Hanes, BA (Anrh)

Mae clirio ar agor!

Gwnewch gais nawr
Students walking through Singleton Park

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Manteisiwch ar eich diddordeb yn y gorffennol drwy astudio hanes ym Mhrifysgol Abertawe. Byddwch yn datblygu'r sgiliau sy'n cael eu gwerthfawrogi gan gyflogwyr ar draws amrywiaeth o sectorau, wrth archwilio'r cyflwr dynol o'r canol oesoedd i'r presennol.

Yn eich blwyddyn gyntaf, byddwch chi'n cael cyflwyniad i'r ymagweddau mae haneswyr yn eu defnyddio i ddeall ac esbonio agweddau gwahanol ar y gorffennol ar draws amrywiaeth eang o gyfnodau. Wrth i'ch astudiaethau fynd yn eu blaenau, byddwch chi'n gallu canolbwyntio'n fwy ar y canrifoedd, y diwylliannau a'r mathau o newidiadau hanesyddol sydd fwyaf diddorol i chi.

Pam Hanes yn Abertawe?

Ar ein campws Parc Singleton rhagorol, mewn parcdir sy'n edrych dros Fae Abertawe wrth ymyl Penrhyn Gŵyr, mae gan ein cwrs Hanes ym Mhrifysgol Abertawe enw da iawn ymhlith myfyrwyr a chyflogwyr:

Cewch eich addysgu gan staff ag arbenigedd yn hanes Prydain, Ewrop ac America, o'r canol oesoedd i'r presennol, ar bynciau sy'n cynnwys rhyw, rhywioldeb ac anghydraddoldeb; treftadaeth a hanes yn y gweithle; meddygaeth, iechyd ac anabledd; a rhyfel, trais a heddwch.

Gallwch astudio'r gorffennol y tu allan i'r ddarlithfa a'r llyfrgell, drwy deithiau maes a modiwlau teithiau astudio, gan ddefnyddio eich gwybodaeth mewn lleoliad gwaith. Gallwch ddewis treulio semester dramor gydag un o'n partneriaid niferus yn Asia neu Ogledd America.

Os ydych chi'n dewis ein gradd pedair blynedd, byddwch yn treulio'r flwyddyn rhwng eich ail a'ch pedwaredd flwyddyn dramor yn datblygu eich sgiliau ac yn cael profiadau newydd yn Ewrop, Asia neu Ogledd America.

Hanes yn Abertawe:

  • Ymhlith y 15 uchaf yn y DU am Brofiad Myfyrwyr (Times Good University Guide 2025)

Eich Profiad Hanes

Rydym yn cynnig amgylchedd dysgu a chymuned sy'n gynhwysol ac yn bwrpasol i fyfyrwyr. Caiff modiwlau eu haddysgu a’u hasesu mewn amrywiaeth o ffyrdd gwahanol a chewch eich annog i gymryd cyfrifoldeb am eich dysgu eich hun, i weithio’n annibynnol yn ogystal ag ar y cyd ag eraill, i ymddwyn yn broffesiynol a meistroli sgiliau newydd.

Drwy gydol eich cwrs, bydd gennych chi Tiwtor Personol i'ch cefnogi i gyrraedd eich nodau. Mae'r Gymdeithas Hanes, dan arweiniad myfyrwyr, yn trefnu digwyddiadau cymdeithasol a gweithgareddau diwylliannol, ac mae'n un o lu o gymdeithasau a fydd ar gael i chi ymuno â nhw fel myfyriwr yn Abertawe.

Cyfleoedd Cyflogaeth Hanes

Mae astudio hanes yn meithrin sgiliau meddwl yn feirniadol, cyfathrebu ysgrifenedig ac ar lafar, datrys problemau, a chasglu a dadansoddi gwybodaeth.

Mae ein graddedigion yn mynd ymlaen i weithio mewn amrywiaeth eang o sectorau, gan gynnwys:

  • Addysg
  • Y Cyfryngau a Chysylltiadau Cyhoeddus
  • Treftadaeth ac Amgueddfeydd
  • Busnes a Rheoli
  • Y Gyfraith a Gwasanaethau Cyhoeddus

Modiwlau

Yn eich blwyddyn gyntaf, byddwch yn dysgu sut i astudio'r gorffennol ar lefel gradd yn y modiwl Creu Hanes, ac yn defnyddio'r wybodaeth honno mewn amrywiaeth o fodiwlau hanes eraill. Gallwch chi hefyd ddewis astudio modiwlau iaith, llenyddiaeth a disgyblaethau eraill sy'n berthnasol i astudio hanes.

Yn eich ail flwyddyn, gallwch chi deilwra eich dewis o fodiwlau i fod yn fwy addas i'ch diddordebau chi, wrth ddatblygu sylfaen eang ar gyfer eich blwyddyn astudio derfynol .

Yn eich blwyddyn olaf, byddwch yn ysgrifennu traethawd estynedig ar bwnc o'ch dewis. Byddwch chi hefyd yn cymryd 'Pwnc Arbennig', sef modiwl sy'n adlewyrchu arbenigedd penodol aelod o’r staff Hanes, gan ddewis o amrywiaeth eang o opsiynau thematig a phynciol eraill.

Hanes

Hanes gyda Blwyddyn Dramor

Hanes gyda Blwyddyn mewn Diwydiant