Iaith a Llenyddiaeth Saesneg, BA (Anrh)

Mae clirio ar agor!

Gwnewch gais nawr
rankings banner

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Fel myfyriwr Iaith a Llenyddiaeth Saesneg, byddwch yn dysgu am y cydberthnasau cymhleth a diddorol rhwng llenyddiaeth, gwleidyddiaeth a hanes ac yn astudio'r ffordd y caiff iaith ei dadansoddi a'i dehongli mewn gwahanol gyd-destunau. Bydd y cwrs gradd BA tair blynedd hwn yn cynnig amrywiaeth o bosibiliadau gyrfa cyffrous drwy eich helpu i feithrin sgiliau trosglwyddadwy y mae cyflogwyr yn chwilio amdanynt.

Mae'r cwrs yn mynd i'r afael â'r ffordd rydym yn caffael iaith, sut mae iaith yn gweithio, sut mae cymdeithasau'n cyfathrebu a mwy na mil o flynyddoedd o lenyddiaeth, o Beowulf i'r presennol. Cewch gyfle i astudio llenyddiaeth genedlaethol a byd-eang, llenyddiaeth y Dadeni, ffuglen Gothig a phoblogaidd, llenyddiaeth y 19eg ganrif, modernrwydd a ffuglen gyfoes, rhywedd a diwylliant, ysgrifennu creadigol a phroffesiynol.

Bydd gennych opsiwn o astudio ar gyfer Tystysgrif Caergrawnt mewn Addysgu'r Iaith Saesneg i Oedolion (CELTA) yn ystod eich ail flwyddyn, a fydd yn gyfle i wella eich profiad fel myfyriwr a'ch rhagolygon gyrfa ymhellach.

Pam Iaith a Llenyddiaeth Saesneg yn Abertawe?

Mae pwnc Llenyddiaeth Saesneg ym Mhrifysgol Abertawe, sydd wedi'i leoli ar gampws godidog Parc Singleton, mewn parcdir sy'n edrych dros Fae Abertawe ar gyrion Penrhyn Gŵyr, yn y safle canlynol:

Saesneg yn Abertawe:

  • 11eg yn y DU am Effaith Ymchwil (REF2021)
  • Ymhlith y 20 uchaf yn y DU ar gyfer Boddhad Addysgu (Guardian University Guide 2025)
  • 101-150 uchaf yn y Byd (QS World University Rankings by Subject 2025)

Eich Profiad Iaith a Llenyddiaeth Saesneg

Rydym yn cynnig cynnwys cwrs amrywiol a hyblyg, felly gallwch lywio eich cwrs yn unol â'ch diddordebau eich hun, boed hynny mewn llenyddiaeth genedlaethol a byd-eang, llenyddiaeth y Dadeni, ffuglen Gothig a phoblogaidd, llenyddiaeth y 19eg ganrif, modernrwydd a ffuglen gyfoes, rhywedd a diwylliant, ysgrifennu creadigol a phroffesiynol, dadansoddi iaith, ieithyddiaeth gymdeithasegol, astudio tafodieithoedd neu addysgu Saesneg fel iaith dramor.

Mae gan Gymru draddodiad telynegol cyfoethog ac Abertawe yw man geni Dylan Thomas. Gallwch gymryd rhan mewn prosiectau gyda Chanolfan Dylan Thomas a National Theatre Wales.

Cewch eich addysgu gan ysgrifenwyr profiadol sydd ag enw da sefydledig y mae eu gwaith wedi cael ei gyhoeddi, ei ddarlledu a'i berfformio'n eang ac mae ein staff academaidd yn gydnabyddedig yn rhyngwladol am eu hymchwil.

Yn yr ail flwyddyn, cewch gyfle i astudio ar gyfer cymhwyster CELTA i athrawon Saesneg fel iaith dramor, sy'n uchel ei barch. Bydd gennych opsiwn o dreulio semester yn UDA, Canada, Tsieina, Hong Kong neu Singapôr.

Mae gwaith rhai o'n myfyrwyr wedi cael ei gyhoeddi mewn cyfnodolion rhyngwladol a'i gyflwyno mewn cynadleddau rhyngwladol.

Hefyd, bydd gennych tiwtor personol a all roi unrhyw gymorth bugeiliol neu academaidd sydd ei angen arnoch, ac mae Cymdeithas y Myfyrwyr Saesneg yn trefnu amrywiaeth o ddigwyddiadau llenyddol, cymdeithasol a diwylliannol.

Cyfleoedd Cyflogaeth Iaith a Llenyddiaeth Saesneg

Mae ein graddedigion yn symud ymlaen i yrfaoedd mewn amrywiaeth eang o sectorau, gan gynnwys:

  • addysg
  • marchnata
  • cyfryngau cymdeithasol
  • gweinyddu prosiectau

Modiwlau

Bydd eich astudiaethau cynnar yn dangos i chi sut i ddod yn ysgolhaig Saesneg llwyddiannus ac yn cyflwyno darllen beirniadol, yr egwyddorion a'r derminoleg a ddefnyddir wrth astudio a dadansoddi iaith a sut i ysgrifennu traethodau.

Wedyn, byddwch yn dewis eich llwybr gyda modiwlau sy'n gweddu i'ch diddordebau, cyn canolbwyntio'n fanwl ar eich dewis brosiectau ymchwil.

Yn eich ail flwyddyn, bydd gennych opsiwn o astudio ar gyfer cymhwyster CELTA, a gydnabyddir yn rhyngwladol.

Mae'r modiwlau yn y flwyddyn olaf fel arfer yn cynnwys: traethawd hir (dewisol), ysgrifennu gan fenywod cyfoes a llenyddiaeth Americanaidd Affricanaidd 1910-1940

Iaith a Llenyddiaeth Saesneg

Saesneg ac Astudiaethau Iaith gyda Blwyddyn Dramor

Saesneg ac Astudiaethau Iaith gyda Blwyddyn mewn Diwydiant