eu galluogi i ymgysylltu’n haws â’r farchnad swyddi i raddedigion. Caiff y rhaglen ei gwerthuso’n rheolaidd gan banel diwydiannol i sicrhau ei bod yn parhau i fod ar flaen y gad o ran yr hyn y mae ei angen ar gyflogwyr a’r diwydiant. Bydd gennych chi gyfle i fynd i weithdai a seminarau a gynhelir gan siaradwyr gwadd fel rhan o’r cwrs.

Pam Cyfryngau a Chyfathrebu Yn Abertawe?

Mae pwnc y Cyfryngau a Chyfathrebu ym Mhrifysgol Abertawe, sydd wedi'i leoli ar gampws godidog Parc Singleton, mewn parcdir sy'n edrych dros Fae Abertawe ar gyrion Penrhyn Gŵyr, yn y safleoedd canlynol:

  • 8fed yn y DU ar gyfer Boddhad Myfyrwyr (Complete University Guide 2025)
  • 8fed yn y DU ar gyfer Profiad Myfyrwyr (Times Good University Guide 2025)
  • 10fed yn y DU ar gyfer Ansawdd Dysgu (Times Good University Guide 2025)

Rydym yn ymfalchïo mewn paratoi graddedigion ar gyfer gyrfaoedd y tu hwnt i'r brifysgol. Gallwn wneud hyn drwy ddefnyddio ein cysylltiadau â diwydiant, a'n pwyslais ar y sgiliau rhyngbersonol penodol y mae ein panel diwydiant yn eu hystyried yn allweddol yn eu prosesau recriwtio.

Eich Profiad Newyddiaduraeth, y Cyfryngau a Chyfathrebu

Rydym yn cynnig cwrs gradd amrywiol a hyblyg, felly gallwch lywio eich cwrs mewn ffordd sy'n gweddu i'ch nodau gyrfa yn ogystal â datblygu eich diddordebau eich hun.

Yn ogystal â thema graidd newyddiaduriaeth sy’n sail i’r radd, gallwch ddewis pynciau sy’n cynnwys ymarfer y cyfryngau creadigol, cynhyrchu radio a fideo, y cyfryngau digidol a chymdeithasol, cysylltiadau cyhoeddus gan gynnwys strategaeth, brandio a marchnata, damcaniaeth y cyfryngau, cyfraith y cyfryngau a ffilm.

Yn ystod eich trydedd flwyddyn, gallwch ddewis datblygu eich diddordebau penodol personol ac ysgrifennu traethawd academaiddd neu arteffact newyddiadurol. Bydd hyn yn cynnwys llawer o’r damcaniaethau a/neu sgiliau rydych chi wedi bod yn eu hastudio drwy gydol eich gradd.

Bydd gennych Tiwtor Personol a all roi unrhyw gymorth sydd ei angen arnoch, a bydd cyfle i astudio rhai modiwlau drwy gyfrwng y Gymraeg.

Cyfleoedd Cyflogaeth Newyddiaduraeth, y Cyfryngau a Chyfathrebu

Mae ein graddedigion y Cyfryngau a Chyfathrebu yn gwbl ryngwladol ac wedi’u cyflogi ym mhedwar ban byd.

Maent yn dilyn gyrfaoedd yn y meysydd canlynol:

  • Newyddiaduraeth
  • Y Cyfryngau
  • Busnes
  • Cysylltiadau Cyhoeddus a Marchnata
  • Marchnata Digidol
  • Teledu a Radio
  • Cyhoeddi

Modiwlau

Bydd eich astudiaethau cynnar yn cyflwyno'r cyfryngau a chyfathrebu i chi, cyn i chi ddewis eich llwybr eich hun gyda modiwlau sy'n gweddu i'ch diddordebau eich hun.

Newyddiaduraeth, y Cyfryngau a Chyfathrebu

Newyddiaduraeth, y Cyfryngau a Chyfathrebu gyda Blwyddyn Dramor

Newyddiaduraeth, y Cyfryngau a Chyfathrebu gyda Blwyddyn mewn Diwydiant