Ieithoedd Modern, Cyfieithu a Chyfieithu ar y Pryd, BA (Anrh)

Mae clirio ar agor!

Gwnewch gais nawr
Myfyriwr yn astudio mewn labordy iaith

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Mae'r galw am gyfieithwyr a chyfieithwyr ar y pryd yn tyfu'n gyflym wrth i fwy o gwmnïau, sefydliadau ac unigolion fasnachu’n fyd-eang, ond yn disgwyl defnyddio gwasanaethau yn eu hieithoedd eu hunain.

Bydd ein gradd hyblyg ac arbenigol mewn Ieithoedd Modern, Cyfieithu a Chyfieithu ar y Pryd yn rhoi sgiliau iaith ardderchog i chi mewn naill ai un neu ddwy o ieithoedd modern (Ffrangeg, Almaeneg a Sbaeneg), yn ogystal â sgiliau cyfieithu a chyfieithu ar y pryd damcaniaethol, galwedigaethol ac ymarferol.

Gellir astudio Ffrangeg, Almaeneg a Sbaeneg ar y lefelau canlynol ac yn y cyfuniadau canlynol:

  • Dwy iaith uwch: yn addas ar gyfer myfyrwyr sydd â Safon Uwch neu gymhwyster/brofiad cyfwerth yn y ddwy iaith.
  • Un iaith uwch ac un iaith i ddechreuwyr: yn addas i chi os oes gennych Safon Uwch mewn un iaith, ac rydych chi'n dymuno parhau â'r iaith honno wrth ychwanegu ail iaith at eich sgiliau.
  • Un iaith uwch: yn addas ar gyfer myfyrwyr sydd â Safon Uwch neu gymhwyster/brofiad cyfwerth sy'n dymuno canolbwyntio'n llwyr ar un iaith.

Ar ôl cwblhau'r rhaglen hon, bydd gennych ddealltwriaeth feirniadol o gyfieithu a chyfieithu ar y pryd mewn gwahanol feysydd a chyd-destunau arbenigol, yn ogystal â lefel uchel o ruglder yn eich ieithoedd o ddewis.

Pam Ieithoedd Modern, Cyfieithu a Chyfieithu ar y pryd yn Abertawe?

Addysgir y rhaglen ar Gampws godidog Parc Singleton, mewn parcdir yn edrych dros Fae Abertawe, ar ymyl Penrhyn Gŵyr:

  • Byddwch yn cael eich addysgu gan arbenigwyr ymchwil sy'n arbenigo mewn cyfieithu a chyfieithu ar y pryd yn ogystal â chyfryngau newydd (technoleg a deallusrwydd artiffisial), astudiaethau cyfieithu gwybyddol, a chyfieithu trosiadol.
  • Cewch brofiad o waith cyfieithu, gan gynnwys darlithoedd gan weithwyr proffesiynol yn y diwydiant ar lif gwaith prosiect cyfieithu a chyfieithu masnachol, meddalwedd rheoli prosiectau, yn ogystal â gweithdrefnau ymgeisio am swyddi.
  • Bydd gennych diwtor personol a fydd yn cynnig unrhyw gefnogaeth y gall fod ei hangen arnoch.
  • Bydd gennych fynediad at labordai cyfrifiaduron sydd â’r feddalwedd ddiweddaraf yn y diwydiant cyfieithu, swît cynhadledd a chyfieithu ar y pryd Televic newydd yn ogystal ag adnoddau llyfrgell ardderchog.
  • Byddwch yn gallu ymuno â'n Cymdeithasau Myfyrwyr FfrangegAlmaeneg a Sbaeneg ar gyfer digwyddiadau cymdeithasol wythnosol yn cynnwys ‘Noson Raclette’, arddangosiadau ffilm, cwisiau tafarn a mwy!

Mae Ieithoedd Modern yn Abertawe wedi'u rhestru fel a ganlyn:

  • 1af yn y DU ar gyfer Boddhad Addysgu (Guardian University Guide 2025)
  • 1af ar gyfer Cyfleoedd Dysgu (NSS 2024)*
  • 2il ar gyfer Addysgu (NSS 2024)**
  • 2il ar gyfer Llais Myfyrwyr (NSS 2024)*
  • 5ed yn y DU yn gyffredinol (Guardian University Guide 2025)

*Yn seiliedig ar y sgôr positifrwydd cyfartalog ar draws cwestiynau 5 i 9 yn NSS 2024 o’i gymharu â’r prifysgolion sydd wedi’u cynnwys yn y Times Good University Guide.
**Yn seiliedig ar y sgôr positifrwydd cyfartalog ar draws cwestiynau 1 i 4 yn NSS 2024 o’i gymharu â’r prifysgolion yn y Times Good University Guide.
***Yn seiliedig ar y sgôr positifrwydd cyfartalog ar draws cwestiynau 22 i 25 yn yr NSS 2024 o’i gymharu â’r prifysgolion sydd wedi’u cynnwys yn y Times Good University Guide.

Eich Profiad Ieithoedd Modern, Cyfieithu a Chyfieithu ar y pryd

Fel partner cydnabyddedig yn Sefydliad Siartredig yr Ieithyddion, mae ein cwricwlwm yn bodloni safonau a osodir gan gyrff cyfieithu proffesiynol. Byddwch yn derbyn hyfforddiant trylwyr, gan ennill sgiliau penodol.

Gallwch lunio eich cwrs i gyd-fynd â'ch nodau a'ch diddordebau drwy ddewis o blith y canlynol:

  • Rhaglen 4 blynedd gan dreulio blwyddyn yng ngwlad neu wledydd yr iaith neu'r ieithoedd a astudir. (Rhuglder disgwyliedig C1 ar Raddfa'r Fframwaith Ewropeaidd Cyffredin ar gyfer Ieithoedd)
  • Rhaglen 4 blynedd gyda Blwyddyn benodol mewn Diwydiant, yn y DU neu ymhellach i ffwrdd. (Rhuglder disgwyliedig B2-C1)
  • Rhaglen 3 blynedd heb Flwyddyn Dramor na Blwyddyn mewn Diwydiant sy'n cynnig llwybr mwy uniongyrchol i gyflogaeth neu astudiaethau ôl-raddedig. (Rhuglder disgwyliedig B2-C1)*

Mae blwyddyn dramor yn un o'n sefydliadau partner yn eich galluogi i hogi eich iaith a'ch ymwybyddiaeth ryngddiwylliannol, sy'n hanfodol i gyfieithu a chyfieithu ar y pryd.

Gellir treulio'r Flwyddyn mewn Diwydiant yn y DU neu dramor**, gan roi profiad gwerthfawr. Mae'r Brifysgol yn ffafrio lleoliadau cyflogedig, gyda chyflog cyfartalog o £20,000+. Mae lleoliadau di-dâl yn cael eu hystyried fesul achos. Er mai cyfrifoldeb y myfyriwr yw sicrhau lleoliad, rydym yn gweithio gyda sawl sefydliad sy'n cynnig cyfleoedd amrywiol. Cefnogir myfyrwyr drwy gydol taith y cais gyda chyngor, arweiniad ac adnoddau. Os na allwch sicrhau lleoliad erbyn diwedd yr ail flwyddyn astudio, byddwch yn trosglwyddo i'r rhaglen radd gyfatebol.

Mae'r rhaglen hon yn agored i siaradwyr brodorol yr ieithoedd sydd ar gael, a all ddewis dysgu ail neu drydedd iaith yn unol â'r cyfuniadau a restrir uchod. Efallai y bydd myfyrwyr yn dymuno astudio eu hiaith gyntaf hefyd, gyda'r bwriad o ddod yn gyfieithydd ar y pryd neu gyfieithydd proffesiynol yn eu gwlad wreiddiol.

*Gall lefelau cyrhaeddiad amrywio o fyfyriwr i fyfyriwr am resymau y tu hwnt i reolaeth Prifysgol Abertawe.
**Mae lleoliadau tramor yn dibynnu ar gyfyngiadau FISA fesul gwlad.

Cyfleoedd Cyflogaeth Ieithoedd Modern, Cyfieithu a Chyfieithu ar y Pryd

Er bod y rhaglen hon yn cynnig llwybr galwedigaethol clir i yrfa ym myd cyfieithu a chyfieithu ar y pryd, mae hefyd yn agor drysau i nifer o gyfleoedd gyrfa eraill yn y DU a’r tu hwnt. 

Dyma rai o yrfaoedd ein graddedigion:

  • Cyfieithu a Chyfieithu ar y Pryd
  • Hysbysebu a Marchnata
  • Ymgynghoriaeth Rheoli a Dadansoddi Busnes
  • Addysg
  • Newyddiaduraeth, y Cyfryngau a Chysylltiadau Cyhoeddus
  • Llywodraeth, Gwleidyddiaeth a Sefydliadau Dyngarol
  • Busnes a Masnach
  • Y Gwasanaethau Cyhoeddus

 

Modiwlau

Gweler y rhestr o fodiwlau isod:

Ieithoedd Modern, Cyfieithu a Chyfieithu ar y Pryd

Ieithoedd Modern, Cyfieithu a Chyfieithu ar y Pryd gyda Blwyddyn Dramor

Modern Languages, Translation and Interpreting with a Year in Industry, BA (Hons)