Llenyddiaeth Saesneg a Hanes, BA (Anrh)

Mae clirio ar agor!

Gwnewch gais nawr
students working together

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Mae'r cwrs Llenyddiaeth Saesneg a Hanes yn un amrywiol a heriol sy'n cwmpasu cyfnod sy'n ymestyn o'r canol oesoedd i'r oes fodern.

Archwiliwch dros fil o flynyddoedd o lenyddiaeth, o'r oesoedd canol cynnar hyd heddiw, tra'n ymwneud â themâu sy'n defro’r meddwl rhyw, diwylliant, a chymdeithas. Mae’r cwrs hwn yn ymdrin â thraddodiadau llenyddol cenedlaethol a byd-eang, gan gynnwys y Dadeni, genres Gothig, llenyddiaeth y 19eg ganrif, a ffuglen gyfoes. Trwy ymchwilio i'r gweithiau hyn, byddwch yn datblygu dealltwriaeth ddyfnach o lenyddiaeth tra'n ennill sgiliau trosglwyddadwy a werthfawrogir gan gyflogwyr, gan agor ystod o gyfleoedd gyrfa.

Ochr yn ochr â llenyddiaeth, mae detholiad amrywiol o fodiwlau hanes yn eich galluogi i deilwra eich astudiaethau i’ch diddordebau. Gall y pynciau gynnwys Ewrop ganoloesol, hanes cymdeithasol modern Prydain, crefydd, iechyd a meddygaeth, rhyw a hanes menywod, hanes diwylliannol, cof rhyfel a gwrthdaro, hanes cyhoeddus a threftadaeth, a’r Rhyfel Oer.

Cewch hefyd gyfle i dreulio semester dramor yn UDA, Canada, Tsieina, Hong Kong neu Singapôr – profiad cyffrous sy'n llawn boddhad a fydd yn gwella eich profiad myfyriwr a’ch rhagolygon gyrfa ymhellach.

Pam Llenyddiaeth Saesneg a Hanes yn Abertawe?

Abertawe yw man geni Dylan Thomas, a ystyrir yn eang gan lawer o ysgolheigion llenyddol fel un o feirdd telynegol mwyaf dylanwadol yr ugeinfed ganrif, ac ymhlith y goreuon erioed. Mae cysylltiadau’r brifysgol ag etifeddiaeth Dylan Thomas yn parhau gyda’n Gwobr Lenyddol Dylan Thomas a thrwy ymchwil a wneir yn ein Canolfan Ymchwil i Lenyddiaeth Saesneg ac Iaith Gymraeg (CREW). Trwy gydol y cwrs hwn byddwch hefyd yn cael y cyfle i gymryd rhan mewn prosiectau gyda Chanolfan Dylan Thomas a National Theatre Wales.

Saesneg yn Abertawe:  

  • 11eg yn y DU am Effaith Ymchwil (REF2021)
  • Ymhlith y 20 uchaf yn y DU ar gyfer Boddhad Addysgu (Guardian University Guide 2025)
  • Ymhlith 101-150 uchaf yn y byd (QS World University Rankings by Subject 2024)

Hanes yn Abertawe: 

  • 15 uchaf yn y DU am Brofiad Myfyrwyr (Times Good University Guide 2025)

Eich Profiad Llenyddiaeth Saesneg a Hanes

Gallwch ddewis o blith ystod eang o fodiwlau mewn llenyddiaeth Saesneg, ysgrifennu creadigol a hanes er mwyn llywio eich cwrs mewn ffordd sy'n gweddu i'ch diddordebau.

Ymhlith y pynciau sydd ar gael mae: llenyddiaeth genedlaethol a byd-eang o Beowulf i'r presennol, llenyddiaeth y Dadeni, ffuglen Gothig a phoblogaidd, llenyddiaeth y 19eg ganrif, ffuglen gyfoes, rhywedd a diwylliant, ysgrifennu creadigol a phroffesiynol yn ogystal â hanes cymdeithasol modern Prydain, hanes crefydd, iechyd a meddygaeth, rhywedd a hanes menywod, hanes diwylliannol, hanes a chofio rhyfel a gwrthdaro, hanes cyhoeddus a threftadaeth.

Mae gan Brifysgol Abertawe gymdeithasau ffyniannus a arweinir gan fyfyrwyr ar gyfer graddedigion Saesneg a Hanes, gyda digwyddiadau cymdeithasol a diwylliannol bywiog.

Hefyd, bydd gennych tiwtor personol a all roi unrhyw gymorth bugeiliol neu academaidd sydd ei angen arnoch.

Cyfleoedd Cyflogaeth Llenyddiaeth Saesneg a Hanes

Mae ein graddedigion yn symud ymlaen i yrfaoedd mewn amrywiaeth eang o sectorau, gan gynnwys:

  • addysg
  • newyddiaduraeth
  • y cyfryngau a chysylltiadau cyhoeddus
  • gwasanaethau cyhoeddus

Modiwlau

Bydd eich astudiaethau cynnar yn cyflwyno amrywiaeth o bynciau i chi, o Ewrop ganoloesol a hanes modern Prydain i ddarllen beirniadol a rhywedd mewn llenyddiaeth Saesneg.

Wedyn, byddwch yn dewis eich llwybr gyda modiwlau sy'n gweddu i'ch diddordebau eich hun, cyn canolbwyntio'n fanwl ar eich dewis brosiectau ymchwil.

Ymhlith modiwlau'r bedwaredd flwyddyn mae: Darganfod Hen Saesneg, Barddoniaeth yn yr Ugeinfed Ganrif, Twf Brasil a Rhyngwladoliaeth, Rhyfel a Heddwch.

Llenyddiaeth Saesneg a Hanes

Llenyddiaeth Saesneg a Hanes gyda Blwyddyn Dramor

Llenyddiaeth Saesneg a Hanes gyda Blwyddyn mewn Diwydiant