Mae ein cwrs BA (Anrh) Addysg yn gwrs tair blynedd, blaengar, a arweinir gan ymchwil a fydd yn rhoi amrywiaeth o wybodaeth a sgiliau i chi sydd eu hangen ar gyfer gyrfa gyffrous a gwerth chweil yn y maes hwn.
Mae'n faes astudio sy'n datblygu'n gyflym, sy'n seiliedig ar ddisgyblaethau seicoleg, athroniaeth, hanes a'r gwyddorau cymdeithasol gan ganolbwyntio ar ddeall sut y mae pobl yn dysgu ac sut y mae strwythurau addysg yn meithrin dysgu gydol oes a datblygiad personol.
Wedi’i leoli ar ein campws godidog ym Mharc Singleton, mewn parcdir sy’n edrych dros Fae Abertawe ar gyrion Penrhyn Gŵyr, cewch gyfle i:
Dysgwch gan ddarlithwyr hynod gymwys sydd ag ystod eang o wybodaeth ac arbenigedd mewn agweddau amrywiol o Addysg. Bydd eich darlithwyr yn eich helpu i ddatblygu sgiliau academaidd ac ymchwil yn ogystal ag ystod o sgiliau cyflogadwyedd, a bydd cyflogwyr yn gwerthfawrogi pob un ohonynt.
Mae Addysg yn Abertawe:
Mae Addysg yn Abertawe yn radd hyblyg sy'n cynnig amrywiaeth eang o fodiwlau arbenigol sy'n eich galluogi i deilwra eich nodau gyrfa ar gyfer y dyfodol tra'n datblygu eich diddordebau unigol.
Cewch gyfle i gwblhau lleoliadau gwaith mewn sefydliadau fel ysgolion, awdurdodau lleol, busnesau ac elusennau i wella eich profiad fel myfyriwr a'ch rhagolygon gyrfa.
Mae ein graddedigion Addysg yn dilyn gyrfaoedd yn cynnwys:
Yn ystod eich blwyddyn gyntaf byddwch yn astudio meysydd sy'n cynnwys addysg gyfoes; tarddiad a theori ymchwil addysgol ac addysg mewn gwledydd eraill.
Yn ystod y ddwy flynedd ddilynol byddwch yn cwmpasu amrywiaeth eang o feysydd yn cynnwys datblygiad plant; diogelu a hyrwyddo llesiant mewn addysg; niwrowyddoniaeth addysgol a gwahaniaeth ac amrywiaeth mewn addysg.
Byddwch yn cwblhau traethawd hir annibynnol yn seiliedig ar ymchwill yn y flwyddyn olaf, gan ddatblygu'r wybodaeth a'r sgiliau i fod yn addysgwr effeithiol o ran ymchwil.
