Llenyddiaeth Saesneg, BA (Anrh)

Mae clirio ar agor!

Gwnewch gais nawr
students working together

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Llenyddiaeth Saesneg yw un o'r disgyblaethau mwyaf amrywiol a heriol a gynigir gennym.

 Drwy astudio ein cwrs gradd BA tair blynedd byddwch yn meithrin sensitifrwydd tuag at iaith ac yn ceisio ateb rhai cwestiynau pryfoclyd. Mae hefyd yn cynnig amrywiaeth o bosibiliadau gyrfa cyffrous drwy eich helpu i feithrin sgiliau trosglwyddadwy y mae cyflogwyr yn rhoi llawer o werth arnynt.

Cewch gyfle i astudio dros fil o flynyddoedd o lenyddiaeth, o Beowulf i'r presennol. Mae ein cwrs yn cwmpasu llenyddiaeth genedlaethol a byd-eang sy'n ymestyn o lenyddiaeth y Dadeni, ffuglen Gothig a phoblogaidd a llenyddiaeth y 19eg ganrif i fodernrwydd a ffuglen gyfoes.   Ymhlith y pynciau cyffrous eraill mae rhywedd a diwylliant ac ysgrifennu creadigol a phroffesiynol.

Cewch gyfle i dreulio semester yn astudio yn UDA, Canada, Tsieina, Hong Kong neu Singapôr, gan wella eich rhagolygon gyrfa ymhellach.

Pam Llenyddiaeth Saesneg yn Abertawe?

Mae pwnc Llenyddiaeth Saesneg ym Mhrifysgol Abertawe, sydd wedi'i leoli ar gampws godidog Parc Singleton, mewn parcdir sy'n edrych dros Fae Abertawe ar gyrion Penrhyn Gŵyr, yn y safle canlynol:

  • 11eg yn y DU am Effaith Ymchwil (REF2021)
  • Ymhlith y 20 uchaf yn y DU ar gyfer Boddhad Addysgu (Guardian University Guide 2025)
  • Ymhlith 101-150 uchaf yn y Byd (QS World University Rankings by Subject 2025)

Caiff ein staff academaidd eu cydnabod yn rhyngwladol am eu hymchwil. Byddwch yn dysgu gan awduron profiadol a sefydledig y mae eu gwaith wedi cael ei gyhoeddi, ei ddarlledu a'i berfformio'n eang.

Bydd gennych hefyd opsiwn o dreulio semester yn UDA, Canada, Tsieina, Hong Kong neu Singapôr.

Eich Profiad Llenyddiaeth Saesneg

Gallwch ddewis o blith amrywiaeth ddiddorol iawn o bynciau Llenyddiaeth Saesneg ac ysgrifennu creadigol er mwyn teilwra eich gradd yn unol â'ch diddordebau. 

Rydym yn cynnig cynnwys cwrs amrywiol a hyblyg, felly gallwch lywio eich cwrs yn ôl eich diddordebau eich hun, boed hynny mewn ffuglen Gothig a phoblogaidd, rhywedd a diwylliant, llenyddiaeth y Dadeni, llenyddiaeth genedlaethol a byd-eang, modernrwydd ac ysgrifennu cyfoes, llenyddiaeth y 19eg ganrif, neu ysgrifennu creadigol a phroffesiynol.

Mae gan Gymru draddodiad telynegol cyfoethog ac Abertawe yw man geni Dylan Thomas. Gallwch gymryd rhan mewn prosiectau gyda Chanolfan Dylan Thomas a National Theatre Wales.

Hefyd, bydd gennych tiwtor personol a all roi unrhyw gymorth bugeiliol neu academaidd sydd ei angen arnoch, ac mae Cymdeithas fywiog y Myfyrwyr Saesneg yn trefnu amrywiaeth o ddigwyddiadau llenyddol, cymdeithasol a diwylliannol.

Cyfleoedd Cyflogaeth Llenyddiaeth Saesneg

Bydd graddio â gradd mewn Saesneg a gydnabyddir yn rhyngwladol yn eich rhoi mewn sefyllfa wych i lwyddo mewn amrywiaeth eang o yrfaoedd. Byddwch yn meithrin sgiliau llafar ac ysgrifennu ardderchog a sgiliau ymchwil a dadansoddi cadarn ac yn dysgu sut i gyflwyno eich syniadau mewn amrywiaeth o fformatau, datrys problemau, gwneud penderfyniadau ar sail gwybodaeth a rheoli eich amser a'ch llwyth gwaith yn effeithiol. Bydd yr holl arbenigedd hwn yn sicrhau y gallwch gystadlu'n llwyddiannus yn y farchnad swyddi.

Mae ein graddedigion yn symud ymlaen i yrfaoedd mewn amrywiaeth eang o sectorau, gan gynnwys:

  • addysg
  • marchnata
  • cyfryngau cymdeithasol
  • gweinyddu prosiectau

Modiwlau

 Bydd eich astudiaethau cynnar yn dangos i chi sut i ddod yn ysgolhaig Saesneg llwyddiannus ac yn cyflwyno darllen beirniadol, adolygu rhyngdestunol, sut i ysgrifennu traethodau a throsolwg o hanes y theatr.

Wedyn, byddwch yn dewis eich llwybr gyda modiwlau sy'n gweddu i'ch diddordebau eich hun, cyn canolbwyntio'n fanwl ar eich dewis brosiectau ymchwil.

Llenyddiaeth Saesneg

Llenyddiaeth Saesneg gyda Blwyddyn Dramor

Llenyddiaeth Saesneg gyda Blwyddyn mewn Diwydiant